2 Korento 2:3 - Nouveau Testament en Ngienboum

³ Áa mmó gie á ka gÿo n ŋwe’e pɔ́ ŋwà’ne ńnáa mbwo pi, á nà ntí gie n ka ŋwe’e la, n ka tè ne ńkwoŋo lé lêen tóo lá’ pi, ńgyá pʉ̀a pɔ́ gÿo mèŋ n gẅiin lémÿɔg tá mbà pɔ́ kɔ’ɔ́ gÿo ntʉ́m wɔ̀ɔn kág kág wɔ́. N ne ńzsé mboŋó ngie n dɔɔn ne ńkága, mbà pi ge kág gí.

2 Korento 2:3 ပူးပေါင်းရင်းမြစ်များ

1 Korento 4:21

Pi gʉa nà menò mɔɔn mémbʉ́a ńkaŋa gí. Pi kwǒŋ ngie n gwɔ tóo tsetsɛ̀ɛ pi ńgẅiin pɔ́ ngwɔɔn kà mèŋ n gwɔ tó ntʉ́m wɔɔn ne ḿboŋo poŋ, n ne ńkwoŋo gẅi kwoŋ?

2 Korento 1:15

Mèŋ n ka ne ńzsé ngie á ge gwɔ́ pɔ́ pú’u. Áa mmó gie á ka gÿo tá mèŋ fa’a lévɔg ńcʉa mbʉ̀a pi, tá ńgÿo ńgíŋ ńcʉa, ńzsé ngie n ge gÿo pi kág kág ngʉ̀a mbʉ́a.

2 Korento 1:23

Pi cʉ́’ mèŋ shwóŋó gẅi mmó gie á ka gÿo tá mèŋ n tè gíŋe ńtóo lá’ pi Korento wɔ́, n ka tè ne ńkwoŋo légÿo pi jú’ kékáŋ wɔ́. Mèŋ n gɔɔn pá’ɔɔn éshwóŋó nò. N dɔɔn ńcÿɔ nò, e Ssé zẅé wɔ̀ɔn.

2 Korento 12:11

Pi gyá pá’ ń cʉ’ʉ shwóŋó pɔ́ pá’ pʉ̀a la, á ke fóo pɔ́ né pi, á nue pi zɔ ka gẅiin légÿo mé zsé yɔɔn ntí lefa’. Tà mbɔɔ pá’ mèŋ n gee tsetsɛ̀ɛ pi n te ná tsɔ́ mmó ku’. Epʉ̀a pie ée tsetsɛ̀ɛ pi mé tóŋo lê kwà’ ngàŋ ntúm lɛ, pɔ́ kaa gÿo tsɔ́ mmó tà ńdɔg ńcʉa wɔ̀ɔn mɔ́

2 Korento 12:21

Mèŋ n giŋé ńne ḿbɔ́gɔ légÿo ńgíŋe ńtó tà ńkúu lá’ pi, e Ssé yɔ̀ɔn gíŋe sẅí’i nzẅìŋ wɔ̀ɔn mvfò pi tà ndyɛ̌’ tsɔ́ n gẅiin lélʉa ńtí pʉ̀a tà ńgyɔɔn pie ée tsetsɛ̀ɛ pi, mbà pɔ́ lɔ́ɔn ńgÿo menò tepòŋ, pɔ́ laa mà wɔ́b kúbe, pɔ́ laa kẅɛɛ nà menò ncÿǒ mɔ́b wɔ́, ńké tè nò mpfwɔ́’ yɔ́b gwá’, ńké ne ńkẅi’i ńgÿo pɔ́ menò tepòŋ ntí ntí té gwoonte mbùm yɔb.

2 Korento 13:10

Áa mmó gie á gÿǒ, n nyé pɔ́ ngʉ̀a shʉ̀shʉ̀a ńŋwe’e yɔɔn nò ntsèm, ńne ńtsɔ́ɔn ngie n te gÿo tó tà kúu tsetsɛ̀ɛ pi é lɔg pá’ Cʉ̀apʉ̀a la tÿɔ́gɔ wɔ̀ɔn mvfò pi, é cÿɔ́gɔ gẅi cÿɔ́g wɔ́. Cʉ̀apʉ̀a la tÿɔ́gɔ wɔ̀ɔn mvfò pi pɔ́ légÿo acú’tè kẅi’i ńgʉa lê mvfò. À la tè tÿɔ́gɔ wɔ̀ɔn ngie mèŋ n tág tág wɔ́.

2 Korento 2:9

Pi zsé ngie n ka gǐŋ ńgwaa ŋwe’e ŋwà’ne mbwo pi ńne fa’a lélʉŋte gẅi ńgyá, ka pi ku’u lé jú’ ncwò ná menò ntsèm wɔ́.

2 Korento 7:12

Pá’ n ka ŋwe’e ŋwà’ne ńnáa mbwo pi la, n kɔ̌ɔn tě ńŋwe’e ńtí megàŋ mefʉa wɔ́, ńké tě ńŋwe’e ńtí nyìŋ gẅie mé gÿǒ nò tepòŋ ná yé wɔ́. N kɔ̌ɔn ńŋwe’e pɔ́ ngie pi tyé mvfò Ssé, ńgyá ntí gie pi lɔg sẅɛte ná nó yég.

2 Korento 7:16

Mèŋ m bǔ ńne ńkága tɛ’ pá’ à lɔɔn ńgwɔ́, n gʉa ná kɔ̀ɔkɔ́ɔ, ńtém nzèm yɔ̀ɔn ńná né pi, té pɔ́g.

2 Korento 7:6

Tá’, e Ssé tsí’i ntse nÿɔ́g még pá’ aa ńtsí’i ntse nÿɔ́g pʉ̀a pie pɔ́ ne ńdʉa. Á gwɔ́ pá’ à la gÿo Titus fɔ́ɔn ńtó ńgyá wég.

2 Korento 7:8

Anò gẅiin lépoŋo wɔ̀ɔn tɛ’. Ŋwà’ne gie n ka vɔg ńtúmo mbwo pi, á ka gÿo pi mÿɔg, tá mèŋ n te ne ńgyá tsɔ́ *lɔ̌’ mǒ wɔ́. Á lɔɔn ńgwɔ́ gie n da gyá *lɔ̌’ mǒ, mbà á gwɔ́ pɔ́ pá’ n ka ne ńzsé ngie á ge gÿo pi zye ḿmÿɔg.

2 Korento 8:22

Peg tumó wɔ́b Titus, ńgíŋe ńgÿo tsɔ́ fɛ́ wégè. Á gwɔ́ nyìŋ gẅie à kwoŋo lékẅéte petsɔ́ pʉ̀a tɛ’. Peg zyé ńgyá pú’u, á nà menò tà ńgyɔ́ɔn. Áa nà fʉ̀’ɔɔn mbùm ye gíŋe ńne ńzeŋe pá’ɔɔn tɛ’ létó ńgyá gẅi ńtí pá’ à lɔɔn ńgwɔ́ á tém nzèm yé ńná né pi té cÿɔ’.

Galatia 5:10

Tá’ Cʉ̀apʉ̀a kě ne ńgÿo mèŋ n zsé ngie pi tè kẅi’i tsɔ́ mmó nà mmó gie n da zí’i gẅi wɔ́. N giŋé ně ńzsé ngie nyìŋ gẅie à ne ḿma’a tág tsetsɛ̀ɛ pi, à lɔɔn ńgwɔ́ pɔ́ wɔ̌ wɔ́ɔ, mbà Ssé ge gÿo zá’ ntsaŋ ye.

2 Tesalonika 3:4

Á gʉa ná pi, mbà Cʉ̀apʉ̀a ne ńgÿo peg zsé ngie pi ne ńgÿo mmó gie peg ne ńtsẅii ngie pi gÿo. Ńgwɔ́ gie peg lɔɔn ńgíŋ ńtsẅi ngie pi gÿo lêkɔ́ wɔ́, mbà pi ge gÿo pɔ́ pú’u.

Filemo 1:21

N dɔgɔ pɔ́ pá’ ɔ́ɔ nyìŋ ńjú’ ncwò tá ńŋwe’e yɔɔn ŋwà’ne. Mèŋ ne ńzsé ngie ɔ̀ ge gÿo mmó gie mèŋ n ne ńzɛ́te mbwo gù tà tɔ́g pú’u.