2 Korento 8:3 - Nouveau Testament en Ngienboum

³ Mèŋ shwóŋó gẅi mmó gie mèŋ n ka gyá gyǎ, pɔ́ ka náa mmó gie pɔ́ ku’u léná tà ńgíŋ ńtɔ́g pá’ ńgwɔ́ pɔ́ ná, ńké ńkwoŋo kwoŋ tá ńnáa pú’u.

2 Korento 8:3 ပူးပေါင်းရင်းမြစ်များ

Malékuse 14:8

Manzwě wɔɔn gÿǒ yé mmó gie à ku’u légÿo, ńtʉ́ʉ njÿó ńdɔgɔ laméndɔ́ɔn ńzɔ́’ɔ wɔ̀ɔn, tá mé táa ńnéŋe wɔ̀ɔn tsɛ̀ɛ lesyè.

Megàŋ ntúm 11:29

Agabus gɔɔn pá’ɔɔn, epʉ̀a Kristo záb ngie awɔ̌wɔ́ɔ náa yé mmó gie à ku’u mǒ, mé túm, ńdɔg ńkẅéte mefɛ́ mefɛ́ pie pɔ́ tsẅé tsɛ̀ɛ pàga ngwòŋ Jẅidea.

Roma 10:2

Mèŋ n cwoŋo ne ńzsé ngie, pɔ́ kwa’ ne ńkwoŋo léfa’a fà’ Ssé pɔ́ lê zeŋe nnɛ́, tá pɔ́ té ne ńjú’u kwà’ mánzsè wɔ́.

1 Korento 16:2

Á poŋ ngie à ńnéŋe ńgwɔ́ wɛ̌ sóondi, wɛ̌ nyìŋ gẅi wɔ́ à gee ná mmó gie à gẅǐin, ńdʉŋte ḿbí tsɔ́ nzẅìŋ nkáb mǒ, ńde’e ndá ye, ńzsé ngie mé té ge zẅí’te tà mèŋ n tó tá mé ma’ ncùb wɔ́.

1 Korento 9:17

Á laa pé’è mèŋ n zɔ̌ kaŋa yɔɔn fà’, mbà mèŋ n gẅiin lézẅí’te ntsɔ’ɔ́ fà’. Tá’, pá’ áa fà’ gie mèŋ n ké ńgẅiin pɔ́ léfa’ la, áa mbwo mèŋ ńgwɔ́ pɔ́ pì’ gie n kě ńgẅiin pɔ́ lékaa.

Galatia 4:15

Lekág gẅie à laa ntʉ́m pi, à kéen ḿpfó nzɔ̌? Mèŋ n ku’u légɔɔn ngie á la pé’e ńgwaa ńgwɔ́ pi tsɔ́’ menÿɔ́g mí ńdɔg ńkúbe mɔ́ɔn, mbà pi la tsɔ́’ ńdɔg ńkúbe fʉ’ó.

Filipo 2:13

E Ssé zɔɔn ne fa’a tsɛ̀ɛ ntʉ́m pi légwɔ́ gie pi ge kwoŋ shúm sie é poŋo yé, mbɔɔ légwɔ́ gie pi ge gíŋ gÿo sɛ̌ shúm.

Kolosia 4:13

Mèŋ n dɔ̌g nÿɔ́g mɔ́ɔn ńgyá pá’ à gya ngɔ́’, éfa’a ńtí gẅí, éfa’a ńtíi mbɔɔ pʉ̀a Ssé pie ée Laodisé mbɔɔ pie ée Hierapolis.

1 Tesalonika 2:8

Peg la kwoŋo gẅi kwoŋ tà ńtyé pá’ ńgwɔ́ peg é le ná pɔ́ ndà’ nkʉ̀ mbòŋo nò Ssé mbwo pi wɔ́, pá’ ńgwɔ́ peg gíŋe ńná mbɔɔ twó ség, á nue á la gwaa gwɔ́, mbà pi cʉ’ʉ́ mmó ntʉ̀ nzẅìŋ mbwo peg.

Filemo 1:14

Tá’, mèŋ n kaa kwoŋo légÿo tsɔ́ mmó tà ɔ̀ jú’u jú’ wɔ́. N té ne ńkwoŋo létsóte gú tsóte tà ɔ̀ gÿo nò mbòŋo ná mèŋ wɔ́. Mèŋ ne ńtsɔ́ɔn ngie ɔ̀ gÿo pɔ́ mmó gie ɔ̀ kwǒŋ.

1 Piɛ 4:11

Afù’ ye nyìŋ lɔɔn ńgwɔ́ légɔɔn nò Ssé, á gɔɔn pɔ́ gie á fóo mbwo Ssé. Aye nyìŋ gwɔ́ léfa’ mefà’ tsɛ̀ɛ cú’tè, á lɔg pɔ́ metʉ̀ mie Ssé náa mbwo yé ńdɔg fa’. Pi gÿo pá’ɔɔn ńzsé ngie mé ge cʉa ná Yěso Kristo, égu’te Ssé nà kɔ̀ɔkɔ́ɔ, yé gẅie metʉ̀ ntsèm, mbɔɔ lésá’ njÿó ée mbwo yé nà mengù’ nkɔ́ɔn nê nkɔ́ɔn. Amɛn

1 Piɛ 5:2

Mèŋ n gɔɔn mbwo pi pàkẅé mvfò ngie pi pféle nùɔ *njʉ̀njÿò Ssé gie à la cʉ́me mbwo pi, tà pi pféle pɔ́ pá’ fʉ̀’ gie mé gwǒon gẅi gwoon la, pi pféle lê ntʉ́m mbòŋo, pá’ Ssé ne ńkwoŋo. Tà pi gÿo pá’ fʉ̀’ gie pi fa’a nkáb la, pi lɔg pɔ́ nkwòŋe.