2 Piɛ 1:5 - Nouveau Testament en Ngienboum

⁵ Pú’u, pi kag tʉ̀, ńkẅi’i mà mbòŋo ná gẅi lézáb ntʉ́m nà Ssé, ḿbiŋ ńgʉa ná mà mbòŋo ńkẅi’i lézsé mmó gie Ssé ne ńkwoŋo,

2 Piɛ 1:5 ပူးပေါင်းရင်းမြစ်များ

Lukase 16:26

Á zɔɔn ńgwaa gwɔ́, máamáa sém gwɔ́ tsetsɛ̀ɛ pege, tà ńgwɔ́ gie nyìŋ lɔɔn fó jʉ’ɔɔn éfa’a légʉa jʉ’ɛ, á le ku’, éfó jʉ’ɛ fa’a létóo jʉ’ɔɔn, á le ku’.

Lukase 24:21

Mbà peg ka ne ńkwaŋa ngie yé zɔ ge lá’ zá’ nkÿo ngɔ́’, á lóŋ Israel à tsẅɛ́. Mɔɔn menò ka gÿo, ée fʉ̀’ɔɔn ńgwɔ́ lyɛ’ɛ́ lá’ sétá.

Ŋwà’ne Jâŋ 6:27

Tà pi kag tʉ̀ nà shúm léjÿó sie é té láte, pi kag tʉ̀ pɔ́ nà shúm léjÿó sie nyìŋ jÿǒ, é gÿo á lá’a ńgwɔ́ pɔ́ wó. *Míŋ Nyìŋ zɔ ge ná sɛ̌ shúm léjÿó mbwo pi, mélà’mie Ssé Tá la cÿɔ’ɔ liŋé yé ná yé.

1 Korento 14:20

Mefɛ́ pɔ́ɔn, tà pi cʉ́’ʉ lésáŋa nò, ésáŋ pá’ pènkʉ́ la. Pi gʉa nà nò tepòŋ ńgwɔ́ pɔ́ mecʉ̀cʉ̀ŋ. Tá’ ńgʉa nà lesaŋá nò, ńnyɛ ngie pi cÿɔgté.

Efeso 5:17

Pú’u, tà pi gwɔ́ megʉ̀gʉ̀. Pi ta’ menò lézsé mie é poŋo mvfò Cʉ̀apʉ̀a.

Filipo 1:9

Ammo gie mèŋ m biŋ ńnéŋe sẅíŋte Ssé ńtsɔ́ɔn ngie à ná né pi aa yé légÿo pi kẅi’i ńgẅiin nkwòŋe ńdɔg ńgʉa lê mvfò, ńne ńcwoŋo ńzsé Ssé mboŋó, ńne ńzsé tyɛ̀’te gie áa nà nò mbòŋo pɔ́ ye tepòŋ.

Filipo 2:12

Á cʉa pú’u, mbà mefɛ́ pɔ́ɔn pè ntʉ̀ nzẅìŋ, pá’ pi ee ńké ńzɔɔn ńjú’u pɔ́ ncwò Ssé tà fó pá’ n daa tsetsɛ̀ɛ pi la, pi kě ne ńgíŋe ńtÿɔ́gɔ kwò pɔ́ mǒ á nà fʉ̀’ɔɔn gie mèŋ n te tsetsɛ̀ɛ pi wɔ́ lɔɔn. Pi kag tʉ̀, tà nyìŋ gÿo megʉa. E Ssé kéen ńgÿo pi tsẅɛ́, pi lêen ńké fa’ mefà’ mie é pumo ná pʉ̀a pie é kéen ńtsẅɛ́.

Filipo 4:8

Mefɛ́ pɔ́ɔn, anò gie à lɔɔn ńgwɔ́ n dɔg ńcʉ́me á gwɔ́ pɔ́ ngie, nkwaŋá gẅi ńnéŋe ńtyé pɔ́ ná menò mbòŋo mie pʉ̀a tà ńgyɔ́ɔn gɔ’te, ńtyé nà nò nénʉ́, á nà nò gie á tyé ndʉŋ ndʉŋ, á nà nò té *lɔ̌’, á nà menò mie ée me mekù’, á nà menò mie mé gÿo pʉ̀a ná ngɔ́ɔnte, é menò mie é kẅéte, á nà menò mie mé siŋte nyìŋ mǒ.

Kolosia 1:9

Mɔɔn ée menò mie é gÿo tá peg laa kʉ́a lésẅíŋte Ssé nà twó sí tà fó lyɛ̌’ gie mé la shwóŋó wég ntí gie pi lɔ̌g ńkú’te nò Ssé pú’u wɔ́. Peg ne ńdúɔ mbwo Ssé ngie à gÿo pi kwa’ ńzsé mmó gie à kwoŋ, ńcʉa nà zsě nò mbɔɔ ná legyè sie Zẅìge Ndʉalʉ̌a ne ńnáa mbwo pi.

Kolosia 2:3

Azse nò ntsèm, mbɔɔ legyè ntsèm pú ńgwɔ́ fù’ gie á cú’te ńdyeen pɔ́ ná Yěsô.

Heber 11:6

Mé lɔgɔ ńgyá ngie nyìŋ lɔɔn tè záb ntʉ́m nà Ssé wɔ́, mbà shÿó pá’ ńgwɔ́ nò yé poŋ Ssé té wó wɔ́. Nyìŋ lɔɔn ńne sẅɛ’te nnɛ́ nê lejʉ́ŋ Ssé á gẅiin lé zɔɔn ḿvɔg ńzẅíŋ ngie e Ssé ee wó, ḿbiŋ ńne ńtsɔ́’ɔ fà’a pʉ̀a pie pɔ́ ne fa’a yé.

Heber 12:15

Pi pɔ́ɔn pá’ à lɔɔn ńgwɔ́ nyìŋ tém nzèm Ssé gẅie à ne ńdɔgɔ lékwoŋo wégè ńcÿó gʉm yégè, ḿbɔ́ɔn nyìŋ gẅi lésele, tà ngÿǒ menò mé cʉ́’ lelaŋ tepòŋ, mbà à ge nɔ́g petsɔ́ pʉ̀a tsɛ̀ɛ cú’tè gí, pʉ̀a tà ńgyɔ́ɔn gÿo pá’ ye.

Heber 6:11

Ammó gie peg ké ne ńtsɔ́ɔn gwɔ́ pɔ́ ngie àwɔ̌wɔ́ɔ tsetsɛ̀ɛ pi wɔ́, à ké ne ńkaga tʉ̀ pɔ́ pú’u, ńdɔgɔ ńgee lê mvfò, tà ńdá’ ńkúu nzsoté légwɔ́ gie kɔ̀ɔkɔ́ɔ gie à ne ńzẅí’te mbwo Ssé, á ge gÿo pumte.

1 Piɛ 3:7

Mbɔɔ pi gí mbàŋa pi gẅiin pànzwě pi mboŋó, ńkímte pá’ pànzwě gwɔ́ pɔ́ pʉ̀a nzɔbte zɔbté. Pi ná mekù’ mɔ́b, á nue e Ssé la pú ńcÿó gʉm gia pɔ̌ métsèm, ńgÿo pá’ pi ge lá’ gẅiin kwà’ le gwɔ́. Pi gÿo pú’u, ńne sẅíŋte Ssé, atsɔ́ mmó le gẅi táte.

2 Piɛ 1:10

Mefɛ́ pɔ́ɔn, pá’ áa pú’u la, pi kẅi’i ńkag tʉ̀, légwɔ́ gie pi ge gÿo mé zsé mboŋó ngie Ssé la tóŋo gẅí, ńtsɔ́’ɔ gẅí. Pi lɔɔn ńnéŋe ná yɛ̌ ntí, mbà pi těen ńdá’a ńgwe nà nò tepòŋ wɔ́.

2 Piɛ 1:11

À gwɔ́ pú’u, mé lá’ shʉa shʉa ńtsɔ́’ nzsè gie e gee ńkúu tsɛ̀ɛ lefùɔ tèmì se Yěsô Kristo, ńná né pi. Aa Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ.

2 Piɛ 3:14

Meshǔ pɔ́ɔn pe tʉ̀ nzẅìŋ, áa mmó gie á gÿo, pi gwɔ́ zẅí’te yɛ̌ lyɛ’ɛ́ lá’, ńkàg tʉ̀ ńnéŋe té *lɔ̌’. Pi légÿo tsɔ́ mmó gie Ssé ge kaga gẅi mǒ wɔ́, pia pɔ̌ piŋ ńgwɔ́ tè cÿɔ́g.

2 Piɛ 3:18

Pi lɔg pɔ́ pá’ pi ne ńzsé Yěsô Kristo, Cʉ̀apʉ̀a wege, ńgwɔ́ nyìŋ gẅie à gÿo pege tsẅɛ́ɛ, ńdɔg ńgʉa né mvfò, ńzsé ngie à ge kẅi’i cÿó gʉm gí, é ne ńgwɔ́ɔ né pi. Legú’ à gwɔ́ mbwo yé tà fó fʉ̀’ɔɔn, à lá’a ńgwɔ́ɔ pɔ́ pú’u! *Amen.