2 Korento 11:3 - Nouveau Testament en Ngienboum

³ Tá’ n kě ḿbɔ́gɔ pɔ́ ngie, à lɔɔn ńgwɔ́ tsɔ̌ nyìŋ cʉŋte twó gí pá’ nnú la pá’ legyè, éfʉte Eva, pi le gíŋe ńgwɔ́ pʉ̀a pie pɔ́ gwɔ gɔɔn ngie pɔ́ zsé yɔ́b pɔ́ ndà’ nò Kristo ńgɔɔn shwóŋó nò wɔ́.

2 Korento 11:3 ပူးပေါင်းရင်းမြစ်များ

Matio 24:24

mélà’mie pà nzà’ nkÿo pe cÿɔ̌ nò, lâ pà *ntsẅì nkʉ̀ Ssé pe cÿɔ̌ nò ge lá’ kẅɛ, é nyɛ memáa meliŋé, é gÿo menò mmɔɔn mmɔɔn lélɔg fʉte pʉ̀a tà ńgyɔ́ɔn, tà ńgwáa we pɔ́ gwe’e ńku’, mbà à lɔɔn ńgwɔ́ pɔ́ fʉte mbɔɔ pʉ̀a pie Ssé la tsɔ́’.

Ŋwà’ne Jâŋ 8:44

Agẅi tá aa Sátá, pi piŋ né ńkwoŋo légÿo mmó gie à né ńtsɔ́ɔn. Á gʉa ná yé, mbà tà fó nzyeté, á gwɔ́ pɔ́ nzẅè nyìŋ. À laa mé ńgiŋe tsɛ̀ɛ nò nénʉ́ wɔ́. Ńtí nue à tè nò nénʉ́ tsɛ̀ɛ ntʉ́m yé gẅiin, tà tsoon lǎg. À gwɔ̌ tà ne ńcÿɔ nò, á gwɔ́ pɔ́ kwà’ shwóŋè yé, á nue aa ngàŋa cÿɔ nò, ńgwɔ́ nyìŋ gẅie yé zɔ la nuŋe cÿɔ nò.

Roma 12:8

Afù’ ye nyìŋ gwɔ́ lékẅiŋte petsɔ́ pʉ̀a, á kẅiŋte. Nyìŋ lɔɔn ne ńnáa mmó né nyìŋ, á ná té sáŋ. Nyìŋ lɔɔn ńgwɔ́ nyìŋ gẅie à táŋte cú’tè, á táŋte tà ńzsé mmó gie à gÿo yɛ̌. Nyìŋ lɔɔn ne ńkẅéte mepóŋ, á kẅéte lê ntʉ́m mbòŋo.

2 Korento 1:12

Á gʉa nà weg léńnéŋe tsetsɛ̀ɛ pʉ̀a mesoŋ, mbà yeg mmó gie peg lɔg ńka’te áa pá’ peg gÿo pɔ́ mmó gie á fóo mbwo Ssé. Peg tè ne fʉte tsɔ̌ nyìŋ wɔ́, peg ee pàshwóŋ pʉ̀a nò lê ntʉ́m Ndʉalʉ̌a, mbùm yeg neŋé shwóŋó wég pú’u. Áa pá’ peg la gÿo tsetsɛ̀ɛ pi. Peg la tè lɔg pɔ́ zsě nò pʉ̀a mesoŋ tá ńdɔg ńnéŋe pú’u wɔ́. Peg la lɔg pɔ́ pá’ e Ssé ne ńcÿó gʉm yég, ńkẅéte wég.

2 Korento 11:20

Epʉ̀a ne ńdɔgɔ gẅi ńgÿo menkwɔɔn pɔ́b, pi fa’a pɔ́ jÿó, pɔ́ ne ńjʉʉ shúm sí, ńne ńnwile gẅí, ńtúu pwó legɔ̌’ pi, pi zẅíŋe zẅǐŋ.

2 Korento 11:29

ńgwɔ́ gie nyìŋ Kristo lɔɔn ḿbÿɛ́ n jú’ á gwɔ́ pɔ́ pá’ fʉ̀’ gie mèŋ m bÿɛ̌ yɔ́ɔn ma, ńgwɔ́ gie nyìŋ Kristo lɔɔn ńgÿo nò tepòŋ, á gege wɔ̀ɔn tɛ’.

2 Korento 2:17

Tá’ peg tè pá’ tsɔ́ pʉ̀a tà ńgyɔ́ɔn pie pɔ́ lɔgɔ shwóŋè Ssé ńgÿo sɔ́b shúm metʉ̌a wɔ́, peg shwóŋ yég pɔ́ lê ntʉ́m Ndʉalʉ̌a, ńgwɔ́ pɔ́ pʉ̀a pie e Ssé ka tǔm. Peg gwɔ́ shwóŋ e Ssé ne ńgyá wég peg piŋ ńda nnɛ́ ná Kristo.

2 Korento 4:2

Peg tè nà mentí lɔg fa’a fà’ mie ée me ntsèm, ńgíŋ ńgwɔ́ me shʉ́ wɔ́, atsɔ̌ nkÿonkÿo tè ná kwò legiŋ yég wɔ́, peg piŋ ńké tè ne ńdɔgɔ tsɔ́ menò ḿvoŋo shwóŋè Ssé wɔ́, tà ńcʉ́’ pú’u, peg lɔg pá’ peg ee mvfò Ssé ńdá’te pɔ́ nò nénʉ́ á mbwo pʉ̀a mesoŋ, tà ńgwɔ́ gie à lɔɔn ńgwɔ́ nyìŋ léla’a wég ná tsɔ́ nò wɔ́.

Galatia 1:6

Á pǔ ńkʉ’ʉ wɔ̀ɔn tɛ’ ná pá’ e Ssé ka cʉa ná Kristo, ńtóŋo gẅí, ńcÿó gʉm gí, n ka léen ńkẅɛɛ tsetsɛ̀ɛ pi, pi sele nzèm ye, tà ńcʉ́’ʉ ńjú’u pɔ́ tsɔ́ nkʉ̀ mbòŋo we ndyɛ̀’ɛ.

Galatia 2:4

Tà mbɔɔ pá’ tsɔ́ pàcÿɔ nò ngie pɔ́ ée mefɛ́ pég la ne ńkwoŋo ngie mé pú’u yé. Pʉ̀a ŋwɛ́ la shú ńkúu tsɛ̀ɛ nùɔ yég pá’ pà mánaŋ. Pɔ́ lɔ́ɔn ńtóo lé gyá pá’ peg ee pà ndù nnɛ́ ná mà pà Yuda, ńcʉa ná Yěsô Kristo ńgÿo még menò pú’u. Pɔ́ lɔ́ɔn fa’a lé lɔgɔ wég ńgÿo menkwɔɔn.

Galatia 3:1

Pi pʉ̀a Galatia, tsye legyè sí pyě ka? À wɔ̌ ka lɔg lekàŋ ḿbue gẅi pɛ́’ɛ̀? Tá, mbà mé ka nyɛte shwóŋó gẅi nò nà legwé Yěsô Kristo tà á gwɔ́ pá’ fʉ̀’ gie pi lɔ̌g nÿɔ́g mí ńgyá yé nà tÿǒ nkǐ la.

Galatia 4:11

M bɔgɔ́ mmó gie pi ne ńgÿo lɛ, ńgwɔ́ mefà’ mie mèŋ n ka fa’a tsetsɛ̀ɛ pi cʉa sẅɛ̀ɛ.

Efeso 4:14

À cʉa pú’u, pege é le gíŋe ńgwɔ́ mecʉ̀cʉ̀ŋ penkʉ́ pie ée pá’ kanú’ gie ntse shwoŋo ńdɔgɔ ńgee jʉ’ɔɔn, ńgee jʉ’ʉ wɔ́. Mé le gíŋe shwóŋó wégè ngie pege pʉ pʉ kà ngie pege cwóŋ cwóŋ wɔ́, tà pege jú’ mɛ̌ ménò mie mé zí’i pʉ̀a ńzẅíŋ wɔ́. Á fó pú’u, pege le gíŋe ńgwɔ́ pá’ mecʉ̀cʉ̀ŋ pie pɔ́ zẅíŋe, epʉ̀a kwaŋa menò ńdɔgɔ fʉte wɔ́b pɔ́ zẅíŋe cÿɔ̌ nò wɔ́.

Efeso 4:22

mbà á ne ńzɛ́te ngie pi kẅɛɛ ná nzẅìŋe mà gẅie mé la lɔg ńzyé gẅí, ndʉŋ ndʉŋ pá’ nyìŋ sẅɛɛ nzẅìŋe nzsǒ ná yé ńgwá’a la. Wɛ̌ mà aa gẅie à kɔ̌ɔn ńcʉa nà shúm tepòŋ sie à kɔ̌ɔn ńtsɔ́ɔn, ńkẅi’i ḿbÿɔ́g pÿɔ́g. Sɛ̌ shúm tepòŋ gwɔ́ shúm sie é fʉte nyìŋ fʉte.

Efeso 6:24

E Ssé ne ńgwɔ́ né mânyìŋ ntsèm gẅie à kwoŋo Cʉ̀apʉ̀a wege Yěso Kristo lê ntí nkwòŋe gie e tě ńdá’a ḿmaga wɔ́.

Kolosia 2:18

Pi pɔ́ɔn pá’ à lɔɔn ngwɔ́ etsɔ́ pʉ̀a tó ḿbaba gẅi pi pyé ntsɔ’ɔ́ fà’ ncù gẅie Kristo la jÿó ńná né pi. Mèŋ n gɔɔn pʉ̀a pie pɔ́ gɔɔn ngie pɔ́ ná mbùm yɔb ssé tɛ’, ńgwɔ́ pʉ̀a pie pɔ́ gú’te *mecÿɔ́’ Ssé. Pɔ́ gíŋe ńdɔg shúm sie pɔ́ gɔɔn ngie e Ssé nyɛ̌’ nÿɔ́g mɔ́b pɔ́ gyá ńdɔg ńŋá’te sẅɛ̀ɛ sẅɛ̀ɛ. Pɛ̌ pʉ̀a gẅiin pɔ́ nkwaŋá pʉ̀a mesoŋ, é gÿo pɔ́ zẅíŋ pɔ́ mmóm.

Kolosia 2:4

Mèŋ shwóŋó gẅi mɔɔn menò ḿbɔ́gɔ tsɔ̌ nyìŋ létó ńdɔgɔ shwóŋè gie mé neŋé ssé ńtáŋte, ésele twó gí.

Kolosia 2:8

Pi pɔ́ɔn nyìŋ lélɔgɔ zse nò pʉ̀a mesoŋ gie á gwɔ́ pɔ́ fÿɔ́g sẅɛ̀ɛ, éfʉte gẅí, pi gwe ná lejÿɔ̀’ sé. Yɛ̌ gwɔ́ pɔ́ cÿɔ̌ nò gẅie é jʉ́’ʉ ná nùŋe pʉ̀a mesoŋ, ńgíŋ ńjʉ’ʉ nà metʉ̀ mentí mentí mie ée tsɛ̀ɛ njÿó, é té jʉ́’ʉ ná Kristo wɔ́.

1 Tesalonika 3:5

Áa mmó gie á ka gÿo tá mèŋ n te gíŋe ńku’u lézẅí’te wɔ́, éfó ńtúmo Timoté, ńgie à gʉa ńgyá pá’ gẅi lézáb ntʉ́m nà Ssé ka cʉ̌’ ńgwɔ́ pú’u, ńgwɔ túmo yé, ńne ḿbɔ́gɔ ngie Sátà ka cʉ̌’ ńkwa’te gẅi tà fà’ gie peg la fa’ cʉa sẅɛ̀ɛ.

1 Timote 1:3

Mèŋ n ne ńkwoŋo ngie ɔ̀ ńnéŋe Efeso, pá’ mèŋ n ka gwɔ́ gʉa lê Makedonia ńtsẅii mbwo gù la, ńnéŋe wó, ńzsé ngie ɔ̀ ge lʉ’ʉ mbwo tsɔ́ pʉ̀a pie ée wó ngie tà pɔ́ gíŋe ńzí’i pʉ̀a menò mie ée ná nò Yěsô Kristo é té ná mánzsè wɔ́.

1 Timote 2:14

Adam zɔ la piŋ tè zẅíŋ mé fʉte yé wɔ́. Manzwě zɔ la zẅíŋ mé fʉte yé, á fʉa nò mbwo Ssé.

2 Timote 3:13

Tá’ n gɔɔn pá’ɔɔn pʉ̀a tepòŋ pâ ngàŋa fʉte ge gÿo lɔgɔ nò tepòŋ é kẅi’i gʉa pɔ́ lê mvfò, é ne fʉte pʉ̀a, pɔ́ gíŋe ne fʉte wɔ́b yɔ́b.

Titus 1:10

N gɔɔn ngie ɔ̀ záb pʉ̀a pá’ɔɔn, á nue pʉ̀a tà ńgyɔ́ɔn ée ssé ně ńtʉʉ twó. Lelÿò gwɔ́ pà Yuda pie pɔ́ zẅíŋe nò Yěsô Kristo. Pɔ́ ne ńzí’i pʉ̀a menò mie é té tyé, ńdɔgɔ fʉte wɔ́b.

Heber 13:9

Tà pi zẅíŋ mé zí’i gẅi menò ntí ntí mie é té tsẅé’e nà nò gie pege zába ntʉ́m mǒ wɔ́, e gÿo pi fʉa mánzsè. Á poŋ ngie atsɔ́ɔn mezìŋe Ssé zɔ néŋ ntʉ́m nyìŋ tà mbʉ̌ mie mé zába, é gɔɔn nò ná shúm léjÿó zɔ̌ le néŋ. Epʉ̀a pie pɔ́ kú’te mɛ̌ mbʉ̌ pɔ́ laa jÿó tsɔ́ pì mǒ wɔ́.

2 Piɛ 3:17

Meshǔ pɔ́ɔn pe tʉ̀ nzẅìŋ, á gʉa ná pi, mbà mèŋ n tʉ̌ njÿó é shwóŋó gẅí. Pi ké ńdaga twó gí, ḿbɔ́gɔ pà tè shʉ́ ńkúu wɔ́b léfʉte gẅi pi fʉa mánzsè, ńzye lémʉ’te ná mmó gie letʉ́m sí ka zɔɔn ńtyé mǒ tà ńtyé.

2 Piɛ 3:3

Pi zɔɔn ḿvɔg ńzsé ngie, áa gÿo gwɔ́ nà melyɛ’ɛ́ lá’ nzsó nzèm, etsɔ́ pʉ̀a kẅɛ, ńgÿo yɔ́b pɔ́ mmó gie membùm mɔ́b ne ńtsóte wɔ́b ngie pɔ́ gÿo. Pɔ́ ge gẅe gẅí,

1 Jâŋ 2:18

Penkʉ́ pɔ́ɔn, afʉ̀’ʉ nzsònzèm ne ńku’u. Pi la jú’ mé gɔɔn ngie, angàŋ mbù Kristo ge lá’ tó. Áa fʉ̀’ɔɔn, mbà megàŋ mbù Kristo kěen ńtó tà ńgyɔ́ɔn gyɔ́ɔn. Áa mmó gie á gÿǒ pege zsé ngie à fʉ̀’ʉ nzsònzèm ne ńku’u.

1 Jâŋ 4:1

Meshǔ pɔ́ɔn pe tʉ̀ nzẅìŋ, tà pi jú’ nyìŋ gɔɔn ngie Zẅìge Ndʉalʉ̌a áa ná yé, pi gwóon ńzẅíŋ zẅíŋ, té cwoŋo ńdíe ka áa kwà’ Zẅìge Ssé wɔ́. Á nue pà *ntsẅì nkʉ̀ Ssé pe cÿɔ̌ nò pǔ ńgyɔ́ɔn tsɛ̀ɛ njÿó tɛ’.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

Ŋwà’ne Ngyà jʉ’ 12:15

Máamáa nnù ngém ya zé’e ntse, é kẅɛ ńcwóŋo nzèm manzwě wa pá’ mí légwɔ́ gie é ge kaa yé.

Ŋwà’ne Ngyà jʉ’ 12:9

Mé lêen ńké ńtsó máa nnù ngém ya, pâ pé mecÿɔ́’, ḿbÿɛɛ ndùmo ssé tsetsá’. Áa yé ńgwɔ́ nnú yá gie e la fó tàa fʉ̀’e mvfò la, mé tóŋo yé lé ndebele, ńgíŋe ńtóŋo yé le Sátà, aa yé gẅie à fʉte pʉ̀a mesoŋ ntsèm ndùmo ssé tsetsá’

Ŋwà’ne Ngyà jʉ’ 20:2

ńgwoon máamáa nnù ngém ya, á yé gẅie aa nnù ya gie e la fó tàa fʉ̀’e mvfò la, yé gẅie aa ndêbele, ńgíŋ ńgwɔ́ Sátà la, ńdɔgɔ tsɛ̂n wa ńkwɛ́ɛ yé pá’ à ge ké gwɔ́ pɔ́ me nkÿo nà ngù’ ntsá’,