2 Jâŋ 1:9 - Nouveau Testament en Ngienboum

⁹ Nyìŋ lɔɔn tè kú’te pɔ́ ndà’ nò gie Kristo la zí’i wégè wɔ́, ńgʉa mǒ ńkẅi’i tsɔ́ mmó, mbà ngàŋ pɔ́ Ssé té temte. Nyìŋ gẅie à kú’te nò gie Kristo la zí’i wégè pɔ́ Tá temte, mbɔɔ pɔ́ múɔ gíŋe ńtemte.

2 Jâŋ 1:9 ပူးပေါင်းရင်းမြစ်များ

Matio 11:27

Yěsô gíŋe ńgɔɔn ngie: Tá wɔ̀ɔn leen ńnyé kɔ́ɔkɔ́ nà mbwó mɔ́ɔn, ńgwɔ́ tsɔ̌ nyìŋ le zsé múɔ wɔ́, ndà’ Tá zɔ zsé yé. Nyìŋ ké le zsé Tá wɔ́, ndà’ míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we á mbwó yé

Lukase 10:22

Yěsô gíŋe ńgɔɔn ngie: Tá wɔ̀ɔn léen ńnyé kɔ̀ɔkɔ́ɔ nà mbwo mɔ́ɔn. Ngwɔ́ tsɔ̌ nyìŋ le zsé múɔ wɔ́, ńdà’ Tá we zɔ zsé yé. Nyìŋ ké le Tá zsé, ńdà’ Míŋ we zɔ zsé yé, ḿbiŋ ńgÿo nyìŋ gẅie múɔ kwoŋó lényɛɛ Tá we mbwo yé.

Ŋwà’ne Jâŋ 14:6

Yěsô tsɔ́’ɔ mbwo yé ngie: Mèŋ n ge mánzsè, mèŋ n ge nò nénʉ́, mèŋ n ge legwɔ̌ wó. À lɔɔn ńgwɔ́ nyìŋ á le gʉa mvfò Tá wɔ̀ɔn té cʉa pɔ́ ná mèŋ wɔ́.

Ŋwà’ne Jâŋ 15:6

Nyìŋ lɔɔn tè la nnɛ́ ná mèŋ wɔ́, á gwɔ́ pá’ pwó tÿǒ gẅie mé *kɔ̌’, ḿma’a nzèm nká’ á júm. Mé gÿo ḿbí ńtuɔ mmɔ̌g.

Ŋwà’ne Jâŋ 5:23

Á cʉa pú’u, mânyìŋ ntsèm ná mekù’ Míŋ we pɔ́ ndʉŋ ndʉŋ pá’ à ne ńnáa me Tá. Nyìŋ gẅie à kaa ná mekù’ Míŋ Ssé wɔ́, angàŋ lɔgɔ tě ńnáa mekù’ Tá we gẅie à la túmo yé wɔ́.

Ŋwà’ne Jâŋ 8:31

Yěsô gɔɔn mbwo pà Yuda pie pɔ́ zǎb ntʉ́m ná yé ngie: Pi lɔɔn ńkú’te shwóŋè yɔ́ɔn, mbà pi ge gwɔ́ kwà’ *ngàŋa kwò yɔ́ɔn.

Megàŋ ntúm 2:42

Pɔ́ lɔ́ɔn ńtóo fʉ̀’ ntsèm té tsó, megàŋ ntúm zí’i wɔ́b nò Ssé, ńně ńtemte ńnéŋe pá’ pùɔ memá la, ḿbúte ḿpfɛ́ɛ mmó, ḿbiŋe ńcú’te sẅíŋte Ssé.

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

Titus 2:10

ńgie tà pɔ́ jʉ shúm pʉ̀a pie pɔ́ gẅiin wɔ́b. Tà ńcʉ́’ pú’u, pɔ́ nyɛ ngie pɔ́ kwa’ ńgwɔ́ nzèm pɔ́b. Pɔ́ lɔɔn ńgÿo pá’ɔɔn, mbà pʉ̀a ge gẅiin shwóŋè mbòŋo nà menò mie pege zí’i ná Ssé gẅie à gÿo pege tsẅɛ́ɛ.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

Heber 6:1

Áa mmó gie á gÿo á ne ńzɛ́te ngie tà pege zso ndà’ ná mendùŋ mvfò menò mie pege la zye mǒ lézsé nò kristo. Pege kag tʉ̀ ńzí’i menò mé mie mé zí’i pʉ̀a pie é cÿɔgté nà nò yé, tà pege é le lá’a ńzɔ́gɔ ńnuŋe pɔ́ cÿɔ̌ ndá wɔ́. Mé gɔɔn légíŋe ḿbiŋe nà menò pá’ letěm nzèm mefà’ mie é náa pɔ́ legwé, pá’ lezǎb ntʉ́m nà Ssé,

1 Jâŋ 1:3

Ammó gie peg la gyá ḿbiŋ ńjú’, áa yɛ̌ gie peg shwóŋó gẅi gí, ńzsé ngie pi ge temte ná peg, pege metsèm pú ńtemte ná Tá mbɔɔ ná Míŋ we Yěsô Kristo.

3 Jâŋ 1:9

Mèŋ n ka ŋwe’e mékème ŋwà’ne, ńnáa tsɛ̀ɛ gí cú’tè pʉ̀a Kristo, tá Ndiotelɛf gẅie à kwoŋo lézá’te mvfò mânyìŋ ntsem lʉ’ʉ lé jú’u nò gie mèŋ n gɔɔn tsoló.