2 Korento 7:7 - Nouveau Testament en Ngienboum

⁷ E Ssé tè lɔg pɔ́ ndà’ pá’ Titus tǒ wɔ́, á gíŋ ńdɔg mbɔɔ pá’ pi la tsí’i ntse nÿɔ́g Titus yé. Titus ka pité, éshwóŋó wég ntí gie pi ne ńtsɔ́ɔn légyá wɔ̀ɔn pú’u, ńgíŋ ḿbíte ntí gie pi ne ńdɔgɔ ḿmÿɔgɔ nò yɔ́ɔn pú’u, ńgíŋe shwóŋó wég pá’ pi tyé létág nzèm yɔ̀ɔn pú’u. Tà mèŋ n jú’, anò gíŋe ńkẅi’i ḿboŋo wɔ̀ɔn tɛ’.

2 Korento 7:7 ပူးပေါင်းရင်းမြစ်များ

Jẅide 1:3

Meshǔ pɔ́ɔn pe tʉ̀ nzẅìŋ, n kɔ̌ɔn ńzɔ́gɔ ńtsɔ́ɔn tsɔ̌ɔn léŋwe’e ŋwà’ne ńnáa mbwo pi á nà nò pá’ e Ssé ka gÿo pege metsèm pú ńtsẅɛ́, tá’ n ka neŋé tà ḿbú ńgyá fʉ̀’ɔɔn ngie á zɛ́te ngie mèŋ n ŋwe’e ńdɔg ńkẅiŋte gẅi léma’ ncù ńdɔg ḿbɔ́ɔnte nò Yěsô Kristo gie e Ssé la cʉ́me mbwo pege pʉ̀a Ssé. Yɛ̌ nò gwɔ́ pɔ́ yémɔ’ɔ́ ndà’, atsɔ́ té ńdá’a ńgíŋe ńgwɔ́ wó wɔ́.

2 Korento 5:2

Áa mmó gie á gÿo pege ee fʉ̀’ɔɔn ne ńdʉa, ńtsɔ́ɔn légwɔ́ tsɛ̀ɛ ndá yege yé tÿǒ lepwó, á légwɔ́ tsoló pá’ nyìŋ gẅie aa tsɛ̀ɛ nzsǒ sẅé gie à ma’ la.

2 Jâŋ 1:4

Anò ka pǔ ḿboŋo wɔ̀ɔn tɛ’ pá’ n ka jǔ’ ngie tsɔ́ penkʉ́ pú ne ńgiŋe ná mánzsè nò nénʉ́ pá’ Tá wege la tsẅi né pege la.

Ŋwà’ne Jâg 5:17

*Elîɛ la gwɔ́ pɔ́ nyìŋ mesoŋ pá’ pege, à la sẅíŋte Ssé lê ntʉ́m wé ntsèm ngie tà mbʉ̀ŋ lú, e Ssé gÿo mbʉ̀ŋ tè lú tà é gwɔ́ ngù’ tá nê mesaŋ ntɔgɔ́.

Heber 2:1

Pú’u la, pege kwa’ ńgẅiin lé ké ńkú’te nò gie pege la jú’ kú’te, tà á té pú’u wɔ́, mbà pege ge fʉa mánzsè, é gʉa pyé,

1 Tesalonika 3:8

Áa fʉ̀’ɔɔn, peg ge gíŋe jú’, é gwɔ́ ntentʉ́, á nue pi kaa kʉ́a légwɔ́ pɔ́ nzèm Cʉ̀apʉ̀a wɔ́,

1 Tesalonika 3:6

Tá áa nà fʉ̀’ɔɔn, mbà a fǒ lá’ pi ḿbiŋ tà ńkúu jʉ’ɔɔn. A shwoŋó wég nò ná gẅi lézáb ntʉ́m nà Ssé, á nà nkwòŋo gie pi gẅiin, tà nò poŋo wég. A shwoŋó wég pá’ pi neŋé ńkíme wég pɔ́ mboŋó, mbɔɔ pá’ pi ne ńtsɔ́ɔn légiŋ ńgyá wég pá’ peg yég ne ńtsɔ́ɔn légiŋe ńgyá gẅí.

Kolosia 2:5

Mèŋ n tsɛ ńgwɔ́ ngʉ̀a shʉ̀shʉ̀a, tá nkwaŋá wɔ̀ɔn tyé pɔ́ ná pi. Mèŋ n ne ńkága á nue mèŋ n zsě ngie pi ne ńtáŋte menò mí mboŋó, ḿbiŋ ńkú’te nò Kristo tà á tʉ.

Filipo 1:20

Ammó gie mèŋ n ne ńtsɔ́ɔn tɛ’, nkwaŋá wɔ̀ɔn ńnéŋe ńtyé pɔ́ mǒ, á gwɔ́ pɔ́ ngie tà mèŋ n gÿo tsɔ́ mmó gie eshʉ́ ge fó mǒ é kúu wɔ̀ɔn. Tà ńcʉ́’ pú’u, mbà á lɔɔn ńgwɔ́ pɔ́ fʉ̀’ɔɔn, kà fʉ̀’e kɔ́ wɔ́, n nyé pɔ́ ntentʉ́ kà fó ńkwé kwé wɔ́, mbà mèŋ n ne ńzsé mboŋó ngie mé ge fó nà wɔɔn leńnéŋe, é gu’te Kristo.

2 Korento 8:16

Pege ná ndǎg mbwo Ssé á ná pá’ à gÿo Titus zeŋe nnɛ́ nà nò gí pá’ peg.

2 Korento 2:9

Pi zsé ngie n ka gǐŋ ńgwaa ŋwe’e ŋwà’ne mbwo pi ńne fa’a lélʉŋte gẅi ńgyá, ka pi ku’u lé jú’ ncwò ná menò ntsèm wɔ́.

2 Korento 1:14

Pá’ pi ka zye lé jú’ ntí nyìŋ gẅie mèŋ n gee wɛ̌ la, á ge lá’a lyɛ̌’ gie Cʉ̀apʉ̀a Yěsô Kristo tóo, mèŋ n gwaa gwɔ́ mbwo pi é gwɔ́ gí mmó ka’te, pi gíŋe ńgwɔ́ yɔ́ɔn.

Roma 1:12

Ndyɛ̌’ n kɔ’ɔ́ gɔɔn pɔ́ ngie n dɔɔn tó ńgwɔ́ tsetsɛ̀ɛ pi, egi ntí lézáb ntʉ́m nà Ssé é kẅiŋte wɔ̀ɔn, eyɔ́ɔn ntí kẅiŋte gẅí.

Megàŋ ntúm 11:23

Á gʉa tà ńkúu wó, ńgyá yé pá’ Ssé ne ńdíe pʉ̀a pie pɔ́ zǎb ntʉ́m ná yé pú’u, ànò poŋo yé tɛ’. Á kẅiŋte wɔ́b métsèm, ngie pɔ́ ké ńzsé pɔ́ ndà’ Cʉ̀apʉ̀a, ḿbiŋ ńcʉŋe pɔ́ ná yé.

Lukase 22:44

Legwé ne ḿpfɛ́ɛ yé, á ńkẅi’i sẅíŋte Ssé ńnéŋe twó, tà zì’i cʉ́’ʉ ńkẅɛɛ ná yé, ńcʉ́mte ssé ńgwá’a mekɔ̌ɔn metse la].

Matio 26:75

Piɛ leen ńkímte pá’ Yěsô ně ńgɔɔn né yé ngie mênkɔ́’ ge gÿo gwaa tóŋ, mbà ɔ̀ moŋé wɔ̀ɔn ngʉ̀a ntá, éfó tetʉ́a ńkẅɛ, ḿbú ńdʉa tɛ’.

Matio 5:4

Pàshÿó mbòŋo ee pʉ̀a pie e ne ńdʉa, mélà’mie Ssé ge gÿo tsí’i ntse nÿɔ́g mɔ́b

1 Korento 5:2

Pi gwɔ́ jʉ’ó ńne ńŋá’te, tá mbà pi kěen lúŋ yɛ̌ ntí nò lǔŋ, é piŋ fóo tsetsɛ̀ɛ pi jwoŋo nyìŋ gẅie à ka gÿo pú’u.

2 Korento 1:4

À tóonte wégè ngwòŋ fʉ̀’ ntsèm gẅie pege ée tsɛ̀ɛ ngɔ́’ légwɔ́ gie pege yege ge ku’u létóonte petsɔ́ pʉ̀a pie ée tsɛ̀ɛ ngɔ́’, é cʉ́’ʉ létóonte wɔ́b é tóonte nà ntí gie e Ssé ka tóonte wégè.

2 Korento 7:6

Tá’, e Ssé tsí’i ntse nÿɔ́g még pá’ aa ńtsí’i ntse nÿɔ́g pʉ̀a pie pɔ́ ne ńdʉa. Á gwɔ́ pá’ à la gÿo Titus fɔ́ɔn ńtó ńgyá wég.

2 Korento 7:8

Anò gẅiin lépoŋo wɔ̀ɔn tɛ’. Ŋwà’ne gie n ka vɔg ńtúmo mbwo pi, á ka gÿo pi mÿɔg, tá mèŋ n te ne ńgyá tsɔ́ *lɔ̌’ mǒ wɔ́. Á lɔɔn ńgwɔ́ gie n da gyá *lɔ̌’ mǒ, mbà á gwɔ́ pɔ́ pá’ n ka ne ńzsé ngie á ge gÿo pi zye ḿmÿɔg.