2 Jâŋ 1:2 - Nouveau Testament en Ngienboum

² Peg kwoŋo gẅí, á fóo ná pá’ nò nénʉ́ áa tsɛ̀ɛ ntʉ́m wégè, é ké lá’a tsẅé gwɔ́ pɔ́ tsoló.

2 Jâŋ 1:2 ပူးပေါင်းရင်းမြစ်များ

Ŋwà’ne Jâŋ 14:16

Mèŋ n dêen ńké sẅíŋte Tá wɔ̀ɔn, à náa wetsɔ̌ Ntàg Nzèm né pi, á gẅie pi lâ pɔ̌ zɔ ge cʉ́’ʉ gwɔ́ fʉ̀’ ntsèm.

Ŋwà’ne Jâŋ 15:7

Pi lɔɔn ńda nnɛ́ ná mèŋ, ashwóŋè yɔ́ɔn gwɔ́ tsɛ̀ɛ ntʉ́m pi, pi lúɔ mmó gie pi kwǒŋ, mbà mé ge gÿo yɛ̌ mbwo pi.

1 Korento 9:23

Mèŋ n gÿo wɛ̌ ngwòŋo nò ntsèm pɔ́ pá’ nkʉ̀ mbòŋo ge sa jʉ’, mbɔɔ pá’ mèŋ n ne ńzẅí’te sɔ́ɔn shúm mbòŋo sie é fóo ná nkʉ̀ mbòŋo.

2 Korento 4:5

Peg tè ne ńgwɔ tsẅii nkʉ̀ mbòŋo, éfa’a pɔ́ pá’ mé ge zsé wég wɔ́, peg fa’a pɔ́ pá’ mé ge zsé ngie Yěsô Kristo aa Cʉ̀apʉ̀a. Peg tyé ńgwɔ́ pɔ́ pafa’a fà’ pie éfa’a mbwo pi ńtí Yěsô,

Kolosia 3:16

Pi lɔgɔ shwóŋè Kristo ńzye ntʉ́m gẅi kwà’ mboŋó. À cʉa pú’u, pi gẅiin zse nò lélɔg ńzí’i mmó tsetsɛ̀ɛ pi, mbɔɔ lélɔg ńtÿɔ́gte mennɛ́ mí. Pi zɔb ntse ńdɔg ńgu’te Ssé nê ngwòŋ ntʉ́m gẅi ntsèm, ńdɔg ńná ndǎg mbwo yé. Pi zɔbɔ pú’u, mezɔ́b mie ée tsɛ̀ɛ ŋwà’ne Ssé, ńzɔbɔ zɔ́bɔ pʉ̀a Kristo, ńzɔb mezɔ́b mie Zẅìge Ssé ne ńnéŋe ntʉ́m pi.

2 Timote 1:5

N daa lege ngie ɔ̀ záb ntʉ́m ná Yěsô Kristo tà shwóŋó nò wɔ́, n te lege ngie má gù we ndÿò Lowas tà mbɔɔ má gù Eunis lɔ̌ɔn ńgÿo pɔ́ pú’u wɔ́. N zsě ngie mbàa gù jú ɔ̀ giŋé ńzáb ntʉ́m ná Yěsô pɔ́ pá’ pɔ́b.

2 Piɛ 1:12

Áa mmó gie á gÿo n ge lá’a zɔ́gɔ kímte gẅi mɔɔn menò kimté tà mbɔɔ pá’ pi ne ńzsé, ḿbiŋ ne ńgiŋe pɔ́ nà nò gie áa nénʉ́ gie mé la shwóŋó gẅí.

1 Jâŋ 1:8

Pege lɔɔn ńgɔɔn ngie nò tepòŋ té ná pege wɔ́, mbà pege lɔgɔ pú’u, fʉa mánzsè, ḿbiŋe tě ńzsé nò nénʉ́ gie á fóo mbwo Ssé wɔ́.

1 Jâŋ 2:14

Penkʉ́ pɔ́ɔn, mèŋ n gee pá’ɔɔn ńne ńŋwe’e shwóŋó gẅi ngie pi ne ńzsé Tá wege, ńgʉa ná pi melÿò, mbà mèŋ n gee pá’ɔɔn ne shwóŋó gẅi ngie pi ne ńzsé nyìŋ gẅie aa wó tà fó nzyeté, ńgʉa ná pi pûɔ shum, mèŋ n ne shwóŋó gẅi ngie, pi ne ńtʉte tʉte, ashwóŋè Ssé ké ńgwɔ́ pɔ́ ntʉ́m pi, pi kěen ńtʉ̀ ńcʉa nyìŋ tepòŋ.

1 Jâŋ 2:17

Njÿó zɔɔn ńgwɔ́ ssé ne ńcʉa cʉa, tà mbɔɔ shúm sie pʉ̀a mesoŋ ne ńgyá tsɛ̀ɛ njÿó ńtsɔ́ɔn légẅiin. Tá nyìŋ gẅie à gÿo mmó gie Ssé ne ńkwoŋo, à ge gwɔ́ pɔ́ wó fʉ̀’ ntsèm.