2 Piɛ 2:21 - Nouveau Testament en Ngienboum

²¹ Mvfò kaa pá’ à lɔɔn ńgwɔ́ pɔ́ le zsé mánzsè ndʉŋ ndʉŋ wɔ́, ńcʉa pá’ pɔ́ ge zsé mbʉ̌ Ssé mie mé ka zí’i wɔ́b e piŋ gwa’.

2 Piɛ 2:21 ပူးပေါင်းရင်းမြစ်များ

Matio 21:32

ńti pá’ Jâŋ la tó ńnyɛɛ gẅi mánzsè gẅie e Ssé ne ńkwoŋo ngie pi giŋe mǒ, tá pi lʉ’ʉ nò gie à gɔ̌ɔn lʉ’. Pàkẅé ncùb mbɔɔ pàkáa tÿǒ pànzwě ké ńzẅíŋ, pi piŋ ńké tè gyá pú’u, ńkúbe mà gẅi, ńzẅíŋ gí wɔ́

Lukase 12:47

Ngàŋa fà’ gẅie à zsě mmó gie tá fà’ we ne ńkwoŋo, ḿbiŋ ńké tè tsɔ́ mmó cwoŋte, ńké tè gÿo mmó gie tá fà’ we ne ńkwoŋo wɔ́, mé ge lá’ cúa yé tɛ’.

Ŋwà’ne Jâŋ 15:22

Mèŋ n daa pé’e, n tè tó, n daa pé’e pega pɔ̌ té shwóŋe, mbà tsɔ́ menò tepòŋ té ná pɔ́b wɔ́. Tá’ á ké ńgwɔ́ fʉ̀’ɔɔn pá’ɔɔn atsɔ́ nò gie aa ńgwɔ́ pɔ́ gɔɔn ńtí menò tepòŋ mɔ́b té wó wɔ́.

Ŋwà’ne Jâŋ 9:41

Yěsô tsɔ́’ɔ mbwo pɔ́b ngie: Pi ké gwé’e ńgwɔ́ pàfʉ̀ menÿɔ́g, mbà pi tě ńdɔgɔ ńgÿo tsɔ́ nò tepòŋ wɔ́. Tá pá’ pi gɔ̌ɔn ngie: Peg ne ńgyá jʉ’ lá, menò tepòŋ mí lɔgɔ ńgwóŋo ná pi.

Roma 7:12

*Lepʉ̌ lɔgɔ pú’u, éfóo mbwo Ssé, anò gie é tsẅi ngie mé gÿo gíŋe fó yé pɔ́ mbwo Ssé, ńgwɔ́ nò gie áa ndʉŋ ndʉŋ, ńgwɔ́ gie áa ḿboŋ.

Galatia 6:2

Pi kaa menò mí ḿbi’ ńkẅéte. Pi lɔɔn ńgÿo pú’u, mbà pi gÿǒ mmó gie *lepʉ̌ Kristo ne ńzɛ́te.

1 Tesalonika 4:2

Pi zɔɔn ne ńzsé mmó gie peg la lɔg lezíŋ Cʉ̀apʉ̀a Yěsô ńtsẅi ngie pi gÿo.

1 Timote 6:14

Mèŋ n ne ńtsẅii né gù ngie ɔ̀ gÿo shúm sie e Ssé gɔ̌ɔn né gù. Tè gʉa mǒ ńgwá’a tsɔ́. Tè gÿo mé túu *lɔ̌’ mǒ, ké ńne ńgÿo pɔ́ pú’u, tà ńkúu lyɛ̌’ gie Cʉ̀apʉ̀a wege Yěsô Kristo ge gÿo gíŋe tó.

Heber 10:26

Mé lɔɔn ńzɔɔn ńnyɛɛ wégè nò nénʉ́ tà pege ne ńzsé mboŋó, ḿbiŋ ńgwá’, ńké ńgÿo pɔ́ nò tepòŋ tà ńne ńzsé zsě, mbà tsɔ́ pwɔ́’ ndyɛ̀’ɛ gẅie ńgwɔ́ mé nuŋe lélɔg ńzyɛ́b menò tepòŋ mégè, é té gíŋe ńgwɔ́ wó wɔ́.

Ŋwà’ne Jâg 4:17

Pú’u la, nyìŋ gẅie à zsé légÿo nò gie áa mbòŋ, ḿbiŋ ńké tè gÿo, à lɔgɔ ńgÿo nò tepòŋ, ńdɔgɔ ńgwe ntsaŋ.

2 Piɛ 3:2

Pi kímte shwóŋè gie pà *ntsẅì nkʉ̀ Ssé pe Ndʉalʉ̌a la tʉ́ njÿó ńgɔɔn, mbɔɔ *lepʉ̌ sie megàŋ ntúm Yěsô ka zí’i gẅí, éfóo mbwo Cʉ̀apʉ̀a á gwɔ́ nyìŋ gẅie à gÿo pege tsẅɛ́ɛ.

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.