2 Korento 2:9 - Nouveau Testament en Ngienboum

⁹ Pi zsé ngie n ka gǐŋ ńgwaa ŋwe’e ŋwà’ne mbwo pi ńne fa’a lélʉŋte gẅi ńgyá, ka pi ku’u lé jú’ ncwò ná menò ntsèm wɔ́.

2 Korento 2:9 ပူးပေါင်းရင်းမြစ်များ

2 Korento 10:6

Pú’u la, pi kag tʉ̀, ńcʉ́’ʉ ńjú’u pɔ́ ndà’ ncwò Kristo ná kɔ̀ɔkɔ́ɔ, ńne ńzsé ngie nyìŋ lɔɔn ńké ńtʉʉ twó tʉ, ńgwɔ́ pɔ́ wɔ̌ wɔ́, mbà peg tyé lénéŋ ngɔ́’ twó yé.

2 Korento 2:3

Áa mmó gie á ka gÿo n ŋwe’e pɔ́ ŋwà’ne ńnáa mbwo pi, á nà ntí gie n ka ŋwe’e la, n ka tè ne ńkwoŋo lé lêen tóo lá’ pi, ńgyá pʉ̀a pɔ́ gÿo mèŋ n gẅiin lémÿɔg tá mbà pɔ́ kɔ’ɔ́ gÿo ntʉ́m wɔ̀ɔn kág kág wɔ́. N ne ńzsé mboŋó ngie n dɔɔn ne ńkága, mbà pi ge kág gí.

2 Korento 2:4

N ka gwɔ́ ŋwe’e ŋwà’ne ŋwɛ́, ńdɔg pɔ́ ntse nÿɔ́g, letʉ́m sɔ́ɔn ne ńgyáŋa tɛ’, mbùm yɔɔn ne ńtsyɛte, tá mèŋ n kɔ̌ɔn ńké tě ńŋwe’e ńdɔgɔ ńgÿo ngie pi mÿɔg wɔ́. Mèŋ n kɔ̌ɔn ńŋwe’e pú’u, pɔ́ lélɔg ńnyɛɛ gẅi máamáa nkwòŋe gie n gẅiin nzèm pi.

2 Korento 2:8

Pú’u la, mèŋ n ne ńtsɔ́ɔn ngie pi gÿo nà ntí gie à ge zsé ngie pi nyě ńkwoŋo yé kwoŋ.

2 Korento 8:2

Ngʉ̀ngʉ̀ mentí mentí ne ńkúu pʉ̀a Kristo wó tá’, ntʉ́m wɔ́b ne ńkága kǎg tɛ’. Pɔ́ tsɛ ńgwɔ́ pɔ́ mepóŋ tɛ’ tá’, ńgẅiin ntʉ́m mbòŋo lénáa mmó tà á gyɔ́ɔn gyɔ̌ɔn.

2 Korento 8:24

Pâ pɔ́ lɔɔn ńtó, pi gÿo tà pɔ́ zsé ngie pi ne ńkwoŋo wɔ́b tà shwóŋó nò. Mecú’tè pʉ̀a Kristo lêen ńké ńzsé ngie peg lɔgɔ nò gí ńká’te mvfò pɔ́b pá’a éshwóŋó nò.

Filipo 2:12

Á cʉa pú’u, mbà mefɛ́ pɔ́ɔn pè ntʉ̀ nzẅìŋ, pá’ pi ee ńké ńzɔɔn ńjú’u pɔ́ ncwò Ssé tà fó pá’ n daa tsetsɛ̀ɛ pi la, pi kě ne ńgíŋe ńtÿɔ́gɔ kwò pɔ́ mǒ á nà fʉ̀’ɔɔn gie mèŋ n te tsetsɛ̀ɛ pi wɔ́ lɔɔn. Pi kag tʉ̀, tà nyìŋ gÿo megʉa. E Ssé kéen ńgÿo pi tsẅɛ́, pi lêen ńké fa’ mefà’ mie é pumo ná pʉ̀a pie é kéen ńtsẅɛ́.

Filipo 2:22

Tá ńgʉa ná Timoté, mbà pi zsě ngie à gẅiin mà mbòŋo. Peg yé ka pǔ ńtsẅi nkʉ̀ mbòŋo mbwo lá’. Á pú ńkẅéte wɔ̀ɔn ndʉŋ ndʉŋ pá’ múɔ mbòŋo kẅéte tá we la.

2 Tesalonika 3:14

Nyìŋ lʉ’ʉ lé jú’u nò gie peg gɔ̌ɔn tsɛ̀ɛ yɔɔn ŋwà’ne lɔɔn, pi líe yé mboŋó. Tà pia pɔ̌ gíŋe ńtéme nò, ńzsé ngie eshʉ́ ge kúu yé.

Filemo 1:21

N dɔgɔ pɔ́ pá’ ɔ́ɔ nyìŋ ńjú’ ncwò tá ńŋwe’e yɔɔn ŋwà’ne. Mèŋ ne ńzsé ngie ɔ̀ ge gÿo mmó gie mèŋ n ne ńzɛ́te mbwo gù tà tɔ́g pú’u.