2 Piɛ 1:14 - Nouveau Testament en Ngienboum

¹⁴ Á nue mèŋ n zsě ngie, à fʉ̀’ gie mèŋ n gee ńkwé cʉ́’ʉ ńku’u ku’. Cʉ̀apʉ̀a wege Yěsô Kristo ka gÿo mèŋ n zsé.

2 Piɛ 1:14 ပူးပေါင်းရင်းမြစ်များ

Ŋwà’ne Jâŋ 13:36

Símo Piɛ zɛ́te yé ngie: Andè, ɔ̀ gee pɔ́ ne nzɔ̌. Yěsô tsɔ́’ɔ mbwo yé ngie: Ajʉ’ gie mèŋ n gee nê wó, ɔ̀ tè ku’u lécʉ́me nzèm mèŋ fʉ̀’ɔɔn wɔ́. Ɔ̀ ge táa tá cʉ́me nzèm mèŋ.

Megàŋ ntúm 20:25

Mèŋ n ka cʉa tsetsɛ̀ɛ pi metsèm, ńgiŋe sá’a pá’ nò *lefùɔ Ssé áa pú’u. M biŋ ńgwɔ́ fʉ̀’ɔɔn, ńne ńzsé ngie pi tě ńdá’a ńgíŋe ńgyá shÿó wɔ̀ɔn mɔ́.

2 Korento 5:1

Peg zɔɔn ne ńzsé ngie ntàb wɔɔn gẅie pege ee tsoló, é gwɔ́ mbùm yege lɔɔn, é lɔɔn fó lyɛ̌’ ńkeme, mbà pege gẅiin ndá tÿǒ lepwó, é gwɔ́ gie e ge lá’a gwɔ́ pɔ́ wó. Epʉ̀a mesoŋ zɔ la tè pwóon, e Ssé zɔ la pwóon.

2 Timote 4:6

Á gʉa ná mèŋ, mbà wɔɔn léfó ndùmo ssé tsétsá’ ńgʉa à ne ńku’u. Afʉ̀’ kǔ’ pá’ mé ge zẅé wɔ̀ɔn, é lɔg ńgwɔ́ pá’ wɔ̀ɔn pwɔ́’ gẅie mé nuŋe mvfò Ssé.

2 Piɛ 1:13

Tá’ mèŋ n kwǎŋ ngie à fʉ̀’ gie mèŋ n nyé ntentʉ́ lɔɔn, mèŋ n ge ké ne kímte gẅi mɔɔn menò kimté, é lɔgɔ zyeen gẅí.