2 Piɛ 2:17 - Nouveau Testament en Ngienboum

¹⁷ Pà zí’i pʉ̀a nò Ssé pé cÿɔ̌ nò ŋwɛ́ gwɔ́ pɔ́ pà’ jʉ’ gie ntse kɔ́ɔn ńkẅɛ’ɛ wò, é kěen ńjúm la, pɔ́ gwɔ́ pɔ́ pá’ mbʉ̀ŋ gie é kwɔ̌’, à fóm kaa ńdɔg ńgʉa. E Ssé lěen ńnyɛte jʉ’ʉ yɔ́b ńtÿɔ́gɔ tsɛ̀ɛ ssé nzěm.

2 Piɛ 2:17 ပူးပေါင်းရင်းမြစ်များ

Matio 22:13

Fùɔ leen ńké gɔɔn mbwó mentsìndá pé ngie: Pi kwɛ́ mekwò mé, ńkwɛ́ mbwó mé, ḿma’a yé pí, á tsɛ̀ɛ nzěm. À ge ńnéŋe jʉ’ó ne lʉa, lóŋ we ne ffó

Matio 25:30

Pi gwoon ngàŋa fà’ we tè ku’u ná tsɔ́ nò wɛ̂, ḿma’a yé pí tsɛ̀ɛ mwòon nzém. À ńnéŋe wó ńdʉa, lóŋ we ne ffó

Matio 8:12

Megʉ̀ gwaa gwɔ́ wó, mbà mé kẅilé púɔ ntɔ́’ ńnáa pǐ tsɛ̀ɛ mwòon nzém. Pɔ́ gwɔ́ wó ne ńdʉate, melóŋ pɔ́b ne ffó

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Heber 12:18

Á gʉa nà gi ntí lelɔg sẅɛ’te nnɛ́ nê lejʉ́ŋ Ssé, mbà e tè pá’ ye pà Israel á ngʉ̀ŋe lekwɔ’ɔ́ Sinay gie e gwɔ́ pɔ́ ye ndùmo ssé tsetsá’ wɔ́. Pɔ́ la gyá mmɔ̌g mǒ pá’ é kÿo, ńgyá e jʉ’ síŋ, nzěm gwe, ńjú’ afóm cʉ’,

2 Piɛ 2:4

*Mecÿɔ́’ Ssé la zɔɔn fʉa nò, e Ssé tè wɔ́b nyé. À la tsó wɔ́b ḿma’a tsɛ̀ɛ pÿé té lǎŋ á jʉ’ʉ nzěm, pɔ́ ée ńgwɔ́ gwɔ́ tsɛ̀ɛ menkÿo, ńne ńzẅí’te lyɛ̌’ gie mé ge tsɔ́’te mentsaŋ.

Jẅide 1:6

Pi kímte nò *mecÿɔ́’ Ssé pie pɔ́ la gwága jʉ’ gie e Ssé tÿɔgɔ́ wɔ́b wó, ńgwá’a yɔ́b jʉ’ʉ leńnéŋe, ńne ńtsɔ́ɔn ye mvfò. E Ssé la kwɛ́ɛ wɔ́b ndà’ ndà’ lê metsɛ̂n, ńnéŋe wɔ́b tsɛ̀ɛ mwòon nzém, pɔ́ ée wó ńzẅí’te ngʉ̀ngʉ̀ ye lyɛ’ɛ́ lÿò gie mé ge lá’ zá’ mentsaŋ,