2 Piɛ 3:15 - Nouveau Testament en Ngienboum

¹⁵ Tà’a mmó gẅie á píŋ ně ńzɛ́te ngie pi kímte á gwɔ́ pɔ́ ngie, Cʉ̀apʉ̀a pʉ́le ńzẅí’te, à těen ńtɔ́gɔ ńtóo wɔ́, léná shÿó pá’ ńgwɔ́ pʉ̀a tsẅɛ́. Á gíŋe ńgwɔ́ pɔ́ mmó gie Pɔl, fɛ́ wege, ńgwɔ́ shǔ wege la gɔɔn tsɛ̀ɛ meŋwe’e mie à la náa mbwo pi. À la lɔg pɔ́ zse nò gie Ssé la náa mbwo yé tá ńdɔg ńgɔɔn.

2 Piɛ 3:15 ပူးပေါင်းရင်းမြစ်များ

Lukase 21:15

Mèŋ n zɔ ge zɔɔn lá’ náa zsé nò gie pi ge lɔg tsɔ́’ɔ nò. Pi tsɔ́’ɔ nò tà megàŋ mbù pí le zoŋ, é ké le gíŋe tsɔ́ nò ńgɔɔn wɔ́.

Megàŋ ntúm 15:25

Áa mmó gie á gÿǒ tá peg metsèm cú’te ńzáb ngie mé tsɔ́’ pʉ̀a, ńtúmo wɔ́b mbwo pi. Pâ Pɔl pɔ́ Panebâse, é mentʉ̀ nzẅìŋ mefɛ́ pégè, pɔ́ tó ńgyá gẅí,

Megàŋ ntúm 7:10

ńkẅile yé tsɛ̀ɛ ngʉ̀ngʉ̀ ntsèm gie é la kúu yé, ńgíŋe ńnáa yé legye tà Faraon fùɔ Pà Egipto, kwóŋo yé, ńdɔgɔ yé ńgÿo ŋwálá’ twó mbùm pá’ à ge líe ngwòŋ Egipto tà mbɔɔ menò mie é tswé’e nɔ’.

Megàŋ ntúm 9:17

Ananias lêen ńké ńgʉa tà ńkúu ndá ŋwɛ́, ńzáb mbwo twó Sɔ̂l, ńgɔɔn né yé ngie: Afɛ̌ wɔ̀ɔn, Sɔ̂l, Cʉ̀apʉ̀a Yěsô zɔ tumó wɔ̀ɔn. Á Yěsô gẅie à ka nyɛ mbùm yé mbwo gù á fʉ̀’ gie ɔ̀ kaa mánzsè ne ńtóo lê jʉ’ɔɔn la. À tumó wɔ̀ɔn ngie n gʉa ńgÿo ɔ̀ gíŋe ńgyá jʉ’. A Zẅìge Ndʉalʉ̌a pú ńjÿó gú.

Roma 2:4

Ɔ̀ ne gÿo pú’u, ńcʉ́’ʉ ńdɔgɔ ńgwága Ssé gwǎg, nne ngie à gẅiin pòŋo ntʉ́m, à té lwo ńcÿɔ́g wɔ́, à gẅiin kwɔ́gɔ nnɛ́. Ɔ̀ɔ pú’u, ɔ̀ té ne ńzsé ngie à gẅiin pòŋo ntʉ́m nzèm gù pú’u, pɔ́ lélɔg ńgÿo ɔ̀ kúbe mà wɔ́ ka?

1 Korento 12:8

Áa yɛ̌ tá à Zẅìge cÿó geme wetsɔ́ nyìŋ, á gwɔ gẅiin shÿó lélɔgɔ zsě nò ḿbÿɛɛ nò, wetsɔ́ gẅiin shÿó lépÿɛ nò ná ntí gie mé ge zsé nò nénʉ́, tà’a zẅìge zɔ ké ńgÿo.

1 Korento 2:13

Pege tè gwaa gɔɔn nò ná sɛ̌ shúm sie Ssé la náa mbwo pege ńdɔg pɔ́ shwóŋè gie pʉ̀a mesoŋ la lɔgɔ zsé nò yɔ́b ńzí’i wégè wɔ́. Pege lɔg pɔ́ shwóŋè gie Zẅìge Ssé zí’i wégè tá ńgɔɔn nò mǒ. Á cʉa pú’u, pege cʉ́’ʉ lé gwɔ́ kyagte nò nà shúm sie é fóo mbwo Zẅìge Ssé, ńdɔg pɔ́ shwóŋè gie á fóo mbwo Zẅìge Ssé tá ńkyagte.

1 Korento 3:10

E Ssé ka cÿó gem yɔ́ɔn, mèŋ n nuŋe cÿó ndá pá’ ngàŋ levfò we mbòŋo. Mèŋ n ka nuŋe cÿó ndá, wetsɔ́ nyìŋ ne ńdɔgɔ fà’ ńgee mvfò. À ne ńkwɛ́ɛ ndá ndùmó. Tá’ awɔ̌wɔ́ɔ laga twó yé nà ntí gie à lɔgɔ ńkwɛ́ɛ ndá ndùmó.

Efeso 3:3

À la kyɛ́’te mmó gie á la zɔɔn ńdyeen menÿɔ́g pʉ̀a lyeen, ńnyɛɛ wɔ̀ɔn, pá’ mèŋ n zɔ̌ɔn ńŋwe’e tsɛ̀ɛ yɔɔn ŋwà’ne éshwóŋó gẅi la. Mèŋ n kaa ŋwe’e á sag wɔ́.

1 Timote 1:16

Tá’, e Ssé la tsɔ́ɔn mezìŋe mɔ́ɔn, tà Yěsô Kristo nyɛɛ ná mèŋ gẅie mèŋ n gee ndúm tsetsɛ̀ɛ pàgÿo menò tepòŋ ngie à zsé léshÿɔg. Pú’u ńdɔg ńná fʉ̀’ mbwo pʉ̀a pie é ge gÿo záb ntʉ́m ná yé, é gẅiin le gwɔ́ tèmì.

Ŋwà’ne Jâg 1:5

Nyìŋ lɔɔn ńgwɔ́ tsetsɛ̀ɛ pi, ńtyé nà nò, azse nò zága yé, á lúɔ mbwo Ssé, mbà Ssé ge ná. Á nue e Ssé zɔɔn ńdɔg pɔ́ ntʉ́m mbòŋo ńnáa mmó mbwo wɔ̌wɔ́ɔ té zẅɛ́te.

Ŋwà’ne Jâg 3:17

Tá nyìŋ gẅie à gẅiin zse nò gie á fóo tÿǒ lepwó, à zɔɔn ḿvɔg ńgwɔ́ nyìŋ gẅie tsɔ́ *lɔ̌’ té nà ngÿǒ menò mé wɔ́, ḿbɔ́ɔnte ńgiŋe pɔ́ lê mbʉ́lè, ḿbɔ́ɔnte ńgwɔ́ nyìŋ mbʉ́le pʉlé, ńgÿo nò á ku’ ku’, ńzsé létsɔ́ɔn mezìŋe tɛ’, éfa’ mefà’ mbòŋo pɔ́ pú’u. À tè tyɛ̀’te gÿo, ńké tè nkwòŋ menÿɔ́g wɔ́.

1 Piɛ 3:20

Mɛ̌ mezẅige gwɔ́ me pʉ̀a pie é la tʉʉ twó mbwo Ssé á fʉ̀’ gie Nóa la ne ńnyɛte kanú’, e Ssé ne ńdɔgɔ kwɔ́gɔ nnɛ́ ńzẅí’te pʉ̀a zẅí’te. Tá’ pʉ̀a lefɔ̌ɔn ndà’ zɔ̌ gÿo ńkúu tsɛ̀ɛ kanú’ tà ńtsẅɛ́ ntse.

2 Piɛ 3:2

Pi kímte shwóŋè gie pà *ntsẅì nkʉ̀ Ssé pe Ndʉalʉ̌a la tʉ́ njÿó ńgɔɔn, mbɔɔ *lepʉ̌ sie megàŋ ntúm Yěsô ka zí’i gẅí, éfóo mbwo Cʉ̀apʉ̀a á gwɔ́ nyìŋ gẅie à gÿo pege tsẅɛ́ɛ.

2 Piɛ 3:9

Cʉ̀apʉ̀a kaa líi légÿo mmó gie à la ka’a légÿo pá’ tsɔ́ pʉ̀a ne ńkwaŋa wɔ́. À gwiin pɔ́ kwɔ́gɔ nnɛ́ ńtí gẅí, á nue à tè ne ńkwoŋo ngie à tsɔ̌ tà’ nyìŋ pyé wɔ́, à ne ńkwoŋo pɔ́ ngie pʉ̀a metsèm gẅiin shÿó lékúbe mà.