2 Korento 2:4 - Nouveau Testament en Ngienboum

⁴ N ka gwɔ́ ŋwe’e ŋwà’ne ŋwɛ́, ńdɔg pɔ́ ntse nÿɔ́g, letʉ́m sɔ́ɔn ne ńgyáŋa tɛ’, mbùm yɔɔn ne ńtsyɛte, tá mèŋ n kɔ̌ɔn ńké tě ńŋwe’e ńdɔgɔ ńgÿo ngie pi mÿɔg wɔ́. Mèŋ n kɔ̌ɔn ńŋwe’e pú’u, pɔ́ lélɔg ńnyɛɛ gẅi máamáa nkwòŋe gie n gẅiin nzèm pi.

2 Korento 2:4 ပူးပေါင်းရင်းမြစ်များ

2 Korento 11:2

Pi zsé ngie n kwoŋo gẅi tà mèŋ n te zẅíŋ ngie nyìŋ gwaa gÿo mmó ná pi n ne ńgyá wɔ́. Yɛ̌ ntí nkwòŋo gie mèŋ n gẅiin nzèm pi e fóo pɔ́ mbwo Ssé, mélà’mie pi ée mbwo mèŋ, ńgwɔ́ pá’ múɔ manzwě gẅie mèŋ n da pÿé mbwo tà’ nyìŋ wémɔ’ɔ́, angàŋ gwɔ́ Kristo. Mèŋ n ne ńda’te gẅi mbwo yé ngie pi ee pá’ mûɔ ngùɔ gẅie à kaa tsɔ́ *lɔ̌’ kaa.

2 Korento 12:15

Á gʉa ná mèŋ, mbà à lɔɔn ńgwɔ́ á poŋo wɔ̀ɔn poŋ lénáa kɔ̀ɔkɔ́ɔ gie mèŋ n gẅiin né pi. Ngwɔ́ n gíŋe ńná mbɔɔ twó yɔ́ɔn ńtí gẅí. N dɔɔn ne ńkẅi’i ńkwoŋo gẅi pɔ́ nzẅìŋó, egì kwoŋo nzèm mèŋ ne ńtsẅɛ́te tsẅɛté lá?

2 Korento 2:9

Pi zsé ngie n ka gǐŋ ńgwaa ŋwe’e ŋwà’ne mbwo pi ńne fa’a lélʉŋte gẅi ńgyá, ka pi ku’u lé jú’ ncwò ná menò ntsèm wɔ́.

2 Korento 7:12

Pá’ n ka ŋwe’e ŋwà’ne ńnáa mbwo pi la, n kɔ̌ɔn tě ńŋwe’e ńtí megàŋ mefʉa wɔ́, ńké tě ńŋwe’e ńtí nyìŋ gẅie mé gÿǒ nò tepòŋ ná yé wɔ́. N kɔ̌ɔn ńŋwe’e pɔ́ ngie pi tyé mvfò Ssé, ńgyá ntí gie pi lɔg sẅɛte ná nó yég.

Filipo 3:18

Pʉ̀a tà ńgyɔɔn zɔɔn ńgwɔ́ tsetsɛ̀ɛ pege, mà wɔb sẅé pɔ́ we pʉ̀a pie pɔ́ nyiŋe legwé Kristo nà tÿǒ nkǐ nyiŋe. N dǎ zye shwóŋó gẅí, tà mbɔɔ lyɛ̌’ɔɔn, n giŋé ne ńgɔɔn tà ńdɔgɔ pɔ́ ntse nÿɔ́g ńgɔɔn.