2 Piɛ 2:4 - Nouveau Testament en Ngienboum

⁴ *Mecÿɔ́’ Ssé la zɔɔn fʉa nò, e Ssé tè wɔ́b nyé. À la tsó wɔ́b ḿma’a tsɛ̀ɛ pÿé té lǎŋ á jʉ’ʉ nzěm, pɔ́ ée ńgwɔ́ gwɔ́ tsɛ̀ɛ menkÿo, ńne ńzẅí’te lyɛ̌’ gie mé ge tsɔ́’te mentsaŋ.

2 Piɛ 2:4 ပူးပေါင်းရင်းမြစ်များ

Matio 25:41

É leen ké gíŋe gɔɔn mbwó pʉ̀a pie ée ná gwǒŋo pwó yé ye kyɛ̀bɛ, é ye: Pi ee megàŋ ndòon, pi fó lejʉ́ŋ mèŋ ńgʉa tà ngʉ̀a sag, ńkúu tsɛ̀ɛ mmɔ̌g gẅie é té ńdá’a ḿbyé wɔ́, é gẅie mé la nyɛte ńtí Sátà paa mecÿɔ́’ pé.

Matio 8:29

Pɔ́ ga’te ńgɔɔn né Yěsô ngie: Ɔ̀ fa’a légÿo lêkɔ́ ná peg, Míŋ Ssé? Ɔ̀ ka tóo jʉ’ɔɔn pɔ́ létʉ́ njÿó ńnéŋe wég tsɛ̀ɛ ngɔ́’ ka?

Malékuse 5:7

ńdɔg ngyè tetʉ́ʉ ńga’te ngie: Yěsô Míŋ Ssé gẅie à pi’i kɔ̀ɔkɔ́ɔ, ɔ̀ kẅé kɔ́ mbwo mèŋ? Tsétsɔ’, mèŋ n dɔ̌g lezíŋ Ssé sẅíŋte gú ngie, ɔ̀ pɔ́ɔn lé ńnéŋe wɔ̀ɔn tsɛ̀ɛ ngɔ́’?

Lukase 10:18

Yěsô tsɔ́’ɔ mbwo pɔ́b ngie: Pi shwóŋó nò, mèŋ n ně ne ńdíe, ńgyá pá’ Sátà ye ŋwaŋ pá’ nně mbʉ̀ŋ la, éfó tÿǒ lepwó ńtsɔ́’ɔ ńgwe ssé.

Lukase 8:31

*Messé tepòŋ ŋwɛ́ sẅíŋte Yěsô ngie, tà á túmo wɔ́b tsɛ̀ɛ pÿé.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Roma 11:21

Á nue á lɔɔn ńgwɔ́ gie e Ssé la kɔ́’ kwà’ mbwó yɛ̌ tÿǒ ńgwá’, mbà à lɔɔn ńgwɔ́ á gíŋe ńkɔ́’ɔ gú jú pɔ́ pú’u.

Roma 8:32

Yé gẅie à la tè pɔ́ɔn kwà’ Míŋ we légyá ngɔ́’ wɔ́, yé gẅie à la gÿo mé zẅé yé ńtí wégè métsèm, á ge gǎ tá á le gíŋe ńcÿó pɔ́ gem yégè ńdɔg pɔ́ yé ńná setsɔ́ shúm ntsèm né pege wɔ́?

2 Piɛ 2:11

Pɔ́ zoonte wɔ́b pú’u, tá mbà mbɔɔ *mecÿɔ́’ Ssé ké tè *lɔ̌’ mɛ̌ mezẅìge tú, ḿbiŋ ńké tè sẅiŋe wɔ́b mbwo Cʉ̀apʉ̀a wɔ́. Tá ńké ńgẅiin metʉ̀ ńcʉa pɛ̌ pà zí’i pʉ̀a cÿɔ̌ nò.

2 Piɛ 2:5

Tà mbɔɔ ngwòŋ we fʉ̀’ʉ mvfò gẅie pʉ̀a mesoŋ laa tsoló, ńgwɔ́ ngàŋ mefʉa e Ssé la tè nyé. À la gÿo ntse fó meshÿó meshÿó ńkwɔ́’, ńjÿó tsetsá’, mengàŋ mbù pé fÿɛ́ɛ tsoló. Á gÿo ndà’ Nóa, gẅie à la ne shwóŋó lá’ mmó gie e Ssé ne ńkwoŋo, lê pʉ̀a sɔɔn mbʉ́a zɔ̌ tsẅɛ́.

2 Piɛ 2:9

Mé fó ná mɔɔn menò ńgyá ngie Cʉ̀apʉ̀a kwoŋo léfóo tsɛ̀ɛ ngɔ́’ ńkẅile pʉ̀a pie é zsé pɔ́ ndà’ yé, é cʉ́’ pʉ̀a tepòŋ á nyé wɔ́b ngie pɔ́ zẅí’te ngɔ́’ lyɛ’ɛ́ létsɔ́’te mentsaŋ.

1 Jâŋ 3:8

Nyìŋ lɔɔn ńké ńnéŋe ńgÿo yé pɔ́ nò tepòŋ, mbà aa nyìŋ Sátà, á nue Sátà aa ngàŋ mefʉa tà fó pɔ́ nzyète ngwòŋ. Míŋ Ssé la zɔɔn ńtó pɔ́ ńgÿo kɔ́? À la tóo ḿbyág mefà’ Sátà.

Jẅide 1:13

Pɔ́ ne ńdɔgɔ mefà’ tepòŋ mɔ́b saa jʉ’ pá’ ntse té pàa lu ssé ńtéme nà ngʉ̀ŋe ntse, fùfù’ we sa jʉ’ la. Pɔ́ ée pá’ mecÿɔ́’ saŋ pie é gwaa ḿbúu, pɔ́ cʉ́’ʉ ńcʉŋe na jʉ’ gie e Ssé la tÿɔ́gɔ wɔ́b wó wɔ́.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,

Ŋwà’ne Ngyà jʉ’ 20:10

Sátà gẅie á kě ne fʉte wɔ́b la, mé tsó yé ḿma’a tsɛ̀ɛ gÿǒon mmɔ̌g *mekʉ̀a, á lejʉ́ŋ nkʉ̀’ʉ nɔ̀ɔn mbɔɔ lejʉ́ŋ *ntsẅì nkʉ̀ Ssé we cÿɔ̌ nò. Pɔ́ lá’a ńtsẅé wó, ńgyá ngʉ̀ngʉ̀ ntí ntí, á zsó pɔ́ tsẅɛ́’, á nà ngù’ nkɔ́ɔn lê nkɔ̌ɔn.