2 Korento 13:9 - Nouveau Testament en Ngienboum

⁹ Pi lɔɔn ńgwɔ́ ná mánzsè Ssé, ńgwɔ́ metʉ̀ pʉ̀a, peg gwɔ́ yég mǒ ńgwɔ́ pɔ́ mepepÿɛ́ɛ pʉ̀a, mbà nò ge poŋo wég poŋ. Áa mmó gie á gÿo peg gwɔ́ tà ne sẅíŋte Ssé, ńdúɔ ngie à gÿo pi giŋ pɔ́ ná mánzsè we tà ńcʉ́me.

2 Korento 13:9 ပူးပေါင်းရင်းမြစ်များ

Roma 15:2

Á zɛ́te ngie wɔ̌wɔ́ɔ tsetsɛ̀ɛ pege fa’ pá’ à ge gÿo mmó gie á poŋ petsɔ́ pʉ̀a, pú’u ńdɔgɔ ńtsɔ́ɔn nò mbòŋo ná pɔ́b, é lɔg kẅéte wɔ́b pɔ́ kẅi’i ńzáb ntʉ́m nà Ssé.

1 Korento 1:10

Mefɛ́ mefɛ́, n dɔ̌g lezíŋ Cʉ̀apʉ̀a wege Yěsô Kristo ńgɔɔn né pi ngie: Pi gwɔ́ tà’ ncwò, ńgie tà fàgte gwɔ́ tsetsɛ̀ɛ pi, ńgie pi gẅiin tà’ ntí lesaŋá nò, ńgẅiin tà’ nkwaŋá.

1 Korento 2:3

N da tyé tsetsɛ̀ɛ pi, ńjú’ ḿbú ḿbÿɛ́ pÿɛ́, ńjú’ ḿbɔ́g pɔ́g tà ne ḿvɛɛ.

1 Korento 4:10

Anò Kristo kéen ńgÿo peg cʉ́’ mepʉ̀a. Tá ńké ńgʉa ná pi, mbà pi kéen ńcʉa ná Kristo ńzsé nò. Peg gwɔ́ mepepÿɛ́ɛ pʉ̀a. Pi gẅiin metʉ̀. Mé gÿo mekù’ mí, ḿbiŋ ńtóo ná peg ńgwága wég gwǎg.

2 Korento 11:30

Á gwé’e ne ńzɛ́te ngie mé ka’te, mbà ńgwɔ́ ńdɔg pɔ́ pá’ m bÿɛ́ pÿɛ̌ ńka’te.

2 Korento 13:11

Á nà fʉ̀’ɔɔn mefɛ́ pɔ́ɔn, pi ńnéŋe nê lekág. Pi ne fa’a shÿó pá’ tsɔ́ *lɔ̌’ té ge gwɔ́ tsetsɛ̀ɛ pi wɔ́. Pi ne ńkẅiŋte mennɛ́ mí. Pi ne ńgẅiin tà’ ncwò, ńnéŋe lê mbʉ́lè, à cʉa pú’u, e Ssé, yé gẅie à gẅiin nkwòŋe pɔ́ mbʉ́lè gwɔ́ tsetsɛ̀ɛ pi.

2 Korento 13:4

Áa nénʉ́ ngie à laa tsɔ́ fʉ̀’, ḿbÿɛ́ pá’ nyìŋ mesoŋ, mé kime yé nà tÿǒ nkǐ. Tá’ à ké ńgwɔ́ fʉ̀’ɔɔn ńgwɔ́ ntentʉ́, é gwɔ́ metʉ̀ Ssé. Peg yég, peg fó ná pá’ peg la nnɛ́ ná yé, ḿbÿɛ́ pá’ à la gwɔ́. Tá’ é ké gÿo lɔg yeg ntí légẅiin gẅí, é nyɛɛ gẅi ngie pega Kristo ee ntentʉ́, é gwɔ́ metʉ̀ Ssé.

2 Korento 4:12

Á fó pú’u, legwé gwaa gwɔ́ soŋ nnɛ́ peg ne fa’a yé fà’, le gwɔ́ wó ne fa’a yé fà’ soŋ nnɛ́ pi.

2 Korento 7:1

Mefɛ́ pɔ́ɔn pe ntʉ̀ nzẅìŋ, pá’ e Ssé la ka’ mɔɔn menò á mbwo pege la, á ne ńzɛ́te ngie kwà’ pege lê twó yégè kÿo menò mie é té Ssé poŋ, é mie mé gÿo gÿo, tà mbɔɔ mie mé kwaŋa kwaŋ, ńkẅi’i ńdɔgɔ légwɔ́ tè *lɔ̌’ ńgʉa lê mvfò tà ńcʉ́me, ńgwɔ gwɔ́ ne ḿbɔ́gɔ Ssé.

Kolosia 1:28

Áa yɛ̌, tá peg kě ne shwóŋó nò Kristo mbwo mânyìŋ ntsèm shwóŋ, ńdɔgɔ pɔ́ zsě nò gie e Ssé náa mbwo peg, ńzí’i pʉ̀a mmó, ńtẅíi letuŋó wɔ̌wɔ́ɔ, légwɔ́ gie à ge ké laa nnɛ́ ná Kristo é lɔgɔ gee pɔ́ lê mvfò, tá cÿɔgte pá’ pʉ̀a Ssé gẅiin légwɔ́ pú’u.

Kolosia 4:12

Epafalas gẅie aa nyìŋ lá’ gẅi, a tsyɛ’té gẅí. Wɔɔn nyìŋ gẅie a fà’ fà’ Kristo ńnéŋe ngwòŋ fʉ̀’ ntsèm, ńne ńdɔgɔ lésẅíŋte Ssé, ḿma’a ncù ná twó sí. À gÿo pú’u, légwɔ́ gie pi ge tʉ tʉ ná nò Yěsô, atsɔ́ mmó le gíŋ ńzága ná pi wɔ́, pi ńnéŋe ngwòŋ fʉ̀’ ntsèm, ńzẅíŋ pɔ́ légÿo mmó gie e Ssé ne ńkwoŋo ngie pi gÿo.

1 Tesalonika 3:10

Á gʉa fʉ̀’ gie peg ne sẅíŋte Ssé, kà zsǒ wɔ́, kà tsẅɛ́’ wɔ́, peg lʉa mbwo yé tɛ’, ńgie à gÿo peg gíŋ ńgyá meshÿó mí, peg piŋ ńnáa gẅi mmó gie á ne ńzága ná gẅi lézáb ntʉ́m ná yé.

2 Timote 3:17

Pú’u ńzsé ngie nyìŋ Ssé ge fóo nà ŋwà’ne Ssé, é zsé nò Ssé mboŋó, tá gwɔ́ fʉ̀’e kɔ́ wɔ́, é ku’u légÿo nò gie áa mbòŋ.

Heber 12:23

Pi ka sẅɛ’te nnɛ́ ńtóo tsɛ̀ɛ cú’tè pʉ̀a pie Ssé la lɔgɔ wɔ́b ńgÿo púɔ pé pie ée twó mvfò, pɔ́ gwɔ́ tsɛ̀ɛ lekág, mezíŋ mɔ́b gwɔ́ me ŋwe’e á tÿǒ lepwó. Pi ka sẅɛ’te nnɛ́ ńtó nê kwà’ lejʉ́ŋ Ssé, ée ndà’ yé, ńgwɔ́ ŋàg pʉ̀a mesoŋ métsèm. Pi ka tǒ nê jʉ’ gie mezẅìge pʉ̀a mesoŋ pie pɔ́ ée ndʉŋ ndʉŋ mvfò Ssé ée wó. Pɔ́ ée fʉ̀’ɔɔn ńgwɔ́ pʉ̀a Ssé pɔ́ ndà’ ndà’.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

Heber 6:1

Áa mmó gie á gÿo á ne ńzɛ́te ngie tà pege zso ndà’ ná mendùŋ mvfò menò mie pege la zye mǒ lézsé nò kristo. Pege kag tʉ̀ ńzí’i menò mé mie mé zí’i pʉ̀a pie é cÿɔgté nà nò yé, tà pege é le lá’a ńzɔ́gɔ ńnuŋe pɔ́ cÿɔ̌ ndá wɔ́. Mé gɔɔn légíŋe ḿbiŋe nà menò pá’ letěm nzèm mefà’ mie é náa pɔ́ legwé, pá’ lezǎb ntʉ́m nà Ssé,

1 Piɛ 5:10

Ngɔ́’ gi ge ná’a ńnéŋe pɔ́ méjʉ’, e Ssé gẅie à kɔ̀ɔkɔ́ɔ nò mbòŋo gwɔ́ fóo pɔ́ mbwo yé, yé gẅie à la cʉa ná Yěsô Kristo ńtóŋo gẅi pá’ pi ge gwɔ́ gí tsɛ̀ɛ legú’ we gẅie à pàa té wó wɔ́, à ge fó pú’u, é gÿo tsɔ́ mmó le gíŋe ńzága ná pi wɔ́, étsẅìŋ ndù gi, pi tʉte, mé le gíŋe ńku’u létsó gẅi tà ḿma’a ssé wɔ́.