2 Korento 4:4 - Nouveau Testament en Ngienboum

⁴ ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

2 Korento 4:4 ပူးပေါင်းရင်းမြစ်များ

Matio 13:22

Mbyè mmó gie e gwě tsɛ̀ɛ megǐ tepòŋ, lɔgɔ ńgwɔ́ pʉ̀a pie é jú’u shwóŋò Ssé, ńgÿo ńzye lémÿɔg menò njÿó, ńzye lézáb ntʉ́m wɔ́b nà nkáb. Sɛ̌ shúm gÿo shwóŋò Ssé maga ntʉ́m pɔ́b té zém ntɔ̌ɔn.

Ŋwà’ne Jâŋ 1:14

Ashwóŋè la cʉ́’ʉ nyìŋ mesoŋ, ńtó ńtsẅé tsetsɛ̀ɛ pege, pege gyá legú’ we, á gwɔ́ legú’ Múɔ wémɔ’ɔ́ gẅie à fóo lejʉ́ŋ Tá, ḿbú ńgẅiin poŋo ntʉ́m, ńnyɛ pɔ́ nò nénʉ́.

Ŋwà’ne Jâŋ 1:18

Atsɔ̌ nyìŋ laa Ssé gyá, tà ndà’ Múɔ wémɔ’ɔ́ gẅie aa Ssé ńgwɔ́ léjʉ́ŋ Tá, à la gÿo mé zsé yé.

Ŋwà’ne Jâŋ 12:31

Afʉ̀’ kǔ’ pá’ e Ssé ge ŋag yɔɔn njÿó. Á fʉ̀’ gie Ssé ge kẅile mûɔ ntɔ́’ yɔɔn njÿó, é náa yé pǐ.

Ŋwà’ne Jâŋ 12:35

Yěsô tsɔ́’ɔ mbwo pɔ́b ngie: Akyɛ̀’ té ge gíŋe gwɔ́ tsetsɛ̀ɛ pi tà ntyě sag wɔ́. Akyɛ̀’ nyé ssé, pi giŋ, ḿbɔ́g nzěm lékẅɛ́te gẅí. Á nue nyìŋ ne ńgiŋe tsɛ̀ɛ nzěm, á le zsé jʉ’ gie à gee né wó wɔ́.

Ŋwà’ne Jâŋ 12:40

«E Ssé kéen ńgÿo menÿɔ́g mɔ́b fʉ. À kéen ńjÿɔ́’ legyè sɔ́b, légwɔ́ gie pɔ́ té lɔg menÿɔ́g gyá jʉ’ wɔ́, pɔ́ le lɔg legyè sɔ́b ńzsé nò wɔ́; à cʉa pú’u, pɔ́ le kúbe mà wɔb à gÿo pɔ́ zeŋe wɔ́».

Ŋwà’ne Jâŋ 12:45

Nyìŋ gẅie à gyǎ wɔ̀ɔn, à giŋé ńgyá nyìŋ gẅie à la túmo wɔ̀ɔn.

Ŋwà’ne Jâŋ 14:30

Tà fó fʉ̀’ɔɔn pege tè gíŋe ńgee shwóŋe wɔ́. Á nue fùɔ gẅie à sá’a yɔɔn njÿó ne ńtóo. À tè gẅiin shÿó légÿo mmó ná mèŋ wɔ́.

Ŋwà’ne Jâŋ 15:24

Mèŋ n daa pé’e ńké tè gÿo mefà’ mie tsɔ̌ nyìŋ laa zɔɔn ńgÿo tsetsɛ̀ɛ pɔ́b wɔ́ wɔ́, mbà pɔ́ té menò tepòŋ gẅiin. Tá á nà fʉ̀’ɔɔn gie pɔ́ gyá la, pɔ́ ké ńgíŋe ńně ḿbʉa wɔ̀ɔn pʉa mbɔɔ Tá wɔ̀ɔn.

Ŋwà’ne Jâŋ 16:11

Pɔ́ zsé ngie Ssé ge lá’ ŋaga wɔ́b, mélà’mie fùɔ gẅie à sá’a yɔɔn njÿó kéen ńgwe ntsaŋ.

Ŋwà’ne Jâŋ 8:12

Yěsô gíŋe ńzye lézí’i mmó mbwo lá’, ńgɔɔn ngie: Akyɛ̀’ gie á kyɛ’ɛ jʉ’ náa né pʉ̀a mesoŋ tsɛ̀ɛ njÿó á gwɔ́ pɔ́ mèŋ. Nyìŋ lɔɔn ńcʉ́me nzèm mèŋ, mbà ngàŋ tě ńdá’a ńgiŋe tsɛ̀ɛ nzěm wɔ́. Mbà à gẅǐin kyɛ̀’ gie áa kyɛ̀’ɛ mánzsè kwà’ le gwɔ́.

Megàŋ ntúm 26:18

Mèŋ n túmo gú pú’u, ɔ̀ gʉa ńnyɛ́’ nÿɔ́g mɔ́b, ńgÿo pɔ́ fó tsɛ̀ɛ nzěm ńkẅɛ, ńkúu nà jʉ’ gie á ne fɔ́gɔ. Á lɔgɔ ńgwɔ́ ngie ɔ̀ ge gÿo gÿo pɔ́ fó nà mbwó Sátà ńkẅɛ, ḿbiŋe nà mbwó Ssé, é záb ntʉ́m wɔ́b ná mèŋ, e Ssé lege menò tepòŋ mɔ́b ńnáa mbwó pɔ́b, é piŋ náa yɔ́b jʉ’ á tsetsɛ̀ɛ pʉ̀a pé.

Megàŋ ntúm 26:23

Mé la gɔɔn ngie, *Nzà’nkÿo pù’ ge gÿo tó, é gyá ngɔ́’, ńgie yé zɔ ge gÿo gwɔ́ ndùŋ mvfò nyìŋ lézíme ná legwé, ńgie yé zɔ ge gÿo gɔɔn shwóŋè gie á ge kyɛ’ pà Yuda mbɔɔ pʉ̀a pie pɔ́ té pà Yuda wɔ́, pɔ́ tsẅɛ́.

1 Korento 10:20

Ngǎŋ! É té wó wɔ́. Mèŋ n gɔɔn pɔ́ ngie pʉ̀a pie é té Ssé zsé gwá’a pwɔ́’ pɔ́ mbwo *messé tepòŋ. Pɔ́ téen ńnuŋe pwɔ́’ mbwo Ssé wɔ́. Mèŋ n te ne ńkwoŋo ngie pi lâ *messé tepòŋ temte wɔ́.

2 Korento 2:11

ńzsé ngie pege tè nyé Sátà à cʉa wégè wɔ́, á nue pege tè ne ḿmoŋe mmó gie aa nzèm pege é fa’a wɔ́.

2 Korento 2:12

Á gʉa nà wɔɔn legìŋ ŋwɛ́, mbà mèŋ n da kúu tÿǒsoŋo Toras létsẅi Nkʉ̀ Mbòŋo Kristo wó, Cʉ̀apʉ̀a tsɛ ńtsɔ́’ɔ mánzsè mbwo mèŋ léfa’a fà’ yé,

2 Korento 3:11

Á zɔɔn ńgwɔ́ gie ammó gie á lɔ́ɔn tè lá’a zɔ́gɔ é gwɔ́ pɔ́ wó wɔ́, á la gẅiin we shʉ́shÿɔ́g, mbà mmó gie á ge lá’a zɔ́gɔ gwɔ́ pɔ́ wó, ge ké gẅiin shʉ́shÿɔ́g é cʉa yɛ̌.

2 Korento 3:14

Tá’, á la zɔɔn ńgwaa wɔ́, mbà legyè sɔ́b léen ńjÿɔ́’ɔ, é léen ńjÿɔ́’ɔ jÿɔ́’ɔ tà ńkú lyɛ̌’ɔɔn, á nue pɔ́ gwɔ́ tóŋo ŋwà’ne Nzẅìŋe *Kʉ̀a, nkǔɔ yá yɛ̌ nyé ńgwɔ́ pɔ́ wó, é nyé ńgwɔ́ pɔ́ wó, mélà’mie nyìŋ lɔɔn ńnyé té la nnɛ́ ná Kristo, yɛ̌ nkǔɔ nyé ńgwɔ́ pɔ́ wó.

2 Korento 3:18

Pege metsèm tè gíŋe ńgẅiin tsɔ̌ nkǔɔ ná shÿó wégè wɔ́, shʉ́shÿɔ́g Cʉ̀apʉ̀a ne ńtéme ná pege ḿbiŋe nzèm pá’ kyɛ̀’ gie á téme ná gyá shÿó la. Cʉ̀apʉ̀a gẅie à gwɔ́ pɔ́ Zẅìge, à ne ńgÿo pege kúbe ntí, ńgÿo pege sẅé yé, shʉ́shÿɔ́g gẅie aa ná pege, piŋ ne ńkẅi’i kẅi’i.

2 Korento 4:6

á nue e Ssé gẅie à la gɔɔn ngie: «Á poŋ ngie akyɛ̀’ kyɛ’ nzěm», yé lê twó yé kéen ńtó ńkyɛ’ɛ tsɛ̀ɛ mentʉ́m még, légÿo peg zsé pá’ shʉ́shÿɔ́g we aa pú’u, á shʉ́shÿɔ́g gẅie mé ne ńgyá ná shÿó Kristo.

Galatia 1:4

Pi ne ńzsé ngie Kristo yé máŋwɛ́ la náa twó yé nà menò tepòŋ mégè lélɔg sẅɛ’ ndòon yege, pú’u léfó mbwo yɔɔn kème njÿó gie á té poŋ ńkẅile wégè. Mɔɔn menò gwɔ́ pɔ́ pá’ Tá wege Ssé la záb.

Efeso 2:2

Pi laa fʉ̀’o ńně ńgÿo pɔ́ yɛ̌ ntí menò. Pi la ne ńgiŋe pá’ pʉ̀a pie ée tsɛ̀ɛ yɔɔn njÿó ne ńgiŋe pú’u, ńně ńjú’u ncwò fùɔ *messé tepòŋ gwie à sá’a *messé tepòŋ mie ée tÿǒ tsɛ̀ɛ fÿág. Yé zɔ aa fʉ̀’ɔɔn ńne ńtsóte pʉ̀a pie pɔ́ lʉ’ʉ lé jú’ ncwò Ssé, pɔ́ ne ńgÿo menò tepòŋ.

Efeso 6:12

á nue pege tě ńgee ńdÿɔ́’ pʉ̀a mesoŋ wɔ́. Pege gee pɔ́ ńdÿɔ́’ mezẅìge tepòŋ mie ée tàa tÿǒ, é lÿɔ́’ metándá pɔ́b, é gíŋe lÿɔ́’ shúm sie ée tàa tÿǒ ńgẅiin metʉ̀, lâ púɔ ntɔ́’ nzěm pie pɔ́ sá’a yɔɔn njÿó.

Filipo 2:6

À la tè lɔg pá’ à gwɔ́ pɔ́ Ssé tà ḿmag, ńcʉŋe nà légwɔ́ gie pɔ́ Ssé ge ké ńnéŋe pɔ́ tà’a jʉ’ wɔ́.

Kolosia 1:15

Mé té gyá Ssé wɔ́, tá Miŋ we gẅie mé lǎ gyá yé à gwɔ́ pɔ́ Ssé tà ḿmag. Yé zɔ tyé twó mvfò ná kɔ̀ɔkɔ́ɔ gie e Ssé la pwóon.

Kolosia 1:27

Á nue e Ssé ka gyǎ ngie à ge gÿo pʉ̀a pé zsé mmó gie á la zɔɔn ńdyeen menÿɔ́g pʉ̀a lyeen, ńgwɔ́ gie à la ka’a légÿo ná metúmo metúm, yɛ̌ mmó gẅiin fù’, ḿbiŋ ḿboŋ tɛ’. Yɛ̌ ntsem gwɔ́ ngie pi zsé ngie Kristo aa tsɛ̀ɛ ntʉ́m gẅí, ńne ńgÿo pi zẅí’te fʉ̀’ gie pi ge lá’ kúu tsɛ̀ɛ legú’ Ssé.

1 Timote 1:11

Yɛ̌ nò gie mé zí’i wégè, áa tsɛ̀ɛ nkʉ̀ mbòŋo gẅie pege fó mǒ ńzsé shʉ́shÿɔ́g Ssé. Yé Ssé gẅie à ne ńkwoŋo pɔ́ nò mbòŋo ná pege léen ńcʉ́me wɛ̌ nkʉ̀ mbòŋo mbwo mèŋ.

Titus 2:13

Á gíŋe ńgwɔ́ mbɔɔ pá’ pege ne ńzwí’te máa maa lyɛ’ɛ́ lá’ gie Yěsô Kristo ge lá’ nyɛɛ legú’ we. Yé zɔɔ Ssé yege yé lÿò, à gÿo pege tsẅɛ́ɛ.

Heber 1:3

Mé fó pɔ́ ná múɔ wɔ̀ɔn tá ńgyá pá’ legú’ Ssé aa tè laa yé pú’u. Á lɔɔn ńgwɔ́ gie e Ssé aa lêkɔ́ wɔ́, mbà míŋ we giŋé ńgwɔ́ yé kwà’ pú’u. Á yé gẅie à lɔg pɔ́ metʉ̀ mie ée nà shwóŋè yé, ńtóonte kɔ̀ɔkɔ́ɔ gie áa tsɛ̀ɛ njÿó ntsèm. À la gwɔ́ tà ńgÿo mmó gie e Ssé ne fóo mǒ ńdege menò tepòŋ pʉ̀a mesoŋ tà á mag, á gʉa nê tÿǒ lepwó, ńnéŋe nà gwoŋó pwó Ssé ye tʉ̀, yé Ssé gẅie à pǔ sá’a kɔ̀ɔkɔ́ɔ.

Heber 6:4

Mé gẅiin lényé nue pʉ̀a pie e Ssé gÿo, pɔ́ gyá jʉ’ʉ fɔ̌g, ńgÿo ńtém nzèm Ssé, á tʉ pá’ à lɔɔn ńgwɔ́ nyìŋ shwóŋó wɔ́b nò tà pɔ́ gíŋe ḿbiŋe mbwo Ssé. Mé gɔɔn pʉ̀a pá’ pie pɔ́ la zẅí’i mmó gie e Ssé fǒ tÿǒ lepwó ńná pɔ́ sẅɛ̀ɛ sẅɛ̀ɛ. E Ssé náa Zẅìge Ndʉalʉ̌a né pɔ́b, pɔ́ zẅí’i shwóŋè Ssé tà ńjú’ pá’ á poŋ pú’u, ńgíŋ ńzsé mbɔɔ pá’ metʉ̀ mie é ge lá’ tá tó ée pú’u. Pɔ́ lɔɔn ńkÿo Ssé, mbà á tʉ pá’ à lɔɔn ńgwɔ́ mé gÿo tà pɔ́ gíŋe ḿbiŋe mbwo Ssé, mélà’mie pɔ́ lɔgɔ légÿo pú’u, ńgíŋe ńkíme Míŋ Ssé nà tÿǒ nkǐ, ńtsɔ́’ɔ yé ńtÿɔ́g mé zoonte yé.

2 Piɛ 1:19

Á té ndà’ pú’u wɔ́ pege giŋé ńgẅiin shwóŋè pà *ntsẅì nkʉ̀ Ssé gie à lɔɔn ńgwɔ́ mé le jú’ ḿmʉ’te wɔ́. Á póŋ ngie pi cwòŋo ńjú’u yɛ̌ shwóŋè. Áa pá’ lâm gẅie à kyɛ’ɛ jʉ’ gie á ne síŋe. Pi cwoŋo ne ńjú’u ńdɔg ńzẅí’te lyɛ̌’ gie Yěsô ge lá’ gíŋ tó. Pá’ cÿɔ́’ saŋ gẅie à kwɔ̌’, njÿó gwóon ńdʉ́a. À ge tó kyɛ’ jʉ’ mbwo mentʉ́m mi.

1 Jâŋ 2:11

Tá nyìŋ gẅie à pʉa fɛ́ we, aa nyìŋ gẅie ngÿǒ menò ée me tsɛ̀ɛ nzěm, á giŋe tsɛ̀ɛ nzěm, ńké tè ne ńzsé jʉ’ gie à gee né wó wɔ́, mélà’mie nzěm léen ńgÿo á fʉ̀.

1 Jâŋ 2:8

Tà mbɔɔ pú’u, *lepʉ̌ sie mèŋ n ŋwe’e ńnáa né pi, ée pá’ɔɔn, ńké ngwɔ́ se sẅé, ée se sẅé ńcʉa nà mmó gie mé ne ńgyá ná Kristo mbɔɔ ná pi gí. Pi zɔɔn ńgyá pá’ nzěm ne ḿmaga, tà mbà kwà’ kyɛ̀’ zyě lékyɛ’ jʉ’.

1 Jâŋ 5:19

Pege ne ńzsé ngie pege ee púɔ Ssé, tá’ ngwòŋ njÿó ntsèm pǔ ńjú’u pɔ́ mbwo nyìŋ tepòŋ.