2 Korento 10:3 - Nouveau Testament en Ngienboum

³ Peg tsɛ ńgwɔ́ pɔ́ pʉ̀a mesoŋ pá’ petsɔ́ tá’, e yeg ntí léma’ ncù e tè leen ńgwɔ́ pɔ́ ye pʉ̀a mesoŋ wɔ́.

2 Korento 10:3 ပူးပေါင်းရင်းမြစ်များ

Roma 7:5

Á ka zɔɔn ńgwɔ́ fʉ̀’ gie mbùm yege zɔ ka nyě sá’a wégè, letsɔ̌ɔn légÿo nò gie á te poŋ pʉ́’te mbùm yege, a nue *lepʉ̌ tɔ́’, ńgíŋe ńkẅi’i ḿbʉ́’te wégè, pege fa’ pɔ́ mefà’ mie é ge tóŋ pɔ́ legwé é ńnéŋe ná pege.

Roma 8:13

Pi lɔɔn ńnéŋe nà ntí gie mbùm nnɛ́ gi ne shwóŋó gẅí, mbà pi ge kwéte, tá ńké ńgwɔ́ gie pi lɔɔn ńdɔg metʉ̀ Zẅìge Ssé ḿbyága mà tepòŋ gẅie à fóo ná mbùm nnɛ́, mbà pi ge gwɔ́ wó.

Roma 8:4

À la gÿo pú’u, légwɔ́ gie pege ge ku’u léńnéŋe ná ntí gie *lepʉ̌ ne ńzɛ́te. Mèŋ n gɔɔn wégè pie pege cʉ́’ʉ́ ńgiŋe ná ntí gie mbùm yege ne ńtsóte wégè wɔ́, pege cʉ’ʉ́ ńgiŋe pɔ́ nà ntí gie Zẅìge Ndʉalʉ̌a ne shwóŋó wégè.

2 Korento 1:17

ńzsé ngie n kɔ̌ɔn ńkwoŋo légÿo pú’u, ńdɔgɔ ḿma’a pɔ́ kwàŋ la? Kà pi kwǎŋ ngie n cʉ́’ʉ légɔɔn nò gie mèŋ n ge gÿo, ńdɔg pɔ́ legyè nyìŋ mesoŋ ńgɔɔn, tà á gwɔ́ ngie n gwɔ́ mèŋ n gɔɔn nò, ḿbiŋ ńkúbe?

2 Korento 10:4

Eshúm sie peg lɔgɔ ḿma’a ncù é té gwɔ́ pɔ́ se pʉ̀a mesoŋ wɔ́, metʉ̀ mie ée mǒ fóo mbwo Ssé, légwɔ́ gie peg ge lɔg tágte kɔ̀ɔkɔ́ɔ gie á tʉʉ twó. Peg ne ńjÿɔ́’ɔ menkwaŋá mie é gwɔ́ pɔ́ me cÿɔ̌ nò.

Galatia 2:20

Mèŋ n zɔ tè pá’ɔɔn ńgíŋe sá’a twó mbùm yɔ́ɔn mɔ́, Kristo zɔ cʉ̌’ ńgwɔ́ soŋ nnɛ́ mèŋ ésá’a wɔ̀ɔn. N dɔɔn ńgÿo pɔ́ kɔ́ wɔ́, mbà á gwɔ́ pɔ́ ngie m bǔ ńzáb ntʉ́m wɔ̀ɔn ná Míŋ Ssé. Àa nyìŋ gẅie à la kwoŋo wɔ̀ɔn kwoŋ tà ńkwé nà twó yɔ́ɔn.

1 Timote 1:18

Timoté, gù míŋ wɔ̀ɔn, mèŋ n cʉ́me yɔɔn shwóŋè mbwo gù, á gwɔ́ pá’ pà *ntsẅì nkʉ̀ Ssé la tʉ́ njÿó ńgɔ́ɔn ná gù. Néŋe ne ńkímte menò mie pɔ́ la gɔɔn ŋwɛ́, ńzsé ngie é ge gwɔ́ shú shúm lɔg ńdÿɔ́’ ncù mbòŋo ná lezíŋ Ssé.

2 Timote 4:7

N ka lÿɔ́’ ncù mbòŋo, mèŋ n ka kÿo ndʉ̌ tà ńkúu nzotě. N ka kě ně ńzába ntʉ́m pɔ́ ná Yěsô, ńně ḿbɔ́ɔnte mboŋó.

Heber 12:1

Á gʉa ná pege, pʉ̀a ŋwɛ́ métsèm tÿɔ́’ɔ wégè ńnéŋe soŋ, ńne ńnyɛɛ wégè mánzsè. Pú’u la, pege tsó kɔ̀ɔkɔ́ɔ gie á ne ńtáte wégè ńgwá’, té lege menò tepòŋ, é kú’te wégè, ḿbiŋ ńdúe ńcʉ́’ʉ mà. Pege gwá’, ńtɔ́ɔnte yégè ndʉ̌ gẅie e Ssé gɔɔn ngie à lɔɔn ńgwɔ́ pege kÿo. Pege gwɔ́ tà ńne ńkÿo tà pege kʉ́a.