2 Korento 11:9 - Nouveau Testament en Ngienboum

⁹ N daa lá’ pi, á gwɔ́ fʉ̀’e n zága mmó, n te kẅé mmó mbwo tsɔ̌ nyìŋ gẅi wɔ́. Mefɛ́ mefɛ́ pie é la fó Makedonia la náa kɔ̀ɔkɔ́ɔ gie á la ne ńzága mbwo mèŋ. Á la gʉa nà kɔ̀ɔkɔ́ɔ, n te zẅíŋe légwɔ́ pì’ á mbwo tsɔ̌ nyìŋ gẅi wɔ́, é ké le lá’a tsɔ́ lyɛ̌’ tá gwɔ́ pì’ mbwo tsɔ́ nyìŋ gẅi wɔ́.

2 Korento 11:9 ပူးပေါင်းရင်းမြစ်များ

Megàŋ ntúm 18:3

Pá’ pâ pɔ̌ lɔ́ɔn ḿbú fa’a pɔ́ tà’ ntí fà’. Á gwɔ́ lélɔg nzsǒ ńnyɛte *mentàb la, Pɔl cʉ́’ʉ ńtsẅé pɔ́ mbʉ̀a pɔ́b, pâ pɔ̌ pú fa’a.

Megàŋ ntúm 18:5

Silas pɔ́ Timoté gÿo ńgwɔ́ tà fó Makedonia ńtó, Pɔl cʉ́’ ńnéŋe twó pɔ́ ndà’ léshwóŋó nò Ssé, ńne ńnyɛte ńkyagte, éshwóŋó pà Yuda ngie Yěsô zɔɔ *Nzà’nkÿo gẅie pɔ́ tsẅé ḿbyɛ́bɛ.

Megàŋ ntúm 20:33

N daa nkáb nyìŋ tsɔ́ɔn. N te ngɔl tsɔ́ɔn. N te menzsǒ nyìŋ tsɔ́ɔn.

Roma 15:26

Á nue pʉ̀a Kristo pie ée Makedonia mbɔɔ pe Akay ka gyǎ ngie pɔ́ ge ma’ nkáb lɔg kẅéte pʉ̀a Kristo pie ée Yerósalem, ńgwɔ́ mepóŋ.

1 Korento 16:17

Anò ne ḿboŋo wɔ̀ɔn tɛ’ ńtí pá’ Stefanas, pɔ́ Fortunatus pɔ́ Akaikẅis tǒ tà ńgwɔ́ lejʉ́ŋ mèŋ. Pɔ́ ée jʉ’ɔɔn, ńkúbe twó gí lejʉ́ŋ mèŋ.

2 Korento 6:4

Tà ńcʉ́’ pú’u, peg tyé nà kɔ̀ɔkɔ́ɔ wɔ́, ńnyɛ ngie peg ee pafa’a fà’ Ssé, ńdɔgɔ pá’ peg ne shÿɔgɔ tɛ’, á ná fʉ̀’e ngɔ́’, á nà fʉ̀’ gie nò á cʉa wég, á nà fʉ̀’ gie peg ne ńcÿɔ’ɔ tɛ’,

2 Korento 9:12

Pi zɔɔn ńzsé ngie yɔɔn ncùb gie pi ma’a e tè gÿo pʉ̀a Kristo pie ée Yerósalem é gẅiin pɔ́ mmó gie à zága mbwo pɔ́b ndà’ wɔ́, e ge gíŋe gÿo pʉ̀a kẅi’i ná ndǎg mbwo Ssé tɛ’.

Filipo 2:25

Mèŋ n ka kě ńgyá ngie á poŋ, n gÿo fɛ́ wege Epafolodite piŋ nzèm, ńtsɛ́ɛ gẅí. Á yé gẅie pi ka túmo yé á tó ńná shúm sie é ka ne ńzága mbwo mèŋ lá. Àa nyìŋ gẅie peg yé lǎ zye fà’, ńzye ńdÿɔ́’ ncù ná nò Yěsô Kristo.

1 Tesalonika 2:6

Peg la tè zɛ́te ngie me ná mekù’ még wɔ́, kà pɔ́ gẅi lénná wɔ́, kà pɔ́ petsɔ́ pʉ̀a wɔ́.

1 Tesalonika 2:9

Pi ge gǎ wɔ́ ne kímte pá’ á laa fʉ̀’ gie peg la ne ńtsẅii nkʉ̀ mbòŋo mbwo pi la, peg gíŋe fa’a tà ḿbú ńkʉ́a, tá ńgẅiin mmó mpfɛ̌. Peg lɔ̌ɔn fa’a zsǒ éfa’a tsẅɛ́’. Peg la tè kwoŋo lécʉ́’ʉ pì’ á mbwó tsɔ̌ nyìŋ gẅi wɔ́.

Heber 11:37

ńtóo nà tsɔ́ pʉ̀a mé lɔg metóon ńtémte wɔ́b ńzẅé, ńtóo nà tsɔ́ pʉ̀a, ńdɔgɔ sɔ̌ shʉ́ʉ wɔ́b ńzá’, ńtóo ná tsɔ́ pʉ̀a, ńdɔg nně ncù ńgwaa wɔ́b. Etsɔ́ pʉ̀a cʉ́’ pà tè ndá, ḿma’ *mengùb *njʉ̀njÿò lâ *mengùb mvfó, atsɔ́ lága mmó té nyé ńgwɔ́ mbwo pɔ́b wɔ́, me nẅɛɛ wɔ́b, ńnyɛɛ wɔ́b ngɔ́’.