2 Piɛ 2:13 - Nouveau Testament en Ngienboum

¹³ Pɔ́ lɔg pú’u, ńkẅé ntsɔ’ɔ́ fà’ menò tepòŋ mie pɔ́ la fʉ̀’. Anò poŋo wɔ́b tɛ’ légÿo shúm tepòŋ sie membùm mɔ́b ne ńtsɔ́ɔn, tà pá’ á lɔɔn ńgwɔ́ pɔ́ fʉ̀’ʉ zsǒ. Pia pɔ́ pǔ ńnéŋe ssé ḿpfɛ́ɛ shúm tá wɛ̌ légwɔ́ gwɔ́ nò shʉ́, ḿbú ḿbÿɔ́g tɛ’, á nue á ne ḿbóŋo wɔ́b pá’ pɔ́ ne fʉte gẅí.

2 Piɛ 2:13 ပူးပေါင်းရင်းမြစ်များ

Roma 13:13

Pege gẅiin tsẅé mbòŋo ná pá’ á ne ńzɛ́te ngie mé gẅiin pú’u, fʉ̀’ gie jʉ’ ne fɔ́gɔ, ḿbɔ́ɔn lé pfɛ́ɛ mmó kà lé nú melù’ wɔ́ lê gʉ̀gʉ̀, ḿbɔ́ɔn lé pumo wɔ̌wɔ́ɔ pega pɔ̌ nuŋe nuŋe, ḿbɔ́ɔn shúm sie shʉ́ ge kúu wégè mǒ, ḿbɔ́ɔn lé tág melà’, ḿbɔ́ɔn kègɔ́’.

Efeso 5:27

À la ne ńkwoŋo ngie yɛ̌ cú’tè, a wɔ́ tyé mvfò yé, ńcwoŋo ne ńŋwʉŋe, ńgwɔ́ té ncÿǒ, té tsɔ́ jʉ’e nnɛ́ yé ńŋú’te, té tsɔ́ *lɔ̌’, atsɔ́ mmó le nyé ńzága ná yé wɔ́.

Filipo 3:19

Emɔ́b melyɛ̌’ ge lá’ maga tsɛ̀ɛ njÿó, pɔ́ gee lepÿé mmɔ̌g, mélà’mie yɔ́b ssé gwɔ́ pɔ́ lepfòm sɔ́b. Pɔ́ kága nà mmó gie eshʉ́ kɔ’ɔ́ kúu wɔ́b mǒ kǔ, ewɔ́b nkwaŋá piŋ ńtyé pɔ́ nà shúm njÿó.

2 Timote 4:14

Zsé ngie Alekzáŋdele gẅie aa tâlɔ́ɔn la, à ka gÿo nò tepòŋ ná mèŋ tɛ’. Cʉ̀apʉ̀a zɔ ge lá’ zsé pá’ à ge gÿo ná ye, ńtí menò mé.

Ŋwà’ne Jâg 5:5

Pi ka ńnéŋe ndùmo ssé tsetsá’ ńgẅiin shúm meshùm, ńtsɔ́ɔn kɔ́ wɔ́ ńgẅiin, ḿpfɛ́ɛ mmó fáŋ pá’ menɔ̀ɔn pie é zẅí’te lyɛ̌’ gie mé ge gwaa wɔ́b la.

1 Piɛ 4:4

Á piŋ ńgwɔ́ nà fʉ̀’ɔɔn pà tèzsé Ssé cʉ́’ʉ ńgyá gi ntí ḿmɔɔn mɔɔn, á nue pia pɔ̌ cʉ’ʉ́ ńteme kwò ńgiŋe légÿo menò mie pɔ́ gyo é gwɔ́ pɔ́ menò shʉ́ wɔ́. Pɔ́ lêen ńké ńcʉ́’ʉ ńzoon gẅi zoon.

2 Piɛ 2:15

Pɔ́ lěen ńgwá’a mánzsè gẅie à tyé ndʉŋ ndʉŋ, ḿbyé, ńcʉ́’ ńgiŋe pɔ́ ná we Mbalam, míŋ Bozor. Mbà mé la ná nkáb mbwo yé, ńdɔg ńjúu yé pá’ à ge gÿo nò tepòŋ. Á líe nkáb é póŋo yé, á zẅíŋ.

Ŋwà’ne Ngyà jʉ’ 18:6

Pi gíŋe ńgÿo ná yé pá’ à ka zɔɔn ńgÿo yé ná petsɔ́ pʉ̀a. Pi cʉ́’ʉ légÿo, ammó gie à ka gÿǒ ná petsɔ́ pʉ̀a tà’ legʉ̀a, pi gÿo ná yé ngʉ̀a mbʉ́a. Ntú’ gie à ka néŋ melù’ ntʉ̀ tʉ tsoló, ńná né petsɔ́ pʉ̀a, pí néŋ mé tsoló é gwɔ́ mie é tʉ ńcʉa mɛ̌ ngʉ̀a mbʉ́a.