2 Piɛ 3:18 - Nouveau Testament en Ngienboum

¹⁸ Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.

2 Piɛ 3:18 ပူးပေါင်းရင်းမြစ်များ

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Matio 6:13

Tè zẅíŋ ngie peg kúu tsɛ̀ɛ nkwà’te, kẅé wég mbwó Sátà. [Á nue gù zɔɔ fùɔ, metʉ̀ ntsèm piŋ ńgwɔ́ pɔ́ mú, mé ne ńgu’te pɔ́ ndà’ gú mengù’u mengù’. Ameŋ].

Ŋwà’ne Jâŋ 17:3

Legwɔ́ tèmì wéwɛ̌, á gwɔ́ pá’ pɔ́ ge zsé gú, gù gẅie ɔɔ kwà’ ndà’ Ssé ye nénʉ́ gílé gù, é gíŋe zsé nyìŋ gẅie ɔ̀ la túmo yé, á gwɔ́ Yěsô Kristo.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Roma 11:36

Kɔ̀ɔkɔ́ɔ zɔɔn fóo pɔ́ mbwo ye. Kɔ̀ɔkɔ́ɔ gwaa gwɔ́ wó yé zɔ̌ gÿo tá á gwɔ́ wó, á piŋ ńgwɔ́ pɔ́ yé. Mé gu’te yé, é mengù’u mengù’. *Amen.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

Efeso 1:17

Mèŋ n ne sẅíŋte e Ssé Cʉ̀apʉ̀a wege Yěsô Kristo, yé Tá gẅie à gẅiin legú’, ngie à náa gẅi zsé nò, ńnáa gẅi shÿó lélɔg ńcwoŋo ńzsé yé tà shwóŋó nò.

Efeso 4:15

Tà ńcʉ́’ pú’u, pege kwoŋe pege né pege, nyìŋ shwóŋó nò nénʉ́ á mbwo fɛ́ we, ńgú’u nà meshÿó ntsèm, Kristo gÿo pege ne ńdɔgɔ ndɔ́ɔn ndɔ́ɔn ńkẅi’i ńgwɔ́ pá’ yé gẅie aa twó nà mbùm nnɛ́.

Filipo 3:8

é té gwɔ́ pɔ́ ndà’ pú’u wɔ́, le zsé Yěsô Kristo, á Cʉ̀apʉ̀a wɔ̀ɔn zɔ cʉ̌’ ńcʉa nò ntsèm. À kɔ̀ɔkɔ́ɔ cʉ́’ ńgwɔ́ pɔ́ pyé. Mbà mèŋ n déen ńdʉ’ shúm ntsèm ńtí pɔ́ yé. N cʉ̌’ ńdíe sɛ̌ shúm ntsèm é gwɔ́ pɔ́ kʉ̀ŋe. Kristo zɔ̌ cʉ́’ʉ yɔ́ɔn pì,

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Kolosia 3:10

Pi ee pɛ́’ɛ, mbà pi ka kaa mà we nyìŋ sẅé, ḿma’a mbùm pi. Wɛ̌ mà fóo mbwo Ssé. Yé zɔ̌ ne ńtáŋte ngwòŋ fʉ̀’ ntsèm légwɔ́ gie à ge sẅé we. E Ssé gÿo pú’u, légwɔ́ gie pi ge pú zsé yé.

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

2 Timote 4:18

Cʉ̀apʉ̀a ge gÿo fó nà nò tepòŋ ntí ntí é kẅile wɔ̀ɔn, é gÿo mèŋ n tsẅɛ́ légwɔ́ gie mèŋ n ge kúu nà nò lefùɔ yé á tÿǒ lepwó. Agù’te lá’a ńgwɔ́ pɔ́ mbwo Cʉ̀apʉ̀a fʉ̀’ ntsèm. *Amen.

1 Piɛ 2:2

Pi lêen ńgwɔ́ pɔ́ pá’ púɔ mepÿɛ́ pie pɔ́ tsɔ́ɔn lepʉ́, ashwóŋè Ssé ée *lepʉ̌ té *lɔ̌’, pi ne ńnóŋo, ńzsé ngie pi ge gú’, e Ssé gÿo pi tsẅɛ́.

2 Piɛ 1:11

À gwɔ́ pú’u, mé lá’ shʉa shʉa ńtsɔ́’ nzsè gie e gee ńkúu tsɛ̀ɛ lefùɔ tèmì se Yěsô Kristo, ńná né pi. Aa Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ.

2 Piɛ 1:2

E Ssé ne ńgwɔ́ né pi, ńne ńnéŋe sẅétè ntʉ́m pi mboŋó, éfó ná pá’ pi zsé yé Ssé, ńgíŋ ńzsé Cʉ̀apʉ̀a wege Yěsô.

2 Piɛ 1:3

E Ssé léen ńdɔg metʉ̀ mé, ḿbú náa wégè kɔ̀ɔkɔ́ɔ gie á ne ńzɛ́te ngie pege gẅiin tá ńdɔg ńnéŋe, ńne ńdáa nnɛ́ pɔ́ ndà’ ná yé. À la zɔɔn ńgÿo pege zsé yé Ssé gẅie à la tóŋo wégè pá’ paga pɔ̌ ge pú gwɔ́ tsɛ̀ɛ legú’ we, é jÿó pì póŋo ntʉ́m yé.

2 Piɛ 1:8

Á nue pi lɔɔn ne ńgÿo menò mie mé tʉté lɔɔn, ńne ńdɔgɔ ńgee né mvfò, mbà é ge gÿo mbùm gi zeŋe légÿo mmó gie e Ssé kwoŋ, é gíŋe gÿo pi ne ńkẅi’i ńzsé nyìŋ gẅie Cʉ̀apʉ̀a wege Yěsô Kristo aa yé

2 Piɛ 2:20

E pʉ̀a lɔɔn ńzɔɔn ńdɔg pá’ pɔ́ zsé Cʉ̀apʉ̀a Yěsô Kristo gẅie à gÿo pege tsẅɛ́ɛ, éfó nà ncÿǒ gẅie ée tsɛ̀ɛ njÿó ńkẅɛ, ńgÿo ńgíŋ ḿbiŋe tsoló, ńzẅíŋ sɛ̌ shúm pú ńjÿó wɔ́b, mbà pɔ́ ge pÿɔ́g tà cʉa pá’ pɔ́ ka zɔɔn ńgwɔ́.

Jẅide 1:25

ée ndà’ yé ńgwɔ́ Ssé. À la lɔgɔ Cʉ̀apʉ̀a wege Yěsô Kristo ńgÿo pege tsẅɛ́. Mé gu’te pɔ́ yé, yé zɔ gẅiin legú’, yé zɔ̌ gẅiin metʉ̀, yé zɔ̌ sá’a pʉ̀a, pá’ à la lá’ ńzye, á ké ńgwɔ́ pɔ́ pú’u, tà ńkú fʉ̀’ɔɔn, é lá’a gwɔ́ pɔ́ pú’u, á nà ngù’ nkɔ̌ɔn nê nkɔ̌ɔn. *Amen.

Ŋwà’ne Ngyà jʉ’ 1:6

À la lɔgɔ wégè ńgÿo pʉ̀a pie ée tsɛ̀ɛ nò *lefùɔ Ssé, ńgíŋe ńdɔgɔ wégè ńgÿo pànuŋe pwɔ́’ pá’ pege ge fa’a mbwo Tá we Ssé. Legú’ mbɔɔ metʉ̀ e lá’a ńgwɔ́ pɔ́ mbwo yé Yěsô Kristo á nà ngù’ nkɔ́ɔn nê nkɔ̌ɔn. *Amen