2 Piɛ 3:2 - Nouveau Testament en Ngienboum

² Pi kímte shwóŋè gie pà *ntsẅì nkʉ̀ Ssé pe Ndʉalʉ̌a la tʉ́ njÿó ńgɔɔn, mbɔɔ *lepʉ̌ sie megàŋ ntúm Yěsô ka zí’i gẅí, éfóo mbwo Cʉ̀apʉ̀a á gwɔ́ nyìŋ gẅie à gÿo pege tsẅɛ́ɛ.

2 Piɛ 3:2 ပူးပေါင်းရင်းမြစ်များ

Lukase 1:70

Á gwɔ́ nò gie à la lá’ ńtsẅi tà ntyě sagá, oon, à la lɔg ncwò *pàntsẅì nkʉ̀ pé ńgɔɔn ngie:

Lukase 24:27

Ńgɔɔn pú’u, ńzye lékyagte menò ntsèm mie ée tsɛ̀ɛ ŋwà’ne Ssé ńne ńdíe yé, éshwóŋó wɔ́b, ńzye nà meŋwà’ne Mǒsê, ḿbɔ́ɔnte ńkúu tsɛ̀ɛ me *pàntsẅì nkʉ̀ Ssé.

Lukase 24:44

MÀpfɛ́ tà ḿmag, ńgɔɔn né pɔ́b ngie: Pi gyá mmó gie n kɔ̌ɔn shwóŋó gẅí, á fʉ̀’ gie pege ka nyě ńzɔ́gɔ. Mèŋ n da shwóŋó gẅi ngie á ne ńzɛ́te ngie yɛ̌ kɔ́ wɔ́ gie mé la ŋwe’e ná mèŋ wɔ́ à pumte. Menò ŋwɛ́ ntsèm ntsèm ée tsɛ̀ɛ ŋwà’ne Mǒsê, mbɔɔ tsɛ̀ɛ ye *pàntsẅì nkʉ̀ Ssé lâ ye Mezɔ́bɔ Ntse.

Megàŋ ntúm 10:43

Yé zɔ zɔɔn ńgwɔ́ nyìŋ gẅie pà *ntsẅì nkʉ̀ Ssé metsèm lɔ́ɔn ńda’te, pá’ pɔ́ la ne ńgɔɔn ngie: Awɔ̌wɔ́ɔ gẅie à zǎb ntʉ́m wé ná yé wɔ́, e Ssé ge lege menò tepòŋ ngàŋ é náa mbwó yé, é tí yé.

Megàŋ ntúm 28:23

Pà Yuda gɔɔn pú’u, pâ Pɔl táŋa lyɛ̌’ gie pâ pɔ̌ ge gÿo gíŋe pumte. Alyɛ́’ ŋwɛ́ gÿo ńku’, pɔ́ gíŋe ńtó, ńkẅɛ́te yé jʉ’ gie à ńnéŋe wó, ńgwaa tó sɛ̌ lekwò ḿbú ńgyɔ́ɔn tɛ’. Pɔl kyagte nò *lefùɔ Ssé éshwóŋó wɔ́b tà fó mba’á mba’ ńkúu ncwò nzém, éfa’ shÿó légÿo tà pɔ́ nyɛte ńzsé nyìŋ gẅie Yěsô aa yé, ńne ńkẅile menò tsɛ̀ɛ meŋwà’ne *lepʉ̌ Mǒsê mbɔɔ tsɛ̀ɛ meŋwà’ne pà *ntsẅì nkʉ̀ Ssé.

Megàŋ ntúm 3:18

Tá’, e Ssé fó mǒ ńgÿo anò gie à la tʉ́ njÿó ńdɔg ncwò pà Ntsẅì nkʉ̀ pé métsèm ńgɔɔn á pumte. Yɛ̌ nò gwɔ́ ngie *Nzà’nkÿo we kɔ̌ɔn ńge lá’ gyá ngɔ́’.

Megàŋ ntúm 3:21

Áa nà fʉ̀’ɔɔn Yěsô ké ńgẅiin pɔ́ léńnéŋe tÿǒ lépwó. Tà lá’ ku lyɛ̌’ gie e Ssé ge lá’ gÿo akɔ́ɔkɔ́ɔ sele ńcʉ́’ ńgwɔ́ pɔ́ ye sẅe. Pá’ à la lá’ ńdɔg ncwò kwà’ pà Ntsẅì nkʉ̀ pé ńgɔɔn tà ntyě sǎg.

Galatia 6:2

Pi kaa menò mí ḿbi’ ńkẅéte. Pi lɔɔn ńgÿo pú’u, mbà pi gÿǒ mmó gie *lepʉ̌ Kristo ne ńzɛ́te.

Efeso 2:20

Pi cʉ̌’ ńgwɔ́ pɔ́ pá’ mbelég gie mé lɔ̌g ḿbwóon ndá. Acÿó ndá gwɔ́ ngàŋ ntúm Yěsô pâ pà *ntsẅì nkʉ̀ Ssé, Yěsô Kristo lê twó yé gwɔ́ tóon gẅie à pi’ ndá.

Efeso 3:5

E Ssé la tè kyɛ́’te yɔɔn ntsèm ye mbwo pʉ̀a mesoŋ pe fʉ̀’ mvfò wɔ́. Á ké ńgwɔ́ fʉ̀’ɔɔn, mbà à gÿo à Zẅìge yé shʉ̀ashʉ̀a ńkyɛ́’te nò yá yɛ̌ mbwo pʉ̀a pie à la cwoŋo wɔ́b ńdɔg ńgÿo megàŋ ntúm Yěsô mbɔɔ pie à la lɔgɔ wɔ́b ńgÿo pʉ̀a pie é ge ńnéŋe tsẅii nkʉ̀ gẅie é fóo mbwo ye.

1 Timote 6:14

Mèŋ n ne ńtsẅii né gù ngie ɔ̀ gÿo shúm sie e Ssé gɔ̌ɔn né gù. Tè gʉa mǒ ńgwá’a tsɔ́. Tè gÿo mé túu *lɔ̌’ mǒ, ké ńne ńgÿo pɔ́ pú’u, tà ńkúu lyɛ̌’ gie Cʉ̀apʉ̀a wege Yěsô Kristo ge gÿo gíŋe tó.

2 Piɛ 2:21

Mvfò kaa pá’ à lɔɔn ńgwɔ́ pɔ́ le zsé mánzsè ndʉŋ ndʉŋ wɔ́, ńcʉa pá’ pɔ́ ge zsé mbʉ̌ Ssé mie mé ka zí’i wɔ́b e piŋ gwa’.

2 Piɛ 3:15

Tà’a mmó gẅie á píŋ ně ńzɛ́te ngie pi kímte á gwɔ́ pɔ́ ngie, Cʉ̀apʉ̀a pʉ́le ńzẅí’te, à těen ńtɔ́gɔ ńtóo wɔ́, léná shÿó pá’ ńgwɔ́ pʉ̀a tsẅɛ́. Á gíŋe ńgwɔ́ pɔ́ mmó gie Pɔl, fɛ́ wege, ńgwɔ́ shǔ wege la gɔɔn tsɛ̀ɛ meŋwe’e mie à la náa mbwo pi. À la lɔg pɔ́ zse nò gie Ssé la náa mbwo yé tá ńdɔg ńgɔɔn.

2 Piɛ 3:16

À gɔɔn yɛ̌ nò tsɛ̀ɛ meŋwà’ne mie à ŋwe’e ntsèm, á fʉ̀’ gie à gɔɔn nò tà ńkíme yɔɔn twó nò. Mejʉ’ mie é tʉʉ lé jú’ ée tsɛ̀ɛ meŋwà’ne mé. Áa mmó gie á gÿó pʉ̀a pie é mwoonte mwoonte, ńnyé tè kwà’ ńzsé jʉ’ gie pɔ́ tyé wó, kúbe nò gie é lɔgɔ ńgɔɔn. Á gíŋe ńgwɔ́ pɔ́ pá’ pɔ́ gÿo ná metsɔ́ mejʉ’ ŋwà’ne Ssé. Pɔ́ ké ńgÿo pú’u, ńdɔg ńtóŋo ndoon ńnéŋe twó pɔ́b.

1 Jâŋ 4:6

Á gʉa ná pege, mbà pege ee nà gwǒŋo ye Ssé. Nyìŋ gẅie à ne ńzsé Ssé à ne ńzẅí’te nò gie pege gɔɔn. Nyìŋ gẅie à tè ná gwǒŋo ye Ssé wɔ́, à tè yégè nò zẅí’te. Pege fó pɔ́ pú’u, tá ńzsé nò nénʉ́, ńzsé cÿɔ̌ nò.

Jẅide 1:17

Tá á gʉa ná pi, mbà meshǔ pɔ́ɔn, pi kímte menò mie megàŋ ntúm Cʉ̀apʉ̀a wege Yěsô Kristo la tʉ́ʉ njÿó ńtsẅii mbwo pi.

Ŋwà’ne Ngyà jʉ’ 19:10

N jú’ pú’u, ńnuŋe mekwò yé légu’te yé. Tá’ á gɔɔn né mèŋ ngie: Tè gÿo pɛ́’ɛ̀. Mèŋ n gíŋe ńgwɔ́ yɔ́ɔn pɔ́ tsɔ̌ nyìŋ nà kwò fà’ gí, lâ petsɔ́ mefɛ́ pú pie, pia pɔ̌ kú’te mmó gie Yěsô Kristo ka gÿo mé zsé. Legÿo pú’u, áa mmó gie á tsóte pà *ntsẅì nkʉ̀ Ssé pɔ́ tsẅii nkʉ̀ gẅie é fóo mbwo Ssé. Pú’u la, gu’te pɔ́ Ssé.