2 Korento 5:9 - Nouveau Testament en Ngienboum

⁹ Á cʉa pú’u, ammó gie peg ne ńtsɔ́ɔn légÿo tɛ’ aa legÿo mmó gie á poŋo yé. Kà pɔ́ pá’ peg ee tsɛ̀ɛ yɔɔn mbùm nnɛ́ wɔ́, kà pɔ́ pá’ peg kẅɛ̌ tsoló wɔ́,

2 Korento 5:9 ပူးပေါင်းရင်းမြစ်များ

Ŋwà’ne Jâŋ 6:27

Tà pi kag tʉ̀ nà shúm léjÿó sie é té láte, pi kag tʉ̀ pɔ́ nà shúm léjÿó sie nyìŋ jÿǒ, é gÿo á lá’a ńgwɔ́ pɔ́ wó. *Míŋ Nyìŋ zɔ ge ná sɛ̌ shúm léjÿó mbwo pi, mélà’mie Ssé Tá la cÿɔ’ɔ liŋé yé ná yé.

Megàŋ ntúm 10:35

Nyìŋ lɔɔn ńgÿo mekù’ Ssé, ńgíŋ ńgÿo mmó gie e Ssé ne ńkwoŋo, ńgwɔ́ pɔ́ nyìŋ yɛ̌ lá’ gwɔ́, mbà nò yé ge poŋ Ssé poŋ.

Roma 14:18

Nyìŋ lɔɔn fa’a fà’ Kristo lê yɔɔn ntí, mbà nò yé ge poŋ Ssé, epʉ̀a mesoŋ piŋ ńná mekù’ ngàŋ.

Roma 14:8

Pege gwaa gwɔ́ wó á gwɔ́ pɔ́ ngie pege ge gwɔ́ shúm Cʉ̀apʉ̀a, ńgwɔ kwé á gwɔ́ pɔ́ ngie pege ge gwɔ́ shúm Cʉ̀apʉ̀a. Pú’u la, pege lɔɔn ńgwɔ́ pɔ́ ntentʉ́ lo, mbà pege gwɔ́ pɔ́ pʉ̀a Cʉ̀apʉ̀a, ńkwé kwé lo, mbà pege gwɔ́ pɔ́ pʉ̀a Cʉ̀apʉ̀a.

Roma 15:20

Tá’, n da kag tʉ̀ léké ńtsẅi Nkʉ̀ Mbòŋo pɔ́ jʉ’ gie mé zɔ̌ɔn kaa Kristo wó kíme, ḿbɔ́gɔ lékwɛ́ ndá nà cÿǒ ndá gie tsɔ̌ nyìŋ ndyɛ̀’ɛ ka nuŋe.

1 Korento 15:58

Mefɛ́ pɔ́ɔn pentʉ̀ nzẅìŋ, pá’ áa pú’u la, pi tʉte tʉte, tà nyìŋ cÿɔ’, pi kẅi’i fa’ mefà’a Cʉ̀apʉ̀a ńdɔg ńgʉa pɔ́ lê mvfò, ńgwɔ fa’ ńne ńzsé ngie fà’ gie pi fà’a, ńtí nue pi ee pʉ̀a Cʉ̀apʉ̀a, á té ge cʉ̀a sẅɛ̀ɛ wɔ́.

2 Korento 5:6

Pú’u, tá pege ee fʉ̀’ ntsèm ńcʉ́’ ńnéŋe pɔ́ nê lekág pá’ɔɔn tɛ’. Pege té ne ḿmoŋe ngie pege lɔɔn ńdá’ ńnyé ńgwɔ́ pɔ́ tsɛ̀ɛ yɔɔn mbùm nnɛ́, mbà pege nyě tè gwɔ̌ lejʉ́ŋ Cʉ̀apʉ̀a, mbà pege gwɔ̌ pɔ́ ngʉ̀a shʉ̀shʉ̀a wɔ́.

2 Korento 5:8

Pege cʉ̌’ ńnéŋe pɔ́ nê lekág pá’ɔɔn, atwó mmó lÿò gie pege ne ńtsɔ́ɔn á gwɔ́ lékẅɛɛ tsɛ̀ɛ yɔɔn mbùm nnɛ́, ńgʉa ńcʉ́’ʉ ńnéŋe pɔ́ lejʉ́ŋ Cʉ̀apʉ̀a.

Efeso 1:6

À la lɔgɔ wégè ńgÿo púɔ pé le gwɔ́ gie pege ge gu’te yé ná máa nò té fʉ̀’ gẅie à la gÿo. Á la cʉa ná pá’ à la temte wégà Míŋ we gẅie à kwoŋe yé tɛ’, ńcÿó gʉm yégè, pú’u á gwɔ́ kwà’ máamaa nò tɛ’.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

Kolosia 1:29

Pi jú’u mmó gie mèŋ n kwé mǒ. Mèŋ n kě ńdɔgɔ pɔ́ metʉ̀ mie é fóo mbwo Kristo tá fa’a yɔɔn fà’. Mɛ̌ metʉ̀ kwa’ ńgwɔ́ soŋ nnɛ́ mèŋ ńne fa’a.

1 Tesalonika 4:1

Mefɛ́ mefɛ́, anò gie peg ge lɔg cʉ́me á gwɔ́ pɔ́ ngie peg ka shwóŋó gẅi ntí gie à lɔɔn ńgwɔ́ pi lɔg ńnéŋe pú’u, anò gí poŋ Ssé. Á ge gǎ wɔ́ pi ne ńnéŋe pɔ́ pú’u. Tá’ peg giŋé ne sẅíŋte gẅí, tà ḿbú’u pɔ́ mbwo nà lezíŋ Cʉ̀apʉ̀a Yěsô ngie, pi gÿo pɔ́ pú’u, ńdɔg ńgee mvfò.

1 Tesalonika 4:11

Pi kag tʉ̀, ńnéŋe té cÿɔ́g tsetsɛ̀ɛ pi, nyìŋ gẅi gɔɔn nò pɔ́ nà nò gie á ne ńdíe yé. Pi lɔg ntóŋ mbwó mí éfa’ tá ńjÿó pá’ peg la gɔɔn ngie pi gÿo la,

1 Timote 4:10

Yɔɔn áa mmó gie á gÿo peg fa’a fà’ Ssé tà ńtéŋe zì’i, ḿma’a ncù. Peg fa’a, ńne ńzẅí’te kɔ̀ɔkɔ́ɔ pɔ́ mbwo Ssé gie ee ntentʉ́. Yé zɔ̌ gÿo pá’ pʉ̀a mesoŋ ntsèm ge tsẅɛ́, tá nyìŋ ké ńgwɔ́ tsẅɛ́, éfó pɔ́ ná pá’ à záb ntʉ́m ná Yěsô.

Heber 12:28

Pá’ pege ge lá’ gwɔ́ tsɛ̀ɛ nò lefùɔ sie à lɔɔn ńgwɔ́ tsɔ́ mmó le nʉ’te é zóŋe wɔ́ la, pege síe Ssé, éfa’a mbwo yé nà ntí gie à ne ńkwoŋo, ńná nnɛ́ ssé, ḿbɔ́gɔ yé.

Heber 4:11

Pú’u la, pege kag tʉ̀, ńkúu tsɛ̀ɛ yɛ̌ sẅétè, pege gÿo nà ntí gie à tsɔ̌ tà’ nyìŋ ná pege à tě ge tʉʉ twó pá’ metá pégè, ésɔ́ɔn wɔ́.

2 Piɛ 3:14

Meshǔ pɔ́ɔn pe tʉ̀ nzẅìŋ, áa mmó gie á gÿo, pi gwɔ́ zẅí’te yɛ̌ lyɛ’ɛ́ lá’, ńkàg tʉ̀ ńnéŋe té *lɔ̌’. Pi légÿo tsɔ́ mmó gie Ssé ge kaga gẅi mǒ wɔ́, pia pɔ̌ piŋ ńgwɔ́ tè cÿɔ́g.