2 Jâŋ 1:12 - Nouveau Testament en Ngienboum

¹² Mèŋ n kě ńgẅiin menò tà é gyɔ́ɔn gyɔ̌ɔn mie ńgwɔ́ mèŋ shwóŋó gẅí, tá mèŋ n gyǎ ngie mèŋ n tè ŋwe’e ŋwe’e wɔ́, á nue mèŋ n ne ńkwaa létóo lá’ pi, anò kẅɛɛ ncwò mèŋ ńkúu ncwò pi, ńzsé ngie lekág wege aa pú cʉ́me.

2 Jâŋ 1:12 ပူးပေါင်းရင်းမြစ်များ

Ŋwà’ne Jâŋ 15:11

Mèŋ n gɔɔn yɔɔn nò mbwo pi légwɔ́ gie lekág gẅie aa tsɛ̀ɛ ntʉ́m mèŋ ge gíŋe gwɔ́ tsɛ̀ɛ ntʉ́m gẅí, pi gẅiin kwà’ lekág.

Ŋwà’ne Jâŋ 16:12

Mèŋ n giŋé ńgẅiin menò mie mèŋ n ge shwóŋó gẅi tɛ’, tá’ ńgwɔ́ pi le jú’ fʉ̀’ɔɔn wɔ́.

Ŋwà’ne Jâŋ 16:24

Tà ńkú fʉ̀’ɔɔn, pi laa zɔɔn ńdɔg lezíŋ sɔ́ɔn ńdúɔ tsɔ́ mmó mbwo Ssé wɔ́. Pi lúɔ à ná né pi, lekág nyɛte ńdúe tsɛ̀ɛ ntʉ́m gẅí.

Ŋwà’ne Jâŋ 17:13

Áa nà fʉ̀’ɔɔn mèŋ n ne ńtóo né lejʉ́ŋ gù. Tá’ n kě ńtyé tsɛ̀ɛ njÿó ńgɔɔn yɔɔn shwóŋè légwɔ́ gie pɔ́ ge gẅiin wɔɔn lekág ntʉ́m pɔ́b, á kwà’ lekág.

Ŋwà’ne Jâŋ 3:29

Nyìŋ gẅie à zɔ́’ɔ manzwě zɔ aa ndǔm manzwě. Ashǔ ndǔm tyé lejʉ́ŋ ndǔm, á gɔɔn nò, á jú’ ngyè ye, anò poŋo yé tɛ’. Mèŋ n ne ńkága yɔ́ɔn pɔ́ pú’u, ḿbiŋe ńkága tà ḿmaga ntʉ́m wɔ̀ɔn.

Roma 15:24

Mèŋ n ké ne ńgyá fʉ̀’ɔɔn ngie mèŋ n ge gwɔ́ gʉa Spana, étóo lá’ pi. Mèŋ n zɔɔn ne ńtsɔ́ɔn légwɔ́ cʉa, ńgyá gẅí, pi kẅéte wɔ̀ɔn légʉa wó. Á ge gÿo wɔ́ lêkɔ́ wɔ́ pege gÿo ḿbú ńná’a ńnéŋe méjʉ’.

2 Timote 1:4

N daa lege pá’ pɔgɔ la gwaa fege ɔ̀ lʉa wɔ́. N ne ńtsɔ́ɔn tɛ́’ pá’ à lɔɔn ńgwɔ́ n gíŋe ńgyá gú, anò poŋo wɔ̀ɔn.

Filemo 1:22

Gíŋe ńnyɛ́te lûm ndá, ńdɔg ńzẅí’te wɔ̀ɔn á nue mèŋ n ne ńkwaŋa ngie e Ssé lɔɔn jú’u sẅíŋte gí, mbà mé ge gíŋe tsɔ́’ɔ wɔ̀ɔn né pi.

Heber 13:19

M bǔ ńcwoŋo ńdúɔ mbwo pi ngie pi nyɛte sẅíŋte Ssé, à zẅíŋ m biŋ nzèm ńtó ńtsɛ́ɛ gẅí.

Heber 13:23

Pi zsé ngie mé kě ńnyé pwó ná fɛ́ wege Timoté. À lɔɔn ńtɔ́g ńtó, mbà mèŋ n ge gwɔ tó gyá gẅi peg yé gwɔ́.

1 Jâŋ 1:4

Peg ŋwe’e yɔɔn nò ńnáa mbwo pi, légwɔ́ gie tsɔ́ mmó té ge zága nà weg lekág wɔ́.

3 Jâŋ 1:10

Áa mmó gie á gÿo mèŋ n ge gÿo tó tà ńkúu tsetsɛ̀ɛ pi, é kem menò tepòŋ mie á gÿǒ, é gíŋe shwóŋ pʉ̀a shwóŋè tepòŋ mbɔɔ cÿɔ̌ nò gẅie à gɔɔn ná peg. À tè gÿo pɔ́ ndà’ pú’u wɔ́, à lʉ’ʉ lékúe mefɛ́ mefɛ́ pie ée megʉ̀, ńgíŋ ńtɔ’ mbɔɔ petsɔ́ pʉ̀a lékúe wɔ́b, tà fóo tsɛ̀ɛ cú’tè ńjwoŋo pʉ̀a pie é ne fa’a lékúe wɔ́b.