2 Piɛ 2:15 - Nouveau Testament en Ngienboum

¹⁵ Pɔ́ lěen ńgwá’a mánzsè gẅie à tyé ndʉŋ ndʉŋ, ḿbyé, ńcʉ́’ ńgiŋe pɔ́ ná we Mbalam, míŋ Bozor. Mbà mé la ná nkáb mbwo yé, ńdɔg ńjúu yé pá’ à ge gÿo nò tepòŋ. Á líe nkáb é póŋo yé, á zẅíŋ.

2 Piɛ 2:15 ပူးပေါင်းရင်းမြစ်များ

Matio 26:9

Á ké ńgwɔ́ mé sẅiŋ, ńkẅé máa nkáb, ńnáa mbwó mepóŋ.

Megàŋ ntúm 1:18

À kéen ńkẅé nkáb sóon, ńdɔg ńjú nká’, ńkúu wó, ńgwe ssé mvfò mvfò. Lepfòm sé vɛ́. Ntú mé kẅɛ sa jʉ’.

Megàŋ ntúm 13:10

ńgɔɔn né yé ngie: Mûɔ Sáta, ɔ́ɔ ngàŋa cÿɔ̌ nò. Ɔ̀ zsě pɔ́ léfʉte pʉ̀a. Ɔ̀ɔ ngàŋ mbù nò mbòŋo ntsèm, kɔ̀ɔkɔ́ɔ gie Ssé gÿo á tyé ndʉŋ ndʉŋ wɔ́, ɔ̀ lěen ńké ńtɔ́ɔn, ńŋwɔ́’te. Tà ɔ̀ te nyé wɛ nzẅìŋ pɛ́’ɛ̀ wɔ́?

2 Piɛ 2:13

Pɔ́ lɔg pú’u, ńkẅé ntsɔ’ɔ́ fà’ menò tepòŋ mie pɔ́ la fʉ̀’. Anò poŋo wɔ́b tɛ’ légÿo shúm tepòŋ sie membùm mɔ́b ne ńtsɔ́ɔn, tà pá’ á lɔɔn ńgwɔ́ pɔ́ fʉ̀’ʉ zsǒ. Pia pɔ́ pǔ ńnéŋe ssé ḿpfɛ́ɛ shúm tá wɛ̌ légwɔ́ gwɔ́ nò shʉ́, ḿbú ḿbÿɔ́g tɛ’, á nue á ne ḿbóŋo wɔ́b pá’ pɔ́ ne fʉte gẅí.

Jẅide 1:11

Ndòon ee twó pɔ́b nue pɔ́ cʉmé nà mánzsè we Kain, ńne fʉate menò ńdɔgɔ ńdaba nkáb pá’ Mbalam. Pɔ́ ée pú’u, mbà pɔ́ kéen ńkwé, á nue pɔ́ kéen ńtʉʉ twó mbwo Ssé pá’ Koré.

Ŋwà’ne Ngyà jʉ’ 2:14

Tá’, n ké ńgẅiin tsɔ́ mmó gie mèŋ n ne ńda’a gẅi mǒ. Etsɔ́ pʉ̀a ée mbʉ̀a pi ńne ńzába ntʉ́m nà ndɔgtelé Mbalam. Mé gɔɔn Mbalam wá gẅie à la shwóŋó Mbalag, pá’ Mbalag ge lʉ’ lejÿɔ’, pà Israel gwe mǒ. À la tsóte wɔ́b pɔ́ pfɛ́ɛ pfwɔ́’ɔ mbàb gie mé lɔ̌g ńgwá’ messé, mbàŋa lâ pànzwě tsetsɛ̀ɛ pɔ́b é gíŋe ḿbumte wɔ̌wɔ́ɔ pâ pɔ̌ nuŋe nuŋe.