2 Piɛ 2:10 - Nouveau Testament en Ngienboum

¹⁰ À gwɔ́ lyɛ’ó, à tʉʉ lelÿò ńzáb ngɔ́’ twó pʉ̀a pie pɔ́ ńnéŋe ńgÿo mmó gie mbùm yɔ́b tsóte wɔ́b légÿo, ńnéŋe ńtsɔ́ɔn menò ncÿǒ. E Ssé gɔɔn nò pɔ́ gwág gwág. Pà zí’i pʉ̀a cÿɔ̌ nò, pɔ́ tsẅiŋe kʉ́kʉ́b wɔ́b tɛ’, ńzẅíŋe móm tà pɔ́ té pɔ́gɔ lézoonte mezẅìge mie é gẅíin legú’ wɔ́.

2 Piɛ 2:10 ပူးပေါင်းရင်းမြစ်များ

Lukase 11:25

A lɔɔn ḿbiŋ nzèm, ńgyá, mbà mé kéen ńjÿɔg ndá ńtáŋte,

Lukase 19:14

ńdeen ńké ńgʉa. Tá’, pà lá’ apɛ̌, lɔg pá’ pɔ́ lɔ́ɔn ḿbʉa yé pʉa, ńtúm pʉ̀a jʉ’ gie à gee lê wó, ńgie pɔ́ gʉa ńgɔɔn ngie: Peg tè ne ńkwoŋo ngie nyìŋ wɛ̂ sá’a wég wɔ́.

Megàŋ ntúm 23:5

Pɔl tsɔ́’ ngie: Mefɛ́ pɔ́ɔn, mèŋ n zɔ̌ɔn kaa zsé ngie wɛ̂ aa tándá pànuŋe pwɔ́’ wɔ́. Ŋwà’ne Ssé zɔɔn ńgɔɔn ngie tè lá’ shwóŋe té pòŋ ná fùɔ lá’ gẅi.

Roma 8:1

Á lɔgɔ ńgwɔ́ ngie pʉ̀a pie é la nnɛ́ ná Yěsô kristo, é té ge lá’ gíŋe gwe ntsaŋ wɔ́,

1 Korento 6:9

Pi tè ne ńzsé ngie pʉ̀a pie pɔ́ gẅiin mà tepòŋ pɔ́ téen ńdá’a ńgẅiin yɔ́b jʉ’ tsɛ̀ɛ nò *lefùɔ Ssé wɔ́ ka? N gɔɔn pʉ̀a pá’ pie pɔ́ pumte wɔ̌wɔ́ɔ pâ pɔ̌ nuŋe nuŋe, mbɔɔ pʉ̀a pie é gu’te shúm ngie ee messé, mbɔɔ mbàŋa lâ pànzwě pie pɔ́ gÿo gÿɛ́, mbɔɔ pàgÿo menò sẅile sẅile, mbɔɔ mbàŋa gie é sele ńgÿo nò mámbàŋa pɔ́ manzwě tsetsɛ̀ɛ pɔ́b kà pànzwě wɔ́, mbɔɔ metsǒŋ, là pàkwoŋ nkáb tɛ’, lâ mepʉ̀a melù’, lâ pàshwóŋó tepòŋ nà mezíŋ pʉ̀a, lâ pàgwoon ńkẅé, ndyɛ̌’ pi fʉte mbùm gi nà mɔɔn menò ka, pɛ̌ pʉ̀a pɔ́ téen ńdá’a ńkúu nà nò *lefùɔ Ssé wɔ́.

2 Korento 10:3

Peg tsɛ ńgwɔ́ pɔ́ pʉ̀a mesoŋ pá’ petsɔ́ tá’, e yeg ntí léma’ ncù e tè leen ńgwɔ́ pɔ́ ye pʉ̀a mesoŋ wɔ́.

Efeso 4:19

Pɔ́ léen ńcʉ́’ pà tè kǔ shʉ́, ńgwá’ mbùm yɔb, ńgwɔ́ nà nò mpfwɔ́’, ńne ńkẅi’i ńgÿo menò tepòŋ ntí ntí té gwoonte mbùm yɔb.

Efeso 5:5

Pi zsé ngie, mámbàŋa gẅie à tóŋo pànzwě, kà manzwě gẅie à fa’a mbàŋa wɔ́, mbɔɔ nyìŋ gẅie à gÿo menò ncÿǒ, tà mbɔɔ nyìŋ gẅie à zába ntʉ́m nà shúm pʉ̀a, atsɔ́ wɔb těen ńdá’a ńgẅiin yé jʉ’ tsɛ̀ɛ nò lefùɔ Kristo pɔ́ Ssé wɔ́. Lezǎb ntʉ́m nà shúm pʉ̀a, e gwɔ́ pɔ́ tsɔ̌ ntí legù’te shúm ńdɔg ngie ee Ssé.

Kolosia 3:5

Pá’ áa pú’u la, pi zẅé mà tepòŋ we ndùmo ssé tsetsá’ gẅie aa ná pi. Mé gɔɔn mmó pá’ mbàŋa letóŋ panzwě, é panzwě léfa’ mbàŋa, á mmó pá’ nò mpfwɔ́’, á mmó pá’ ntʉ́m nyìŋ légwá shÿó, pá’ legẅiin tsɔ́ ntí letsɔ̌ɔn shúm, pá’ letÿɔ̌g ntʉ́m nà shúm, á nue letÿɔ̌g ntʉ́m nà shúm, à giŋé ńgwɔ́ pɔ́ tsɔ̌ ntí legu’te shúm ngie ée Ssé.

1 Tesalonika 4:7

E Ssé la zɔɔn tè tóŋo wégè ngie pege gÿo menò mie é gẅiin ncÿǒ wɔ́, à la tóŋo wégè ngie pege gẅiin pɔ́ mà gẅie aa we pʉ̀a pé.

2 Timote 3:2

Epʉ̀a mesoŋ gwɔ́ mekìm, ńkwoŋ pɔ́ nkáb, ńzẅíŋe mmóm tɛ’, é gwɔ́ ngàŋa ŋá’te, é ne zoonte Ssé zoonte, é tʉʉ twó mbwo metá pɔ́b, é gwɔ́ pàjÿò ńjÿɔg ncwò, pɔ́ le gíŋe ńdɔgɔ mmó gie áa ye Ssé ńdɔg ńtóŋo tsɔ́ mmó wɔ́.

Titus 1:7

Pá’ nyìŋ gẅie à líe cú’tè pʉ̀a Kristo, à fa’a pɔ́ mefà’ Ssé la, á té zɛ́te ngie à gwɔ́ nyìŋ gẅie mé kíme yé té poŋ wɔ́. Tà á ńnéŋe ńgwag pʉ̀a, tà á ńnéŋe ńgyáŋa lóŋ, tà á ma’ mbùm yé nà melù’, tà á ńnéŋe sá’ pɔ́ mbʉ̀’, tà á lɔgɔ gate fa’ nkáb.

Heber 13:4

Á poŋ ngie lɔ́ɔndá gwɔ́ mbwo mânyìŋ ntsèm ńgwɔ́ mmó mekù’, mámbàŋa zsé ndà’ nzwě we, manzwě zsé ndà’ ndúm we, e Ssé ge zɔɔn lá’ ŋag pʉ̀a pie pɔ́ pumo wɔ̌wɔ́ɔ pâ pɔ̌ nuŋe, mbɔɔ pàgÿo gÿɛ́.

2 Piɛ 3:3

Pi zɔɔn ḿvɔg ńzsé ngie, áa gÿo gwɔ́ nà melyɛ’ɛ́ lá’ nzsó nzèm, etsɔ́ pʉ̀a kẅɛ, ńgÿo yɔ́b pɔ́ mmó gie membùm mɔ́b ne ńtsóte wɔ́b ngie pɔ́ gÿo. Pɔ́ ge gẅe gẅí,

Jẅide 1:10

Tá á gʉa ná pɛ̌ pʉ̀a, pɔ́ zoonte mmó té ne ńzsé pá’ á gwɔ́, ńgʉa ná gie pɔ́ zsé yɔ́b nò mǒ pɔ́ pá’ɔɔn, pɔ́ pá’ menɔ̀ɔn mbà’ pie legyè sɔ́b té gwɔ́ wɔ́, eshúm sie pɔ́ zsé ná yɔɔn ntí gÿo pɔ́ pyé pyě.

Jẅide 1:16

Epʉ̀a ŋwɛ́ ńnéŋe fʉ̀’ ntsèm anò ne ńgyáŋa wɔ́b gyáŋ, pɔ́ ne ńzẅɛ́te zẅɛté, ńnéŋe ńgÿo pɔ́ mmó gie mbùm yɔb ne ńtsóte wɔ́b ngie pɔ́ gÿo, pɔ́ gwɔ́ fʉ̀’ ntsèm, éshwóŋó pɔ́ shwóŋè gie pɔ́ lɔgɔ ńŋà’te ŋa’té, ńgwɔ́ lʉte nyìŋ ńne ńzsé pì gie pɔ́ ge jÿó ná yé.

Jẅide 1:18

Pɔ́ la gɔɔn ngie, á ge lá’ gwɔ́ nà fʉ̀’ gie njÿó ge magá, epʉ̀a gẅe gẅí, ńgÿo menò tepòŋ ná ntí gie mbùm yɔb ne ńtsóte wɔ́b légÿo pú’u.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.