2 Piɛ 1:20 - Nouveau Testament en Ngienboum

²⁰ Ammó gie pi gẅiin lévɔg ńzsé á gwɔ́ ngie: Á tsɔ́ shwóŋè *ntsẅì nkʉ̀ Ssé gie áa tsɛ̀ɛ ŋwà’ne Ssé, ńgwɔ́ gie à lɔɔn ńgwɔ́ nyìŋ lɔg legyè sé gílé yé ńkyagte á té wó wɔ́

2 Piɛ 1:20 ပူးပေါင်းရင်းမြစ်များ

Roma 12:6

Áa yɛ̌ e Ssé cÿó gem yégè, ńnáa fù’ ye wɔ̌wɔ́ɔ á gwɔ́ pɔ́ ye ntí. Afù’ ye nyìŋ lɔɔn ńgwɔ́ léńnéŋe ńtsẅi nkʉ̀ gẅie é fóo mbwo Ssé, á gwɔ́ tsẅi, ńtswii nà ntí gie à ne ńjú’u, mbà e Ssé lɔ̌g shwóŋó yé pú’u.

Roma 13:11

Pi kag tʉ̀, ńgÿo mɛ̌ menò á nue pi ne ńzsé kème njÿó gie pege ee mǒ. Yɔɔn áa fʉ̀’ gie á zɛ́te ngie pi zyeen. Á nue áa fʉ̀’ɔɔn, mbà fʉ̀’ gie Ssé ge gÿo pege tsẅɛ́, á pɔɔnté, ńtɔ́g pá’ á laa fʉ̀’ gie pege lá nyé ńzyete lézáb ntʉ́m nà Ssé.

Roma 6:6

Tà pege lege ngie: Mé la púte Kristo laa nzẅìŋe nyìŋ gẅie à laa ná pege ńkíme nà tÿǒ nkǐ, légwɔ́ gie metʉ̀ mmó gie á laa ná pege, ńtsóte wégè pege gÿo nò tepòŋ, é ge mag pege é le gíŋe ńgwɔ́ menkwɔɔn nò tepòŋ wɔ́.

1 Timote 1:9

Pege giŋé ńne ńzsé ngie e Ssé lɔ̌ɔn těen ńtÿɔ́gɔ *lepʉ̌ ńtí pʉ̀a pie pɔ́ gÿo nò gie á tyé wɔ́, à lɔ̌ɔn ńtÿɔ́gɔ *lepʉ̌ ńtí pàfʉ̀’ menò, lâ pàtʉʉ twó, ńtí pàgwág Ssé, lâ pàgÿo menò tepòŋ, ńgíŋe ńtí mbɔɔ pʉ̀a pie pɔ́ té jú’ ncwò Ssé wɔ́, ńké tè lɔgɔ tsɔ́ mmó gie á fóo mbwo yé ńtóŋo tsɔ́ mmó wɔ́. E Ssé lɔ̌ɔn ńgíŋe ńtÿɔ́gɔ *lepʉ̌ ńtí pʉ̀a pie pɔ́ zẅéte metá pɔ́b lâ memá pɔ́b, ńtí mefÿɛ́.

2 Timote 3:16

Mé la gwaa ŋwe’e kɔ̀ɔkɔ́ɔ tsɛ̀ɛ ŋwà’ne Ssé wɔ́, á fóo pɔ́ ncwò Ssé. Pú’u ammó gie mé la ŋwe’e, à ku’u lélɔg ńzí’i pʉ̀a nò gie áa nénʉ́, ńku’u lélɔg ńdʉ’ʉ nò gie á té nò wɔ́, ńku’u lélɔg ńtÿɔ́gte pʉ̀a, ḿbiŋ ńku’u lélɔg ńzí’i pʉ̀a pá’ à lɔɔn ńgwɔ́ pɔ́ gÿo tá ńnéŋe nà ntí gie e Ssé ne ńkwoŋo.

Ŋwà’ne Jâg 1:3

!Pi gÿo pú’u, nue pi ne ńzsé ngie, pi lɔɔn shÿɔg ngʉ̀ngʉ̀ gie e ne ńkúu gẅí, ḿbiŋ ńne ńkẅi’i ńzába ntʉ́m gẅi nà Ssé, mbà pi ge ne tʉte tʉte.

2 Piɛ 3:3

Pi zɔɔn ḿvɔg ńzsé ngie, áa gÿo gwɔ́ nà melyɛ’ɛ́ lá’ nzsó nzèm, etsɔ́ pʉ̀a kẅɛ, ńgÿo yɔ́b pɔ́ mmó gie membùm mɔ́b ne ńtsóte wɔ́b ngie pɔ́ gÿo. Pɔ́ ge gẅe gẅí,