2 Piɛ 3:17 - Nouveau Testament en Ngienboum

¹⁷ Meshǔ pɔ́ɔn pe tʉ̀ nzẅìŋ, á gʉa ná pi, mbà mèŋ n tʉ̌ njÿó é shwóŋó gẅí. Pi ké ńdaga twó gí, ḿbɔ́gɔ pà tè shʉ́ ńkúu wɔ́b léfʉte gẅi pi fʉa mánzsè, ńzye lémʉ’te ná mmó gie letʉ́m sí ka zɔɔn ńtyé mǒ tà ńtyé.

2 Piɛ 3:17 ပူးပေါင်းရင်းမြစ်များ

Matio 16:11

Á piŋ ńgÿo lêkɔ́, pi tè jú’ ngie mèŋ n tě ńgɔɔn nò nà mbelég wɔ́? Mèŋ n giŋé ńgɔɔn ngie: Pi pɔ́ɔn *mvòŋ pà *farisay lâ pà *sadukay.

Matio 16:6

Yěsô gÿo ne ńgɔɔn né pɔ́b ngie: Pi laga twó gí, ḿbɔ́ɔn *mvòŋ pʉ̀a *farisay lâ pʉ̀a *sadukay.

Matio 7:15

Pi laga twó gí nà pʉ̀a pie é cÿɔɔ nò ngie pɔ́ ee pà *ntsẅì nkʉ̀ Ssé. Pɔ́ gwaa tóo lejʉ́ŋ pi ḿma’ *ngùb *njʉ̀njÿò tá nkwaŋá wɔ́b gwɔ́ pɔ́ we menɔ́ɔn ngẅi.

Ŋwà’ne Jâŋ 16:4

Tá’, n kě ḿvɔg shwóŋó gẅí, tá fʉ’ó gÿo ńgwɔ́, pi kímte ngie mèŋ n ka zɔɔn shwóŋó gẅí. N ka gwaa zye, mèŋ n tè shwóŋó gẅi yɔɔn nò wɔ́, mélà’mie n ka nyé tsetsɛ̀ɛ pi.

Megàŋ ntúm 2:42

Pɔ́ lɔ́ɔn ńtóo fʉ̀’ ntsèm té tsó, megàŋ ntúm zí’i wɔ́b nò Ssé, ńně ńtemte ńnéŋe pá’ pùɔ memá la, ḿbúte ḿpfɛ́ɛ mmó, ḿbiŋe ńcú’te sẅíŋte Ssé.

Roma 16:18

Á nue yɛ̌ ntí pʉ̀a tě fa’a fà’a Cʉ̀apʉ̀a wege Yěsô Kristo wɔ́, pɔ́ tsɔ́ɔn pɔ́ lepfòm sɔ́b. Pɔ́ lɔgɔ shwóŋè mbʉ́lè pʉlé mbɔɔ shwóŋè lʉte, éfʉte pʉ̀a pie legyè sɔ́b vɔ́g vɔ̌g.

1 Korento 10:12

Pege fǒ ná yɔɔn nò ńjú’ ngie lenyě ńgee ge ńzɔb, à tè poŋ

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

2 Korento 11:3

Tá’ n kě ḿbɔ́gɔ pɔ́ ngie, à lɔɔn ńgwɔ́ tsɔ̌ nyìŋ cʉŋte twó gí pá’ nnú la pá’ legyè, éfʉte Eva, pi le gíŋe ńgwɔ́ pʉ̀a pie pɔ́ gwɔ gɔɔn ngie pɔ́ zsé yɔ́b pɔ́ ndà’ nò Kristo ńgɔɔn shwóŋó nò wɔ́.

Galatia 5:4

Pi pie pi ne fa’a légÿo shúm sie *lepʉ̌ ŋwɛ́ ne ńzɛ́te tá lɔg ku’ pʉ̀a pie ée mvfò Ssé ńgwɔ́ ndʉŋ ndʉŋ, pi ee pɛ́’ɛ̀ ńdɔgɔ ńgwɔ́ pʉ̀a pie pi fǎg nnɛ́ ná Kristo. Á gwɔ́ pú’u pi lɔgɔ sɔ́ɔn nò gie e Ssé kɔ’ɔ́ lɔg cÿó gʉm gí cÿó.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Filipo 3:2

Pi pɔ́ɔn pàzí’i pʉ̀a mmó pie ée pè tepòŋ! Mefà’ mɔ́b ée mbwo Ssé é sẅile sẅile! Ayɔ́b nò wɔ́ pɔ́ ngie mé lɔɔn tè nyìŋ pú’, e Ssé légÿo á tsẅɛ́ wɔ́.

Kolosia 2:5

Mèŋ n tsɛ ńgwɔ́ ngʉ̀a shʉ̀shʉ̀a, tá nkwaŋá wɔ̀ɔn tyé pɔ́ ná pi. Mèŋ n ne ńkága á nue mèŋ n zsě ngie pi ne ńtáŋte menò mí mboŋó, ḿbiŋ ńkú’te nò Kristo tà á tʉ.

Kolosia 2:8

Pi pɔ́ɔn nyìŋ lélɔgɔ zse nò pʉ̀a mesoŋ gie á gwɔ́ pɔ́ fÿɔ́g sẅɛ̀ɛ, éfʉte gẅí, pi gwe ná lejÿɔ̀’ sé. Yɛ̌ gwɔ́ pɔ́ cÿɔ̌ nò gẅie é jʉ́’ʉ ná nùŋe pʉ̀a mesoŋ, ńgíŋ ńjʉ’ʉ nà metʉ̀ mentí mentí mie ée tsɛ̀ɛ njÿó, é té jʉ́’ʉ ná Kristo wɔ́.

2 Timote 4:15

Mbǎ gù jú lÿɔ́’te yé, á nue à ka pǔ ńtɔ’ɔ nò Ssé gie peg ka ne shwóŋó pʉ̀a.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

1 Piɛ 5:9

Pú’u la, pi záb ntʉ́m gẅi nà Ssé, ńkẅi’i ńtʉte, ńdʉ’ʉ Sátà, ńne ńzsé ngie mefɛ́ pi ée tsɛ̀ɛ njÿó ńne ńgyá pɔ́ ntí ngɔ́’ gie pi gyá.

2 Piɛ 2:7

À la fó wó ńkẅile Lod. Á gwɔ́ nyìŋ gẅie à lɔ̌ɔn ńgÿo pɔ́ mmó gie áa ndʉŋ ndʉŋ mvfò yé Ssé, tà ńgyá tsẅé tepòŋ, lâ menò shʉ́ mie pʉ̀a mɛ̌ metÿǒsoŋ lɔ́ɔn fʉ̀’ʉ tà sá’a sǎ’, é pú ḿbÿɔ́gɔ yé tɛ’.

2 Piɛ 3:1

Meshǔ pɔ́ɔn pé tʉ̀ nzẅìŋ, mèŋ n gee pá’ɔɔn ńdɔgɔ ńnáa ŋwa’ne mbwo pi ngʉ̀a mbʉ́a. Áa tsɛ̀ɛ meŋwà’ne ŋwɛ́ membʉ́a, mèŋ n ne fa’a lékímte gẅi mmó gie pi la zí’i, ńdɔgɔ pú’u, ḿbʉ́’te legyè sí ngie e kwaŋa nò ndʉŋ ndʉŋ.

Ŋwà’ne Ngyà jʉ’ 2:5

Pi ké ńkímte jʉ’ gie pi la tyé wó tá ńgwe ssé, ńkúbe mà gẅi ńgíŋe fa’ mefà’ mie pi lɔ̌ɔn fa’a. Tà á té pú’u wɔ́, mbà mèŋ n dɔɔn ńgwaa tó, pi nyé pɔ́ tè kúbe mà, mbà mèŋ n ge kaa gẅi lâm, é kúbe jʉ’ yé.