2 Korento 7:4 - Nouveau Testament en Ngienboum

⁴ Mèŋ n déen ńtém nzèm yɔɔn ńná né pi, mèŋ n dɔg pɔ́ gẅi ńka’te tɛ’, mèŋ n nyě ńgẅiin pɔ́ shÿɔg tɛ’, lekág aa ntʉ́m mèŋ tɛ’ tà mbɔɔ pá’ peg ne ńgyá ngɔ́’ tɛ’.

2 Korento 7:4 ပူးပေါင်းရင်းမြစ်များ

Megàŋ ntúm 5:41

Pɔ́ gwaa fó tsɛ̀ɛ cú’tè pàsá’a lá’ kẅɛ, ńgíŋe ńkága kǎg. Mélà’ mie e Ssé gyá ngie pɔ́ ku’u légyá ngɔ́’ ntí nò lezíŋ Yěsô.

Roma 5:3

Á té gwɔ́ pɔ́ ndà’ pú’u wɔ́, peg giŋé ńgẅiin lékag tà mbɔɔ fʉ̀’ gie peg ne ńgyá ngɔ́’, ńně ńzsé ngie e ngɔ́’ ge gÿo peg shÿɔg.

1 Korento 1:4

Mèŋ ne ńnáa ndǎg mbwo Ssé fʉ̀’ ntsèm ńtí gẅí, á nà menò mbòŋo mie à ka lɔg ńcÿó gem gí, ńcʉa nà pá’ pia Yěsô Kristo kéen ńtemte.

2 Korento 1:14

Pá’ pi ka zye lé jú’ ntí nyìŋ gẅie mèŋ n gee wɛ̌ la, á ge lá’a lyɛ̌’ gie Cʉ̀apʉ̀a Yěsô Kristo tóo, mèŋ n gwaa gwɔ́ mbwo pi é gwɔ́ gí mmó ka’te, pi gíŋe ńgwɔ́ yɔ́ɔn.

2 Korento 1:4

À tóonte wégè ngwòŋ fʉ̀’ ntsèm gẅie pege ée tsɛ̀ɛ ngɔ́’ légwɔ́ gie pege yege ge ku’u létóonte petsɔ́ pʉ̀a pie ée tsɛ̀ɛ ngɔ́’, é cʉ́’ʉ létóonte wɔ́b é tóonte nà ntí gie e Ssé ka tóonte wégè.

2 Korento 10:8

Cʉ̀apʉ̀a la zába wég, létyé mvfò ńgɔɔn nò né pi, lélɔg ńgÿo àcú’tè gí kẅi’i ńgʉa pɔ́ lê mvfò, á la tè lélɔg ńtág wɔ́. À lɔɔn fó ńgwɔ́ gie mèŋ n ne ńdɔgɔ wɛ̌ le gwɔ́ ńka’te tà á cʉa, mbà à lɔɔn ńgwɔ́ eshʉ́ le wɔ̀ɔn kú.

2 Korento 11:21

Eshʉ́ kwa’ ne ńkúu wɔ̀ɔn pá’ n da tè gẅiin shÿɔgɔ ntʉ́m lényɛɛ gẅi nò pá’ pɔ́b wɔ́. Tá’, nyìŋ lɔɔn ńná’a fʉ’ʉ fʉ’ʉ ńdɔgɔ tsɔ́ mmó ńka’te, mbà mèŋ n ge ka’te cʉa yé, é gɔɔn nò pá’ pʉ̀a la.

2 Korento 2:14

Tá’, peg ge ké ná pɔ́ ndǎg mbwo Ssé, á nue peg lɔɔn ńgwɔ́ pɔ́ nzɔ̌ wɔ́, mbà à ge gÿo peg gwɔ́ pɔ́ ná mánzòŋ Kristo, mbà yé Kristo jÿǒ ncù. Yé Ssé lɔgɔ wég ńgÿo mé zsé Kristo jʉ’ ntsèm, pá’ mmó gie mé túɔ, àgyě kwɔ́’ɔ ésa jʉ’ ntsèm la.

2 Korento 3:12

Pá’ peg ne ńnyɛ́te ńzsé ngie mɔɔn menò ée nénʉ́ la, peg shʉashʉa ńgɔɔn nò mǒ.

2 Korento 7:14

Á gwaa gwɔ́, mbà mèŋ n ka tyé mvfò Titus ńná’a ńdɔgɔ nò gí ńka’te. À piŋ fó lá’ pi, eshʉ́ ké té wɔ̀ɔn kú. Ammó gie peg kɔ̌ɔn ńdɔgɔ nò gí ńka’te mvfò Titus mǒ, á ka piŋ ńkẅɛ ńgwɔ́ pɔ́ nò nénʉ́, ndʉŋ ndʉŋ pá’ peg ee ńzɔ́gɔ shwóŋó gẅi pɔ́ nò nénʉ́.

2 Korento 8:24

Pâ pɔ́ lɔɔn ńtó, pi gÿo tà pɔ́ zsé ngie pi ne ńkwoŋo wɔ́b tà shwóŋó nò. Mecú’tè pʉ̀a Kristo lêen ńké ńzsé ngie peg lɔgɔ nò gí ńká’te mvfò pɔ́b pá’a éshwóŋó nò.

Filipo 1:14

Mèŋ n ka gwɔ̌ tà ńkúu tsǎŋ, lelÿò mefɛ́ mefɛ́, gyá pú’u, ńkẅi’i ńzáb ntʉ́m wɔ́b ná Cʉ̀apʉ̀a. Tà pɔ́ ne shÿɔ́gɔ shwóŋó nò Ssé fʉ̀’ɔɔn té pɔ́g.

Filipo 1:20

Ammó gie mèŋ n ne ńtsɔ́ɔn tɛ’, nkwaŋá wɔ̀ɔn ńnéŋe ńtyé pɔ́ mǒ, á gwɔ́ pɔ́ ngie tà mèŋ n gÿo tsɔ́ mmó gie eshʉ́ ge fó mǒ é kúu wɔ̀ɔn. Tà ńcʉ́’ pú’u, mbà á lɔɔn ńgwɔ́ pɔ́ fʉ̀’ɔɔn, kà fʉ̀’e kɔ́ wɔ́, n nyé pɔ́ ntentʉ́ kà fó ńkwé kwé wɔ́, mbà mèŋ n ne ńzsé mboŋó ngie mé ge fó nà wɔɔn leńnéŋe, é gu’te Kristo.

Filipo 1:26

Pú’u la, mèŋ n ge gÿo piŋ tà gíŋe gwɔ́ tsetsɛ̀ɛ pi, pi zẅɛ́’ɛ wɔ̀ɔn ńkẅi’i ńgẅiin lekág gẅie à fóo ná pá’ pi lǎ nnɛ́ ná Yěsô Kristo.

Filipo 2:17

À gẅi lézáb ntʉ́m ná Yěsô aa pá’ shúm pwɔ́’ sie pi nuŋe mvfò Ssé, ńgwɔ́ gie mé lɔɔn ńzẅé wɔ̀ɔn, mbà é lɔgɔ ńgwɔ́ pá’ wɔ̀ɔn pwɔ́’ gẅie mèŋ n nuŋé mvfò Ssé. Á tó ńgwɔ́ pú’u, mbà mèŋ n gee shÿó mbòŋo, mbà pege ge pú kág.

Kolosia 1:24

Áa fʉ̀’ɔɔn ngɔ́’ gie mèŋ n ne ńgyá ná twó gí gÿo mèŋ n kág kǎg. Ngɔ́’ gie mèŋ n gee tsoló áa pfwɔ́’ɔ ngɔ́’ Kristo gie mèŋ n gyá ntí mbùm ye gie áa cú’tè pʉ̀a pé.

1 Tesalonika 2:19

Pi zɔ zɔɔn ńgwɔ́ pʉ̀a pie pɔ́ gÿo peg ne ńzẅí’te lyɛ’ɛ́ lá’ Cʉ̀apʉ̀a tɛ’. Pi zɔɔ weg lekág, ńgwɔ́ yeg *ngǔ’ gie peg ge lá’ lɔg tyé mvfò Cʉ̀apʉ̀a wege, á fʉ̀’ gie à ge lá’ gíŋe tó.

1 Tesalonika 2:2

Pi giŋé né ńzsé ngie peg ka gwaa tó, éfóo ne Filipo, mbà mé nyɛ̌ wég ngɔ́’ wó tɛ’, ńzoonte wég. Tá’ e Ssé náa wég shÿɔg létsẅi nkʉ̀ mbòŋo wé mbwo pi tà mbɔɔ pá’ mé la gíŋ ne ńnyɛɛ wég pɔ́ ngɔ́’.

2 Tesalonika 1:4

Á cʉa pú’u, tá peg gwaa ńkím lezíŋ sí tsɛ̀ɛ metsɔ́ mecú’tè pʉ̀a Ssé, ńkím pɔ́ nê ka’te, mélà’mie pʉ̀a ne ńnyɛɛ gẅi ngʉ̀ngʉ̀, ńne ńkʉ́e gẅí, pi ké tè cú’tè kÿo, pi ké shÿɔg shÿɔg, ńne ńzába ntʉ́m gẅi pɔ́ ná Yěsô Kristo.

Filemo 1:7

N gɔɔn nue, nkwòŋe gie ɔ̀ gẅiin e ka gÿo m bú ńkág tɛ’. À fɛ́ wɔ̀ɔn, ntʉ́m wɔɔn sẅeté, á fóo nà pá’ ɔ̀ ka kẅiŋte pʉ̀a Ssé.

Ŋwà’ne Jâg 1:2

Mefɛ́ pɔ́ɔn, ngʉ̀ngʉ̀ mentí mentí lɔɔn ńne ńkúu gẅí, pi lɔg pɔ́ kwà’ lekág ńkẅé.