2 Piɛ 3:16 - Nouveau Testament en Ngienboum

¹⁶ À gɔɔn yɛ̌ nò tsɛ̀ɛ meŋwà’ne mie à ŋwe’e ntsèm, á fʉ̀’ gie à gɔɔn nò tà ńkíme yɔɔn twó nò. Mejʉ’ mie é tʉʉ lé jú’ ée tsɛ̀ɛ meŋwà’ne mé. Áa mmó gie á gÿó pʉ̀a pie é mwoonte mwoonte, ńnyé tè kwà’ ńzsé jʉ’ gie pɔ́ tyé wó, kúbe nò gie é lɔgɔ ńgɔɔn. Á gíŋe ńgwɔ́ pɔ́ pá’ pɔ́ gÿo ná metsɔ́ mejʉ’ ŋwà’ne Ssé. Pɔ́ ké ńgÿo pú’u, ńdɔg ńtóŋo ndoon ńnéŋe twó pɔ́b.

2 Piɛ 3:16 ပူးပေါင်းရင်းမြစ်များ

Matio 15:3

Yěsô tsɔ́’ɔ mbwó pɔ́b ngie: Á gʉa ná pi, pi lɔgɔ tsẅé lá’ gí ńgwága Ssé mélà’a kɔ́?

Matio 15:6

Nyìŋ vɔg tà ńgɔɔn pú’u, mbà mé tè gíŋe zɛ́te yé ngie: Tà ɔ̀ gÿǒ mekù’ tá gù wɔ́? Pú’u, pi lɔgɔ mà lá’ gẅi ńgwága shwóŋó Ssé.

Matio 22:29

Yěsô tsɔ́’ɔ mbwó pɔ́b ngie: Legye sí ne fʉʉ gẅi á nue pi tè mmó gie áa tsɛ̀ɛ ŋwà’né Ssé zsé, ḿbiŋ ńké tè zsé pá’ metʉ̀ Ssé ée pú’u, wɔ́.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

Heber 5:11

Á gʉa nà nò Melekisedeg, mbà peg gẅiin menò mie peg ge gɔɔn mǒ tà é gyɔ́ɔn gyɔ̌ɔn, lekyagte mɛ̌ menò mbwo pi à tʉ tɛ’, á nue mé té gɔɔn nò pi lwo ńjú’u mmó gie mé lɔgɔ ńgɔɔn wɔ́.

Ŋwà’ne Jâg 1:8

mélà’ mie nyìŋ pú’u, tè gɔɔn tsɔ́ nò tà ńtÿɔ́gɔ kwò mǒ wɔ́. À kwaŋa lépʉ, ńgíŋ ńkwaŋa lécwóŋ pɔ́ fʉ̀’ó.

1 Piɛ 1:1

Aa mèŋ Piɛ, ngàŋ ntúm Yěsô Kristo, mèŋ n náa yɔɔn ŋwà’ne mbwo pi pie Ssé la tsɔ́’ɔ gẅí, pi lěen sa jʉ’, ńgʉa né tsɛ̀ɛ ngwòŋ Pôŋ, á tsɛ̀ɛ we Galatia, á tsɛ̀ɛ we Kapadosia, á tsɛ̀ɛ we Azia, mbɔɔ tsɛ̀ɛ we Mbitinia. Pi ee tsɛ̀ɛ mengwòŋ ŋwɛ́ ńgwɔ́ megʉ̀.

1 Piɛ 2:8

Ńgíŋe ńgwɔ́ tóon gẅie à ge gÿo mé gwe ssé, á máa tóon gẅie mé ge kwɔɔnte mǒ. Pɔ́ kwɔɔnte mǒ, mélà’mie pɔ́ lʉ’ʉ lé jú’u shwóŋè Ssé. Á ké ńgwɔ́ pɔ́ pá’ Ssé la záb ngie á ge lá’ gwɔ́ pɔ́ pú’u, ná pɔ́b.

2 Piɛ 2:1

Pà *ntsẅì nkʉ̀ Ssé pe cÿɔ̌ nò laa tsɔ́ fʉ̀’ ńgwɔ́ tsetsɛ̀ɛ pʉ̀a Israel, áa ndʉŋ ndʉŋ pá’ pà zí’i pʉ̀a nò Ssé pe cÿɔ̌ nò ge gÿo kẅɛte tsetsɛ̀ɛ pi. Pɔ́ ge gÿo lɔg pɔ́ ndɔ́ɔn ndɔ́ɔn é zí’i pʉ̀a cÿɔ̌ nò, é gwɔ́ gẅie ńgwɔ́ é cʉ́ŋte letʉ́m pʉ̀a, é gwɔ́ gwɔ́ tà moŋe Ndè gẅie à la gÿo pɔ́ tsẅɛ́, é gÿo pú’u, lɔg shwoŋ ngʉ̀ngʉ̀ gie e ge pyága wɔ́b, e ké le líi létó wɔ́.

2 Piɛ 2:14

Sɔ́b legyè tyé pɔ́ ná pànzwě. Pɔ́ té kʉa légÿo nò tepòŋ wɔ́. Pɔ́ lÿɔgte pʉ̀a pie é pÿɛ́ pÿɛ́. Letʉ́m sɔ́b ée fʉ̀’ ntsèm ńtyé pɔ́ nà pì gie ńgwɔ́ pɔ́ jÿó. Ndoon ee twó pɔ́b.

2 Piɛ 3:14

Meshǔ pɔ́ɔn pe tʉ̀ nzẅìŋ, áa mmó gie á gÿo, pi gwɔ́ zẅí’te yɛ̌ lyɛ’ɛ́ lá’, ńkàg tʉ̀ ńnéŋe té *lɔ̌’. Pi légÿo tsɔ́ mmó gie Ssé ge kaga gẅi mǒ wɔ́, pia pɔ̌ piŋ ńgwɔ́ tè cÿɔ́g.

2 Piɛ 3:2

Pi kímte shwóŋè gie pà *ntsẅì nkʉ̀ Ssé pe Ndʉalʉ̌a la tʉ́ njÿó ńgɔɔn, mbɔɔ *lepʉ̌ sie megàŋ ntúm Yěsô ka zí’i gẅí, éfóo mbwo Cʉ̀apʉ̀a á gwɔ́ nyìŋ gẅie à gÿo pege tsẅɛ́ɛ.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.