2 Korento 5:4 - Nouveau Testament en Ngienboum

⁴ á nue áa fʉ̀’ gie pege nyé tsɛ̀ɛ wɔɔn ntàb, menò ne sẅɛɛ wégè, pege lʉa. Áa nénʉ́ ngie pege tè ne ńkwoŋo ngie mé fó ná pege ńkẅile yɔɔn mbùm nnɛ́ wɔ́, pege fa’a léma’ nzsǒ ye tÿǒ lepwó mǒ, légwɔ́ gie mbùm gie e té kwé ge mi mbùm gie é gẅiin lekwé.

2 Korento 5:4 ပူးပေါင်းရင်းမြစ်များ

2 Korento 5:2

Áa mmó gie á gÿo pege ee fʉ̀’ɔɔn ne ńdʉa, ńtsɔ́ɔn légwɔ́ tsɛ̀ɛ ndá yege yé tÿǒ lepwó, á légwɔ́ tsoló pá’ nyìŋ gẅie aa tsɛ̀ɛ nzsǒ sẅé gie à ma’ la.

2 Piɛ 1:13

Tá’ mèŋ n kwǎŋ ngie à fʉ̀’ gie mèŋ n nyé ntentʉ́ lɔɔn, mèŋ n ge ké ne kímte gẅi mɔɔn menò kimté, é lɔgɔ zyeen gẅí.

Roma 8:23

Eshúm ŋwɛ́ zɔ̌ té ńtsẅii gílé pɔ́b wɔ́. Pege yégè pie Ssé la lɔgɔ Zẅìge yé ńgÿo pege gẅiin ntwó mmó nà shúm sie à la ka’a léná né pege, pege yégè giŋé ńgwɔ́ tsɛ̀ɛ ntʉ́m pege ńtsẅii pɔ́ pú’u, ńne ńzẅí’te lyɛ̌’ gie Ssé ge lɔgɔ wégè gÿo púɔ pé ndà’ ndà’, pege gẅiin mbùm yé sẅé, ńtsẅɛ́ ngɔ́’.

1 Korento 15:51

Pi cʉ́’ mèŋ shwóŋó gẅi tsɔ́ nò gie á la zɔɔn ńgwɔ́ pɔ́ lelyěen, pege metsèm tè lá’ pú kwé wɔ́, tá’ pege metsèm ge lá’ pú gẅiin tsɔ̌ mbùm ye sẅé,

2 Korento 5:3

Yɛ̌ mbùm nnɛ́ lɔɔn ńkábte wégè, pege le gíŋ ńgwɔ́ mvfò Ssé ńgwɔ́ pàtè ma’ nzsǒ wɔ,