2 Korento 3:3 - Nouveau Testament en Ngienboum

³ ńgwɔ́ mé lɔg pɔ́ nÿɔ́g ńgyá ngie pi ee ŋwà’ne gie Kristo la ŋwe’e, ńtúmo wég peg tó ńná. À la tè lɔg pɔ́ nkwòŋ ŋwà’ne tá ńŋwe’e yɛ̌ ŋwà’ne wɔ́, à la gwɔ́ ŋwe’e, ńcʉa pɔ́ nà Zẅìge Ssé, yé Ssé gẅie aa wó, ńgwɔ́ ntentʉ́. À la tè ŋwe’e nà metǎfelé tóon wɔ́, à la ŋwe’e pɔ́ nà ntʉ́m pʉ̀a mesoŋ.

2 Korento 3:3 ပူးပေါင်းရင်းမြစ်များ

Matio 16:16

Símo Piɛ tsɔ́’ ngie: Ɔ̀ɔ *Nzà’nkÿo, Míŋ Ssé gie ee wó.

1 Korento 3:5

Apolos aa pá’ɔɔn ńgwɔ́ wɔ́? Pɔl gwɔ́ wɔ̌? Tá pi gɔɔn pú’u? Peg ye gwɔ̌ pɔ́ pafa’a fà’ Ssé pie pi la zẅɛ́’ɛ wég tá ńzáb ntʉ́m ná Yěsô Kristo. Awɔ̌wɔ́ɔ ná peg yé gÿo pɔ́ mmó gie Cʉ̀apʉ̀a la ná shÿó ngie à gÿo.

2 Korento 3:6

Yé zɔ ka gÿo peg ku’u légwɔ́ pafa’a fà’, á nà *kʉ̀a ye sẅé. Yɛ̌ *kʉ̀a á té fóo pɔ́ nà *lepʉ̌ sie mé la ŋwe’e wɔ́, á fóo pɔ́ nà Zẅìge Ssé. *Lepʉ̌ sie mé la ŋwe’e, é gyó nyìŋ kwé kwě, a Zẅìge gÿo nyìŋ gwɔ́ pɔ́ wó.

2 Korento 3:7

Pi giŋé ne ńzsé gí pá’ nò *lepʉ̌ á laa pú’u. Mé la ŋwe’e nà tǎfelé tóon, é gÿo mé kwé kwě. Tá’ mbɔɔ pú’u, afà’ ná nò *lepʉ̌ ŋwɛ́, gẅiin máamáa shʉ́shÿɔ́g, tà pʉ̀a Israel é té fʉ̀’ʉ lélíe wɛ̌ shʉ́shÿɔ́g nà shÿó Mǒsê wɔ́, mbɔɔ pá’ à lɔ̌ɔn tě ńnéŋe wɔ́.

2 Korento 6:16

Ńgwɔ́ mé lɔgɔ jʉ’e Ssé pɔ́ shúm sie mé gu’te ngie ee messé ńdɔg ńtóŋo tà’a mmó lêkɔ́? Pege pɔɔn zɔ zɔɔn ńgwɔ́ jʉ’e Ssé gẅie aa ńgwɔ́ pɔ́ wó, pá’ kwà’ yé la gɔɔn ngie: Mèŋ n ge gÿo cʉ́’ʉ ńnéŋe pɔ́ tsetsɛ̀ɛ pɔ́b, é ne giŋe tsetsɛ̀ɛ pɔ́b. Mèŋ n ge gÿo gwɔ́ Ssé yɔ́b, pɔ́ gwɔ́ pʉ̀a pɔ́ɔn.

1 Tesalonika 1:9

Mé ńnéŋe shwóŋ ntí gie pi la lɔg ńkúe wég, á fʉ̀’ gie peg la tóo tsetsɛ̀ɛ pi, mbɔɔ ntí gie pi la lɔg ńtém nzèm shúm sie mé gu’te ngie ée messé, ésele nnɛ́ ńdíe Ssé ye nénʉ́, ńcʉ́’ʉ fa’a pɔ́ mbwo yé gẅie aa ntentʉ́.

Heber 10:16

Cʉ̀apʉ̀a gɔ̌ɔn ngie: Mɛ̌ melyɛ’ɛ́ lá’ ge lá’ gwɔ́ tà tɔ́g, À lii *kʉ̀a gie n ge lá’ gwaa tsetsɛ̀ɛ pega pɔ́, à yɔɔn, Mèŋ n ge lá’ gÿo letʉ́m sɔ́b tyé pɔ́ ná mbʉ̌ mɔ́ɔn. Mbɔɔ nkwaŋá wɔ́b tyé pɔ́ nà mbʉ̌ mɔ́ɔn

Heber 8:10

Tá *akʉ̀a gie mèŋ n ge gwaa tsetsɛ̀ɛ pega pʉ̀a Israel á yɔɔn. Yɛ̌ fʉ̀’ ge gÿo gwɔ́ tà tɔ́g, mèŋ Cʉ̀apʉ̀a zɔ gɔɔn Mèŋ n gÿo legyè sɔ́b ńnéŋe ńtyé pɔ́ nà mbʉ̌ mɔ́ɔn mbɔɔ ntʉ́m wɔ́b tyé pɔ́ mǒ Mèŋ n gwɔ́ Ssé yɔb pɔ́ gwɔ́ pʉ̀a pɔ́ɔn

Heber 9:14

Á lɔɔn ńgwɔ́ gie á laa pú’u, mbà ngʉ̀a shÿɔ́’ɔ ná pá’ metse Kristo ge gwɔ́? Á Kristo gẅie Zẅìge tèmì la gÿo, á lɔgɔ twó yé ńnuŋe pwɔ́’ gẅie *lɔ̌’ té mǒ wɔ́, á mvfò Ssé. Metse mé ge lá’ sɔg ncÿǒ mefà’ mie é náa pɔ́ legwé gẅie ée ná pege tà ntʉ́m wégè é le gíŋe ńŋaga wégè wɔ́, légwɔ́ gie pege ge fa’a mbwo Ssé gẅie aa ńgwɔ́ pɔ́ wó.

Ŋwà’ne Ngyà jʉ’ 2:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Efeso. Ŋwe’e ngie: Nyìŋ gẅie à gẅiin mecÿɔ́’ saŋ sɔɔn mbʉ́a nà lɔ̌ɔn pwó yé ye tʉ̀ la, yé gẅie à gwɔ giŋ, melâm sɔɔn mbʉ́a mie mé la lɔgɔ tʉ̌ gɔ̂l ńnyɛte é tÿɔ́’ɔ yé ńnéŋe soŋ la, à ne ńgɔɔn ngie:

Ŋwà’ne Ngyà jʉ’ 2:12

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Pɛrgame. Ŋwe’e ngie: Nyìŋ gẅie à gẅiin nně ncù yá gie e sẅité, ńgíŋ ńgwɔ́ mengʉ́ŋ mémbʉ́a la, à ne ńgɔɔn ngie:

Ŋwà’ne Ngyà jʉ’ 2:18

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Tiatire. Ŋwe’e ngie: Míŋ Ssé gẅie menÿɔ́g mé kyɛ’ɛ jʉ’ pá’ lʉ́me mmɔ̌g lá, mekwò mé gwɔ́ pá’ tʉ̌ nʉ̀ la, à ne ńgɔɔn ngie:

Ŋwà’ne Ngyà jʉ’ 2:8

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋ Smirne. Ŋwe’e ngie: Nyìŋ gẅie aa ndùŋ mvfò, ńgwɔ́ nzsònzèm, nyìŋ gẅie à la kwé ḿbiŋ ńgíŋ fóo lá’ mepfó, à ne ńgɔɔn ngie:

Ŋwà’ne Ngyà jʉ’ 3:1

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Sardɛ̀s. Ŋwe’e ngie: Nyìŋ gẅie à gẅiin Mezẅìge Ssé sɔɔn mbʉ́a mbɔɔ mecÿɔ́’ saŋ sɔɔn mbʉ́a la, à ne ńgɔɔn ngie: Mèŋ n ne ńzsé mefà’ mí, ńne ńzsé ngie mé gwaa gɔɔn ngie pi ee ntentʉ́, mbà pi léen ńkwé.

Ŋwà’ne Ngyà jʉ’ 3:14

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Laodisé. Ŋwe’e ngie: Nyìŋ gẅie lezíŋ sé ée lê *Amen, á gwɔ́ njÿò ńgyá we tè kubé shwóŋè, gẅie à gɔɔn nò gie áa nénʉ́, gẅie yé zɔ nzyeté nà kɔ̀ɔkɔ́ɔ gie e Ssé la nyɛte, à ne ńgɔɔn ngie:

Ŋwà’ne Ngyà jʉ’ 3:22

Nyiŋ lɔɔn ńgẅiin metuŋó, lélɔg ńjú’u nò, á jú’u nò gie Zẅìge Ssé ne ńgɔɔn mbwo mecú’tè pʉ̀a Kristo lɔɔn.

Ŋwà’ne Ngyà jʉ’ 3:7

Ŋwe’e menò mɔɔn, ńtúm ńnáa mbwo *cÿɔ́’ Ssé gẅie à líe cú’tè pʉ̀a Kristo gie áa tÿǒsoŋo Filadelfia. Ŋwe’e ngie: Nyìŋ gẅie à fóo lejʉ́ŋ Ssé, ńgwɔ́ shwóŋò nò nénʉ́, yé gẅie à ngẅiin kí fùɔ Ndavíd, yé gẅie à tsɔ́’ ncwò ndá nyìŋ tè ku’u léjÿɔ́’ wɔ́, ńjÿɔ́’ nyìŋ tè ku’u létsɔ́’ wɔ́, à ne ńgɔɔn ngie: