2 Piɛ 3:14 - Nouveau Testament en Ngienboum

¹⁴ Meshǔ pɔ́ɔn pe tʉ̀ nzẅìŋ, áa mmó gie á gÿo, pi gwɔ́ zẅí’te yɛ̌ lyɛ’ɛ́ lá’, ńkàg tʉ̀ ńnéŋe té *lɔ̌’. Pi légÿo tsɔ́ mmó gie Ssé ge kaga gẅi mǒ wɔ́, pia pɔ̌ piŋ ńgwɔ́ tè cÿɔ́g.

2 Piɛ 3:14 ပူးပေါင်းရင်းမြစ်များ

Matio 24:26

Pú’u la, mé lɔɔn ńgɔɔn né pi ngie: Pi gyá, *Nzà’nkÿo gẅi nkwòŋo tsẅɛ, tà pi gʉa wó, ńgɔɔn né pi ngie: Pi gyá, à wɔɔn ńdyeen jʉ’ɔɔn, tà pi zẅíŋ.

Matio 25:7

Epûɔ ngùɔ pà metsèm leen ńzyeen, wɔ̌wɔɔ kwé’e nkÿo lâm wé.

Lukase 12:43

Tá fà’ we lɔɔn ńdá’ ńgwaa piŋ nzèm, ńgyá á ne fa’a yɛ̌ fà’, mbà aa shÿó mbòŋo.

Lukase 2:29

Cʉ̀apʉ̀a, áa fʉ̀’ɔɔn pá’ɔɔn, ngwɔ́ ɔ̀ nyé ngàŋa fà’ gù á pʉ́lè ńkwé pá’ ɔ̀ la gɔɔn.

1 Korento 1:8

Yé Yěsô Kristo ge gÿo pi tʉte tʉte tà ndá’ ńcʉ́me, à lá’a lyɛ’ gie yé Cʉ̀apʉ̀a wege, ge lá’ gíŋe tó mé le ne ńda’a gẅi nà tsɔ́ mmó wɔ́.

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

Filipo 1:10

À cʉa pú’u, pi ku’u lépíi ye mbòŋo, éshwoŋo nò nénʉ́. À lá’a lyɛ̌’ gie Kristo ge lá’ gíŋ tó, pi gwɔ́ pà tèfʉa.

Filipo 2:15

légwɔ́ gie, atsɔ́ mmó gie mé ge la’a gẅi mǒ á té gwɔ́ wó wɔ́. A*lɔ̌’ɔ gí á le gwɔ́ wó wɔ́. Pi lɔg ńgwɔ́ tsɛ̀ɛ yɔɔn njÿó, ńgwɔ́ púɔ Ssé pie tsɔ́ *lɔ̌’ té ná pɔ́b wɔ́, à lɔgɔ ńgwɔ́ ngie pi ee kyɛ̀’ gie á kyɛ’ɛ jʉ’ tsetsɛ̀ɛ yɔɔn nùɔ pʉ̀a pie é gwɔ́ pɔ́ megàŋa cÿɔ̌ nò, ńgíŋ ńgwɔ́ pà sẅáŋ lekÿɛ̀bɛ.

Filipo 3:20

Á gʉa ná pege, mbà wégè ngwòŋ gwɔ́ pɔ́ tÿǒ lepwó. Pege ne ńzẅí’te ngie Cʉ̀apʉ̀a Yěsô Kristo fó wó ńtó, à gyô pege tsẅɛ̂.

1 Tesalonika 3:13

ńgíŋe gÿo ntʉ́m gẅi ké ne ńzébe pɔ́ ná yé. Tá à lá’a lyɛ̌’ gie Cʉ̀apʉ̀a wege Yěso pâ pʉ̀a pie à la tsɔ́’ é tǒ, pi tyé mvfò Tá wege Ssé, ńgwɔ́ ndʉalʉ̌a, atsɔ́ *lɔ̌’ɔ gí le gwɔ́ wó wɔ́.

1 Tesalonika 5:23

Peg ne ńdúɔ ngie e Ssé lê twó yé, gẅie aa ngàŋ mbʉ́lè, à gÿo pi gwɔ́ pʉ̀a pé tà ńcʉ́me, ńgie à pyɛ́bɛ zẅìge gí, ḿbyɛ́b ntʉ́m gẅí, ḿbyɛ́b mbùm gi, à gÿo ńgwɔ́ lyɛ̌’ gie Cʉ̀apʉ̀a wege Yěsô Kristo gé gÿo tó, pi gwɔ́ té sɔɔn *lɔ̌’ ná pi.

1 Timote 6:14

Mèŋ n ne ńtsẅii né gù ngie ɔ̀ gÿo shúm sie e Ssé gɔ̌ɔn né gù. Tè gʉa mǒ ńgwá’a tsɔ́. Tè gÿo mé túu *lɔ̌’ mǒ, ké ńne ńgÿo pɔ́ pú’u, tà ńkúu lyɛ̌’ gie Cʉ̀apʉ̀a wege Yěsô Kristo ge gÿo gíŋe tó.

Heber 9:28

áa ndʉŋ ndʉŋ pá’ à la gÿo Kristo lɔgɔ twó mbùm ye, ńnuŋe pwɔ́’ pɔ́ tà’ legʉ̀a, lélɔg ńzyɛ́b menò tepòŋ pʉ̀a tà ńgyɔ́ɔn. À ge gÿo gíŋe kẅɛɛ ná mbɔ́ɔntè yépʉ́a. Á le gíŋe ńtóo fʉ̀’ó lézyɛ́b menò tepòŋ pʉ̀a mesoŋ wɔ́. À tóo pú’u, légÿo pʉ̀a pie pɔ́ ne ńzẅí’te yé tsẅɛ́.

Ŋwà’ne Jâg 1:27

Nyìŋ gẅie e Ssé líe yé á gwɔ́ kwà’ ná nò yé Ssé, tà mmó té ná yé zág, aa nyìŋ gẅie à líe púɔ métsé mbɔɔ mepfɔ̌g tsɛ̀ɛ ngɔ́’ yɔb, ńgwɔ́ nyìŋ gẅie à pɔ́ɔn mbùm ye, ḿbɔ́g menò njÿó lécʉŋte yé.

1 Piɛ 1:7

Ngʉ̀ngʉ̀ kúu gẅi légwɔ́ gie mé ge gyá ngie pi kwa’ ńzáb ntʉ́m nà Ssé. Tʉ̌ gɔ̂l gie á té ge lá’a gwɔ́ pɔ́ wó wɔ́, mé cʉ́’ʉ lézẅí’, ńtuɔ mmɔ̌g, ncÿǒ kẅɛɛ mǒ. Áa ndʉŋ ndʉŋ pá’ gẅi lézáb ntʉ́m nà Ssé gẅie aa mmó tʉ̀ nzẅìŋ ńcʉa tʉ̌ gɔ̂l, ge cʉa pɔ́ ná pá’ ngʉ̀ngʉ̀ mentí mentí gie e ne ńkúu gẅí, e ge ne zẅí’i gẅi yé, tá nyɛ ngie à tʉte. À lêen ńké ńcʉa pú’u, pi lá’a lyɛ̌’ gie Yěsô Kristo tǒ, mé ná ngɔ́ɔnte gi, ńnéŋe gẅi tsɛ̀ɛ legú’, ńgÿo mekù’ mí.

2 Piɛ 3:1

Meshǔ pɔ́ɔn pé tʉ̀ nzẅìŋ, mèŋ n gee pá’ɔɔn ńdɔgɔ ńnáa ŋwa’ne mbwo pi ngʉ̀a mbʉ́a. Áa tsɛ̀ɛ meŋwà’ne ŋwɛ́ membʉ́a, mèŋ n ne fa’a lékímte gẅi mmó gie pi la zí’i, ńdɔgɔ pú’u, ḿbʉ́’te legyè sí ngie e kwaŋa nò ndʉŋ ndʉŋ.

2 Piɛ 3:16

À gɔɔn yɛ̌ nò tsɛ̀ɛ meŋwà’ne mie à ŋwe’e ntsèm, á fʉ̀’ gie à gɔɔn nò tà ńkíme yɔɔn twó nò. Mejʉ’ mie é tʉʉ lé jú’ ée tsɛ̀ɛ meŋwà’ne mé. Áa mmó gie á gÿó pʉ̀a pie é mwoonte mwoonte, ńnyé tè kwà’ ńzsé jʉ’ gie pɔ́ tyé wó, kúbe nò gie é lɔgɔ ńgɔɔn. Á gíŋe ńgwɔ́ pɔ́ pá’ pɔ́ gÿo ná metsɔ́ mejʉ’ ŋwà’ne Ssé. Pɔ́ ké ńgÿo pú’u, ńdɔg ńtóŋo ndoon ńnéŋe twó pɔ́b.

1 Jâŋ 3:3

Awɔ̌wɔ́ɔ gẅie à neŋé ne ńzẅí’te ngie Kristo gÿo yɔɔn nò, à ńnéŋe ḿbɔ́ɔn pá’ ńgwɔ́ *lɔ̌’ gwɔ́ ná yé, á nue Kristo aa tè *lɔ̌’.