2 Korento 7:3 - Nouveau Testament en Ngienboum

³ N ké tě ńgɔɔn pá’ɔɔn ńdɔgɔ ńgɔɔn ngie pi fʉ̌a tsɔ́ nò wɔ́. Mèŋ n ně ńzɔɔn ńdá’ shwóŋó gẅi ngie, anò gí áa tsɛ̀ɛ ntʉ́m wég. Peg jǔ’ pege pú ńgwɔ́ pɔ́ ná tà’a nùɔ, kà pege ne ńjú’u pɔ́ mboŋó wɔ́, kà pege gwɔ́ pɔ́ ncwò legwé wɔ́.

2 Korento 7:3 ပူးပေါင်းရင်းမြစ်များ

2 Korento 11:11

N gɔɔn pú’u, mélà’a kɔ́? Áa nue mèŋ n te gẅi kwoŋ keen? Ngǎŋ, e Ssé ne ńzsé ngie mèŋ n kwoŋo gẅí.

2 Korento 12:15

Á gʉa ná mèŋ, mbà à lɔɔn ńgwɔ́ á poŋo wɔ̀ɔn poŋ lénáa kɔ̀ɔkɔ́ɔ gie mèŋ n gẅiin né pi. Ngwɔ́ n gíŋe ńná mbɔɔ twó yɔ́ɔn ńtí gẅí. N dɔɔn ne ńkẅi’i ńkwoŋo gẅi pɔ́ nzẅìŋó, egì kwoŋo nzèm mèŋ ne ńtsẅɛ́te tsẅɛté lá?

2 Korento 13:10

Áa mmó gie á gÿǒ, n nyé pɔ́ ngʉ̀a shʉ̀shʉ̀a ńŋwe’e yɔɔn nò ntsèm, ńne ńtsɔ́ɔn ngie n te gÿo tó tà kúu tsetsɛ̀ɛ pi é lɔg pá’ Cʉ̀apʉ̀a la tÿɔ́gɔ wɔ̀ɔn mvfò pi, é cÿɔ́gɔ gẅi cÿɔ́g wɔ́. Cʉ̀apʉ̀a la tÿɔ́gɔ wɔ̀ɔn mvfò pi pɔ́ légÿo acú’tè kẅi’i ńgʉa lê mvfò. À la tè tÿɔ́gɔ wɔ̀ɔn ngie mèŋ n tág tág wɔ́.

2 Korento 3:2

Pi pɛ zɔ yég ŋwà’ne, mbà mé la ŋwe’e tsɛ̀ɛ ntʉ́m wég, pʉ̀a metsèm ne ńzsé ḿbiŋ ne ńtóŋo,

2 Korento 7:12

Pá’ n ka ŋwe’e ŋwà’ne ńnáa mbwo pi la, n kɔ̌ɔn tě ńŋwe’e ńtí megàŋ mefʉa wɔ́, ńké tě ńŋwe’e ńtí nyìŋ gẅie mé gÿǒ nò tepòŋ ná yé wɔ́. N kɔ̌ɔn ńŋwe’e pɔ́ ngie pi tyé mvfò Ssé, ńgyá ntí gie pi lɔg sẅɛte ná nó yég.

Filipo 1:7

Mèŋ n gẅiin lé ne ńkwaŋa pɔ́ pú’u ná pi, mélà’mie m bǔ ńkwoŋo gẅi tà ḿmag ntʉ́m wɔ̀ɔn. Pi metsèm zɔɔn ne ńkẅéte wɔ̀ɔn nà fà’ gie e Ssé la lɔg ńcÿó gʉm yɔ́ɔn pɔ́ lê pòŋo ntʉ́m yé, tà mbɔɔ fʉ̀’ɔɔn gie n gee ndá tsǎŋ lɔɔn, mbɔɔ fʉ̀’ gie mèŋ n ne ńnyɛɛ ngie nkʉ̀ mbòŋo ée nénʉ́, mbɔɔ fʉ̀’ gie mèŋ n ne ńgÿo pʉ̀a nyɛte ńzẅíŋe.

1 Tesalonika 2:8

Peg la kwoŋo gẅi kwoŋ tà ńtyé pá’ ńgwɔ́ peg é le ná pɔ́ ndà’ nkʉ̀ mbòŋo nò Ssé mbwo pi wɔ́, pá’ ńgwɔ́ peg gíŋe ńná mbɔɔ twó ség, á nue á la gwaa gwɔ́, mbà pi cʉ’ʉ́ mmó ntʉ̀ nzẅìŋ mbwo peg.