2 Piɛ 1:12 - Nouveau Testament en Ngienboum

¹² Áa mmó gie á gÿo n ge lá’a zɔ́gɔ kímte gẅi mɔɔn menò kimté tà mbɔɔ pá’ pi ne ńzsé, ḿbiŋ ne ńgiŋe pɔ́ nà nò gie áa nénʉ́ gie mé la shwóŋó gẅí.

2 Piɛ 1:12 ပူးပေါင်းရင်းမြစ်များ

Megàŋ ntúm 16:5

Epʉ̀a Kristo ne ńkẅi’i ńzába ntʉ́m nà Ssé ńdɔgɔ ńgee pɔ́ lê mvfò. Anùɔ yɔ́b ne ńgwɔ́ lyɛ̌’ ntsèm, ńkẅi’i kẅi’i.

Filipo 3:1

Áa nà fʉ̀’ɔɔn, mbà mefɛ́ pɔ́ɔn, pi ne ńkága kǎg ńtí Cʉ̀apʉ̀a. À lɔɔn ńgwɔ́ n de kʉ́a léŋwe’e ŋwà’ne mbwo pi lélɔg ńkímte gẅi á mmó gie n ka zɔɔn ńgɔɔn mbwo pi wɔ́. Á ge pyɛ́bte gẅi légwe ná mejÿɔ’.

Kolosia 1:5

Pi gÿo pú’u, nue pi ne ńzẅí’te mmó gie e Ssé la cwoŋte ńzába tÿǒ lepwó ńtí gẅí. Pi ka gwɔ zsé yɛ̌ mmó, éfó nà nò nénʉ́ gie mé ka shwoŋó gẅí, yɛ̌ nò nénʉ́ fóo ná Nkʉ̀ Mbòŋo.

Kolosia 2:7

Pi nyɛte ńcʉŋ leŋàŋ sí pɔ́ ná ye, ńtÿɔ́gɔ gẅi le gwɔ́ pɔ́ ná ye pá’ mé tÿɔ́gɔ ndá nà cÿǒ la, ńne ńkẅi’i ńkú’te pɔ́ nò yé mboŋó, yɛ̌ nò ké ńgwɔ́ pɔ́ pá’ mé la zí’i gẅí. Pi ne ńnáa ndǎg mbwo Ssé tɛ’.

1 Timote 4:6

Ɔ̀ ge gwɔ́ kwà’ ngàŋa fà’ Yěsô Kristo, pá’ ɔ̀ lɔɔn ne ńzí’i mefɛ́ mefɛ́ mɔɔn menò zí’i. Á gʉa ná kwà’ gù, anò Yěsô gÿo ɔ̀ cwoŋo ńtʉte pá’ ɔ̀ kě ńkú’te nò gie peg ka záb ntʉ́m mǒ mboŋó mbɔɔ pá’ ɔ̀ ka jú’u nò nénʉ́ gie mé ka zí’i gú lɛ.

2 Timote 1:6

Áa mmó gie á gÿo mèŋ n ge kẅiŋte gú ngie, ammó gie n ka záb mbwó mɔ́ɔn twó gù, e Ssé cÿó gʉm jú, ɔ̀ ku’u légÿo, tè lɔg ḿma’a kwàŋ.

Heber 10:32

Tá’, tà pi lege pá’ á laa ná mendùŋ mvfò melyɛ̌’, á ná pá’ pi la gwɔ́ tà Ssé lɔgɔ kyɛ̀’ ńkyɛ’ɛ gẅí, pi gyá ngɔ́’ tɛ’. Mé ma’a gẅi lê ncù tɛ’, tá pi ke shÿɔg shÿɔg.

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.

1 Piɛ 5:12

Silase ka kẅéte wɔ̀ɔn léŋwe’e wɔɔn mûɔ méŋwà’ne. Àa mbwo mèŋ ńgwɔ́ fɛ́ gẅie à zsé yé pɔ́ ndà’ nò Yěsô. Mèŋ n náa yɔɔn ŋwà’ne mbwo pi lélɔg ńkẅiŋte gẅi mbɔɔ lélɔg ńnyɛte shwóŋó gẅi ntí gie e Ssé la lɔg menò mbòŋo ńcÿó gʉm yégè, kwà’ pá’ mèŋ n ŋwe’é lɔɔn. Pi tʉte nà menò ŋwɛ́ mboŋó.

2 Piɛ 1:13

Tá’ mèŋ n kwǎŋ ngie à fʉ̀’ gie mèŋ n nyé ntentʉ́ lɔɔn, mèŋ n ge ké ne kímte gẅi mɔɔn menò kimté, é lɔgɔ zyeen gẅí.

2 Piɛ 1:15

Mèŋ n kě ńne ńnyɛ́te ńcwoŋte nà ntí gie mèŋ n ge gwɔ́ tà kwé, pi tyé mbɔɔ ná yɛ̌ nò wɔ́, ńkímte mmó gie n da zí’i gẅí.

2 Piɛ 3:1

Meshǔ pɔ́ɔn pé tʉ̀ nzẅìŋ, mèŋ n gee pá’ɔɔn ńdɔgɔ ńnáa ŋwa’ne mbwo pi ngʉ̀a mbʉ́a. Áa tsɛ̀ɛ meŋwà’ne ŋwɛ́ membʉ́a, mèŋ n ne fa’a lékímte gẅi mmó gie pi la zí’i, ńdɔgɔ pú’u, ḿbʉ́’te legyè sí ngie e kwaŋa nò ndʉŋ ndʉŋ.

2 Piɛ 3:17

Meshǔ pɔ́ɔn pe tʉ̀ nzẅìŋ, á gʉa ná pi, mbà mèŋ n tʉ̌ njÿó é shwóŋó gẅí. Pi ké ńdaga twó gí, ḿbɔ́gɔ pà tè shʉ́ ńkúu wɔ́b léfʉte gẅi pi fʉa mánzsè, ńzye lémʉ’te ná mmó gie letʉ́m sí ka zɔɔn ńtyé mǒ tà ńtyé.

1 Jâŋ 2:21

Mèŋ n ka gwaa ŋwe’e ŋwà’ne ná né pi mèŋ n tě ńdɔgɔ ńgɔɔn ngie pi tè ne ńzsé nò nénʉ́ gwɔ́ wɔ́. Á gwɔ́ pɔ́ nò gie pi ne ńzsé. Pi giŋé ńne ńzsé ngie, etsɔ́ cÿɔ nò lɔɔn ńgwɔ́ é le tsɛ̀ɛ nò nénʉ́ kẅɛ.

2 Jâŋ 1:2

Peg kwoŋo gẅí, á fóo ná pá’ nò nénʉ́ áa tsɛ̀ɛ ntʉ́m wégè, é ké lá’a tsẅé gwɔ́ pɔ́ tsoló.

Jẅide 1:17

Tá á gʉa ná pi, mbà meshǔ pɔ́ɔn, pi kímte menò mie megàŋ ntúm Cʉ̀apʉ̀a wege Yěsô Kristo la tʉ́ʉ njÿó ńtsẅii mbwo pi.

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.

Jẅide 1:5

Mèŋ n ne ńkwoŋo lékímte gẅi tsɔ́ nò gie pi cwoŋo ńne ńzsé mboŋó, á gwɔ́ pá’ Cʉ̀apʉ̀a la kẅile pʉ̀a pé pà Israel tsɛ̀ɛ ngwòŋ Egipto tà pɔ́ tsẅɛ́, á gÿo ńgʉa tsetsɛ̀ɛ pɔ́b ńgÿo pʉ̀a pie pɔ́ kaa záb ntʉ́m ná yé wɔ́ kwéte.