2 Korento 4:3 - Nouveau Testament en Ngienboum

³ Á lɔɔn ḿbiŋ ńgwɔ́ gie Nkʉ̀ Mbòŋo gẅie peg tsẅii, ée mbwo tsɔ́ pʉ̀a ńnyé pɔ́ tsɛ̀ɛ nkǔɔ, mbà nkǔɔ pwoon pú’u, pɔ́ mbwo pʉ̀a pie pɔ́ ne ńkÿo Ssé ńgee ḿbyé pyé,

2 Korento 4:3 ပူးပေါင်းရင်းမြစ်များ

Matio 11:25

Yěsô gÿo ńgɔɔn ngie: Tá wɔ̀ɔn, Cʉ̀apʉ̀a, gù gẅie ɔ̀ sá’a tÿǒ lepwó mbɔɔ tsetsá’, mèŋ sǐe gú pá’ ɔ̀ keen ńnyɛ mɔɔn menò á mbwó mecʉ̀cʉ̀ŋ, ńdÿoon mbwó mengye pâ pʉ̀a pie é la zí’i.

Roma 2:16

Wɔɔn aa pá’ Nkʉ̀ Mbòŋo nò Ssé gẅie mèŋ n da’te ńgɔɔn pá’ e Ssé ge lá’ zá’ ntsaŋ wɔ̌wɔ́ɔ. Á ge lá’ gwɔ́ yɛ̌ lyɛ̌’, e Ssé tsẅii mbwo Yěsô Kristo, à ŋág pʉ̀a nà kɔ̀ɔkɔ́ɔ wɔ́ gie áa lelyěen tsɛ̀ɛ ntʉ́m pɔ́b.

1 Korento 1:18

Mé zɔ́ɔn ńgɔɔn nò nà legwé Kristo nà tÿǒ nkǐ á gwɔ́ mbwo pʉ̀a pie pɔ́ ée nà mánzsè lepyé ńgwɔ́ pɔ́ nò ngàŋ lejÿɔ́g, tá ńké ńgʉa nà pege pie pege ee nà mánzsè letsẅɛ́, yɛ̌ nò gwɔ́ mbwó pege ńda’te pɔ́ metʉ̀ Ssé.

1 Korento 2:6

Peg pìŋ ńké ńgʉa ná pʉ̀a Kristo pie pɔ́ cÿɔgté nà lezǎb ntʉ́m nà Ssé, ńzí’i wɔ́b zsé nò. Tá yɛ̌ zsé nò ké tè zsé nò yɔɔn njÿó wɔ́, ńké tè zsé nò gie á fóo mbwo shúm tepòŋ sie é sá’a yɔɔn njÿó, ńgwɔ́ sie mé ge gÿo pyág wɔ́.

2 Korento 2:12

Á gʉa nà wɔɔn legìŋ ŋwɛ́, mbà mèŋ n da kúu tÿǒsoŋo Toras létsẅi Nkʉ̀ Mbòŋo Kristo wó, Cʉ̀apʉ̀a tsɛ ńtsɔ́’ɔ mánzsè mbwo mèŋ léfa’a fà’ yé,

2 Korento 3:14

Tá’, á la zɔɔn ńgwaa wɔ́, mbà legyè sɔ́b léen ńjÿɔ́’ɔ, é léen ńjÿɔ́’ɔ jÿɔ́’ɔ tà ńkú lyɛ̌’ɔɔn, á nue pɔ́ gwɔ́ tóŋo ŋwà’ne Nzẅìŋe *Kʉ̀a, nkǔɔ yá yɛ̌ nyé ńgwɔ́ pɔ́ wó, é nyé ńgwɔ́ pɔ́ wó, mélà’mie nyìŋ lɔɔn ńnyé té la nnɛ́ ná Kristo, yɛ̌ nkǔɔ nyé ńgwɔ́ pɔ́ wó.

2 Korento 4:4

ée pà jú’u nò Ssé té záb ntʉ́m mǒ, pie e ssé yé yɔɔn njÿó kéen ńjÿɔ́’ legyè sɔ́b ńdɔg ńtɔ́’ɔ wɔ́b légyá kyɛ̀’ gie á fóo ná nkʉ̀ mbòŋo, pú’u, pɔ́ té zsé pá’ shʉ́shÿɔ́g Kristo aa pú’u wɔ́. Yé Kristo aa pá’ e Ssé gwɔ̌.

1 Tesalonika 1:5

Á nue peg ka tè lɔg pɔ́ shwóŋè ndà’ ńtsẅi nkʉ̀ mbòŋo lá’ pi wɔ́, peg ka lɔg pɔ́ metʉ̀ Zẅìge Ndʉalʉ̌a, ḿbiŋ ne ńcwoŋo ńzsé ngie Nkʉ̀ gẅie peg kɔ̌ɔn ńtsẅii kaa nénʉ́, pi ne ńzsé mmó gie peg la gÿo fʉ̀’ gie peg laa tsetsɛ̀ɛ pi, á la gwɔ́ pɔ́ lélɔg ńkẅéte gẅí.

1 Timote 1:11

Yɛ̌ nò gie mé zí’i wégè, áa tsɛ̀ɛ nkʉ̀ mbòŋo gẅie pege fó mǒ ńzsé shʉ́shÿɔ́g Ssé. Yé Ssé gẅie à ne ńkwoŋo pɔ́ nò mbòŋo ná pege léen ńcʉ́me wɛ̌ nkʉ̀ mbòŋo mbwo mèŋ.