2 Piɛ 1:9 - Nouveau Testament en Ngienboum

⁹ Tá ńgwɔ́ gie nyìŋ lɔɔn tè ne ńgÿo mɔɔn menò wɔ́, mbà à tè ne ńgyá jʉ’ mboŋó wɔ́, à gwɔ́ pɔ́ pá’ fʉ̀ menÿɔ́g la. Mbà à legé ngie mé léen sɔg yɛ̌ ntí menò tepòŋ mie à lɔ̌ɔn ńgÿo.

2 Piɛ 1:9 ပူးပေါင်းရင်းမြစ်များ

Malékuse 10:21

Yěsô gíŋe ńdíe yé, anò yé poŋo yé, á gɔɔn né yé ngie: Mémmó wémɔ’ɔ́ nyě ńzága gẅie ɔ̀ ge gÿo. Gʉa, ḿbú sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó. Gʉa ńgÿo pú’u, ḿbiŋ ńtó ńcʉ́me nzèm mèŋ.

Lukase 18:22

Yěsô zẅí’te tà ńtsɔ́’ɔ mbwo yé ngie: Tà’a mmó kě ńnyé ńzága mbwo ɔ̀. Gʉa sẅiŋ shúm shú ntsèm, ńgab nkáb mbwo pàtèmmó, ńdeen ńké ńdá’ ńgẅiin shúm tʉ̀ nzẅìŋ tÿǒ lepwó, gʉa ńgÿo pú’u, ḿbiŋ ńtó ńcʉ́me nzèm mèŋ.

Roma 6:11

Mbɔɔ pi gí, pi líe twó mbùm gí pá’ pʉ̀a pie pɔ́ ée nà nò tepòŋ, ńcʉ́’ pɔ́ mepfó. Pi cʉ́’ ńgwɔ́ pɔ́ pʉ̀a pie é lɔg pá’ pɔ́ la nnɛ́ ná Kristo, ńcʉ́’ ńgẅiin pɔ́ ntí ye sẅé pá’ pɔ́ ge fa’a fà’ Ssé.

Galatia 5:13

Mefɛ́ pɔ́ɔn, á gʉa ná pi, mbà Ssé la tóŋo gẅi pá’ pi ge tsẅɛ́ nkwɔɔn *lepʉ̌. Tá’ tà pi zẅɛ’ pú’u, ńgÿo mmó gie mbùm gi zɔ sá’a gwí pi gÿo. Tà ńcʉ́’ pú’u, pi lɔg pá’ nkwòŋe ee tsetsɛ̀ɛ pi ńkẅéte mennɛ́ mí.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

Efeso 5:26

ńgÿo pú’u, ńdɔg faga cú’tè yé ńnáa mbwo Ssé. Á gwaa gwɔ́, mbà à lɔ̌g ntse sɔgɔ wɔ́b, ńgíŋe ńdɔgɔ shwóŋè ńkẅile *lɔ̌’ ná pɔ́b.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Heber 9:14

Á lɔɔn ńgwɔ́ gie á laa pú’u, mbà ngʉ̀a shÿɔ́’ɔ ná pá’ metse Kristo ge gwɔ́? Á Kristo gẅie Zẅìge tèmì la gÿo, á lɔgɔ twó yé ńnuŋe pwɔ́’ gẅie *lɔ̌’ té mǒ wɔ́, á mvfò Ssé. Metse mé ge lá’ sɔg ncÿǒ mefà’ mie é náa pɔ́ legwé gẅie ée ná pege tà ntʉ́m wégè é le gíŋe ńŋaga wégè wɔ́, légwɔ́ gie pege ge fa’a mbwo Ssé gẅie aa ńgwɔ́ pɔ́ wó.

1 Piɛ 3:21

Wɛ̌ ntse é laa liŋé kẅe ntse gie á gÿo pi tsẅɛ́ɛ fʉ̀’ɔɔn lɔɔn. Mé téen ńdɔgɔ sɔgɔ pɔ́ ncÿǒ nà mbùm nnɛ́ wɔ́. Á gwɔ́ pɔ́ lélɔg ńdúɔ mbwo Ssé ngie à sɔg mentʉ́m mégè, é le gíŋe ńŋaga wégè wɔ́. Akẅe ntse lɔgɔ pú’u, ńgÿo pi tsẅɛ́ɛ, ńzẅɛ́’ɛ pá’ Yěsô Kristo la zíme nà legwé.

1 Jâŋ 1:7

Tá ńké ńgwɔ́ gie pege lɔɔn ne ńgiŋe ná jʉ’e fɔ̌g pá’ yé lê twó yé aa nà jʉ’ʉ fɔ̌g la, mbà pege ge pú gẅiin tà’ ncwò tsetsɛ̀ɛ pege, metse Míŋ we Yěsô leen ńké sɔgɔ wégè ná nò tepòŋ ntsèm.

Ŋwà’ne Ngyà jʉ’ 3:17

Pá’ pi ne ńgɔɔn ngie pi ee ngàŋa mmó, ńgie pi kéen ńgẅiin nkáb tà é gyɔ́ɔn, tà pi cʉ’ʉ́ ńzága tsɔ́ mmó wɔ́ la, pá’ pi ké tè ńne ńzsé ngie pi ee ngàŋ ngɔ́’ tà ńgwɔ́ mé tsɔ́ɔn mezìŋe mí tsɔ̌ɔn wɔ́ la, mbɔɔ pá’ pi tè ne ńzsé ngie pi ee mefÿɔg, ńgwɔ́ pà fʉ̀ menÿɔ́g, ńtyéte té jÿɔ́g nzsǒ wɔ́ la,