2 Korento 4:2 - Nouveau Testament en Ngienboum

² Peg tè nà mentí lɔg fa’a fà’ mie ée me ntsèm, ńgíŋ ńgwɔ́ me shʉ́ wɔ́, atsɔ̌ nkÿonkÿo tè ná kwò legiŋ yég wɔ́, peg piŋ ńké tè ne ńdɔgɔ tsɔ́ menò ḿvoŋo shwóŋè Ssé wɔ́, tà ńcʉ́’ pú’u, peg lɔg pá’ peg ee mvfò Ssé ńdá’te pɔ́ nò nénʉ́ á mbwo pʉ̀a mesoŋ, tà ńgwɔ́ gie à lɔɔn ńgwɔ́ nyìŋ léla’a wég ná tsɔ́ nò wɔ́.

2 Korento 4:2 ပူးပေါင်းရင်းမြစ်များ

Roma 1:16

Ńgwɔ́ eshʉ́ lékúu wɔ̀ɔn á létsẅi nkʉ̀ mbòŋo wɔ́, ée metʉ̀ mie e Ssé lɔgɔ ńgÿo pʉ̀a pie é záb ntʉ́m nà yé tsẅɛ́ɛ. À zye nà pà Yuda ńkúu ná pʉ̀a pie é té pà Yuda wɔ́.

Roma 6:21

Pi la jÿó kɔ́ pì ná yɛ̌ ntí mefà’? Pi ee fʉ̀’ɔɔn ńcʉ́’ ńkwaŋ mɛ̌ mefà’ éshʉ́ kúu gẅi mǒ kú, mélà’mie é gwaa mag ńná pɔ́ legwé.

1 Korento 4:5

N dɔgɔ pú’u, shwóŋó gẅi ngie tà pi tʉ́ njÿó ńgɔɔn nò nà fà’a nyìŋ té gwɔ́ gie fʉ̀’ kǔ’. Té gwɔ́ gie Cʉ̀apʉ̀a tǒ. Yé zɔ ge gÿo kyɛ’ɛ kɔ̀ɔkɔ́ɔ wɔ́ gie áa tsɛ̀ɛ nzěm. À ge gÿo gÿo mé gyá ménkwaŋá mie ée tsɛ̀ɛ mentʉ́m pʉ̀a. E Ssé lêen ńké ńná ngɔ́ɔnte ye wɔ̌wɔ́ɔ nà ntí gie á ne ńzɛ́te ngie ngàŋ gẅiin.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 11:3

Tá’ n kě ḿbɔ́gɔ pɔ́ ngie, à lɔɔn ńgwɔ́ tsɔ̌ nyìŋ cʉŋte twó gí pá’ nnú la pá’ legyè, éfʉte Eva, pi le gíŋe ńgwɔ́ pʉ̀a pie pɔ́ gwɔ gɔɔn ngie pɔ́ zsé yɔ́b pɔ́ ndà’ nò Kristo ńgɔɔn shwóŋó nò wɔ́.

2 Korento 11:6

Ndyɛ̌’ áa nò ngie mèŋ m bubte pubte tá’, ńgʉa nà le zsé nò Ssé, atsɔ́ *lɔ̌’ té kẅɛ. Peg léen ńnyɛɛ wɛ̌ le gwɔ́ mbwo pi á nà mentí tà ńgyɔ́ɔn, ngwòŋ fʉ̀’ ntsèm gẅie á la ná shÿó.

2 Korento 2:17

Tá’ peg tè pá’ tsɔ́ pʉ̀a tà ńgyɔ́ɔn pie pɔ́ lɔgɔ shwóŋè Ssé ńgÿo sɔ́b shúm metʉ̌a wɔ́, peg shwóŋ yég pɔ́ lê ntʉ́m Ndʉalʉ̌a, ńgwɔ́ pɔ́ pʉ̀a pie e Ssé ka tǔm. Peg gwɔ́ shwóŋ e Ssé ne ńgyá wég peg piŋ ńda nnɛ́ ná Kristo.

2 Korento 5:11

Pá’ peg ne ńzsé mmó gie mé tóŋo lê lepɔgɔ́ Cʉ̀apʉ̀a la, peg neŋé fa’ pɔ́ shÿó, ńgÿo pʉ̀a cwoŋo ńzsé pʉ̀a pie peg ee pɛ̌. E Ssé ne ńcwoŋo ńzsé pʉ̀a pie peg ee pɛ̌, mèŋ m biŋ ne ńkwaŋa ngie pi ee tsɛ̀ɛ ntʉ́m gẅi ne ńcwoŋo ńzsé gí pʉ̀a pie peg ee pɛ̌.

2 Korento 6:8

Etsɔ́ pʉ̀a ne ńgwaa náa mekù’ még, petsɔ́ ne ńtéme shʉ́ ná peg. Etsɔ́ gwaa gɔ’te mmó gie peg ne ńgÿo, petsɔ́ ne ńzoon wég zoon. Mé ne ńdɔgɔ wég ńgÿo megàŋa cÿɔ̌ nò, tá peg ké ne shwóŋó pɔ́ nò nénʉ́.

2 Korento 7:14

Á gwaa gwɔ́, mbà mèŋ n ka tyé mvfò Titus ńná’a ńdɔgɔ nò gí ńka’te. À piŋ fó lá’ pi, eshʉ́ ké té wɔ̀ɔn kú. Ammó gie peg kɔ̌ɔn ńdɔgɔ nò gí ńka’te mvfò Titus mǒ, á ka piŋ ńkẅɛ ńgwɔ́ pɔ́ nò nénʉ́, ndʉŋ ndʉŋ pá’ peg ee ńzɔ́gɔ shwóŋó gẅi pɔ́ nò nénʉ́.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Efeso 5:12

Menò mie pʉ̀a ŋwɛ́ gÿo tsɛ̀ɛ nzěm, ée menò shʉ́, ńzɔɔn tè mie ńgwɔ́ nyìŋ kím mbàa kǐm wɔ́.