2 Jâŋ 1:1 - Nouveau Testament en Ngienboum

¹ Mèŋ gẅie mèŋ n ge nkẅè mvfò tsɛ̀ɛ cú’tè pʉ̀a Kristo, mèŋ n náa yɔɔn ŋwà’ne mbwo Má penkʉ́. E Ssé la tsɔ́’ɔ gú. Mèŋ n giŋé ńnáa mbɔɔ mbwo gubé jú, m bǔ ńkwoŋo gẅi pɔ́ métsèm, á nue pege metsèm pǔ ńtyé nà nò nénʉ́, é té ndà’ wɔ̀ɔn mie mèŋ n kwoŋo gẅi wɔ́, awɔ̌wɔ́ɔ gẅie à tyé nà nò nénʉ́ giŋé ńkwoŋo gẅi yé.

2 Jâŋ 1:1 ပူးပေါင်းရင်းမြစ်များ

Lukase 1:3

Pá’ á ka gwaa gwɔ́, mbà mèŋ n kéen ńgwáa ńtúŋté fa’ yɔ́ɔn tà fó letsiŋé nò la, mèŋ n ka gyá ngie á póŋ mèŋ n táŋte yɔ́ɔn mboŋó, ńŋwe’e tsɛ̀ɛ yɔɔn ŋwà’ne, ńnáa mbwo gù.

Ŋwà’ne Jâŋ 8:32

Mbà pi ge zsé nò nénʉ́, anò nénʉ́ cu’u gẅí.

Megàŋ ntúm 11:30

Awɔ̌wɔ́ɔ mwoonte pɔ̀ɔn yé. Mé cú’tè, ńnáa mbwo Panebâse pɔ́ Sɔ̂l. Pɔ́ lɔg ńgʉa lénáa mbwo pàkẅé mvfò tsɛ̀ɛ cú’tè pʉ̀a Kristo.

Roma 16:13

Mèŋ n tsyɛ’té Rẅifẅis. Àa nyìŋ gẅie Cʉ̀apʉ̀a ka tsɔ’ɔ́ yé á piŋ ńnéŋe twó nà fà’ yé tɛ’. Pi gíŋ ńtsyɛ’te mbɔɔ má we, má we ŋwɛ́ gǐŋ ńgwɔ́ má wɔ̀ɔn yɔ́ɔn.

Galatia 2:14

Tá’ n da gwɔ́ tà ńgyá ngie pɔ́ té ně ńgiŋe ndʉŋ ndʉŋ ná pá’ nkʉ̀ mbòŋo ée jʉ’ó ńgwɔ́ pú’u wɔ́, éshʉa shʉa ńtyé mvfò lá’, ńgɔɔn mbwo Piɛ ngie: Gù gẅie ɔ́ɔ nyìŋ Yuda, ɔ̀ kɔ̌ɔn ńnéŋe jʉ’ɔɔn á nà ntí gie pʉ̀a pie é té pà Yuda wɔ́ ne ńnéŋe, tà ɔ̀ tè ńnéŋe pá’ nyìŋ Yuda wɔ́. Ɔ̀ piŋe fa’a lésẅɛ pʉ̀a pie é té pà Yuda wɔ́, léńnéŋe pá’ pà Yuda mélà’a kɔ́?

Galatia 2:5

Tá’ peg la tè zẅíŋe tsɔ́ nò mbwo pʉ̀a ŋwɛ́ wɔ́, tà mbɔɔ lé ná’a ńzẅíŋ tá ḿbiŋ ńdʉ’. Pú’u, le gwɔ́ gie nkʉ̀ mbòŋo ge tyé pɔ́ ndʉŋ ndʉŋ pá’ é gwɔ́, pi zẅɛ́’.

Galatia 3:1

Pi pʉ̀a Galatia, tsye legyè sí pyě ka? À wɔ̌ ka lɔg lekàŋ ḿbue gẅi pɛ́’ɛ̀? Tá, mbà mé ka nyɛte shwóŋó gẅi nò nà legwé Yěsô Kristo tà á gwɔ́ pá’ fʉ̀’ gie pi lɔ̌g nÿɔ́g mí ńgyá yé nà tÿǒ nkǐ la.

Galatia 5:7

Pi ka ne ńgee lê mvfò kwà’ mboŋó, awɔ̌ tɔ́’ɔ gẅi légíŋe ńjú’u nò gie áa nénʉ́ ńtÿɔ́gɔ kwò mǒ?

Kolosia 1:5

Pi gÿo pú’u, nue pi ne ńzẅí’te mmó gie e Ssé la cwoŋte ńzába tÿǒ lepwó ńtí gẅí. Pi ka gwɔ zsé yɛ̌ mmó, éfó nà nò nénʉ́ gie mé ka shwoŋó gẅí, yɛ̌ nò nénʉ́ fóo ná Nkʉ̀ Mbòŋo.

1 Timote 2:4

Yé gẅie à ne ńkwoŋo ngie pʉ̀a mesoŋ metsèm tsẅɛ́, ḿbiŋ ńzsé nò nénʉ́.

Heber 10:26

Mé lɔɔn ńzɔɔn ńnyɛɛ wégè nò nénʉ́ tà pege ne ńzsé mboŋó, ḿbiŋ ńgwá’, ńké ńgÿo pɔ́ nò tepòŋ tà ńne ńzsé zsě, mbà tsɔ́ pwɔ́’ ndyɛ̀’ɛ gẅie ńgwɔ́ mé nuŋe lélɔg ńzyɛ́b menò tepòŋ mégè, é té gíŋe ńgwɔ́ wó wɔ́.

1 Piɛ 1:2

E Ssé Tá la tsɔ́’ɔ gẅí, á gwɔ́ pá’ à la lá’ ńtʉ́ njÿó ńzáb, ḿbiŋ ńcʉa nà Zẅìge yé ńgÿo pi cʉ́’ pʉ̀a pé, légwɔ́ gie pi ge jú’ ncwò Yěsô Kristo, à lɔg metse mé é sɔgɔ gẅí. E Ssé ne ńgwɔ́ né pi, ńnáa sẅétè né pi tà à gyɔ́ɔn gyɔ́ɔn.

1 Piɛ 5:1

Mèŋ n gɔɔn yɔɔn nò fʉ̀’ɔɔn lélɔg ńtÿɔ́gte pàkẅé mvfò pie ée tsɛ̀ɛ cú’tè gí, ńgwɔ́ yɔ́ɔn kẅè mvfò pá’ pɔ́b, mbà Kristo la gwɔ ne gyá ngɔ́’, mèŋ n tyé jʉ’ó. Mèŋ n ge gÿo gẅiin yɔ́ɔn jʉ’ tsɛ̀ɛ legú’ gẅie e Ssé ge gÿo gÿo à kẅɛ́.

1 Piɛ 5:13

Acú’tè pʉ̀a Kristo gie áa Mbabilonia tsyɛ’té gẅí. E Ssé la tsɔ́’ɔ wɔ́b yɔ́b pá’ pi. Míŋ wɔ̀ɔn Malékuse tsyɛ’té gẅi yé.

1 Jâŋ 2:21

Mèŋ n ka gwaa ŋwe’e ŋwà’ne ná né pi mèŋ n tě ńdɔgɔ ńgɔɔn ngie pi tè ne ńzsé nò nénʉ́ gwɔ́ wɔ́. Á gwɔ́ pɔ́ nò gie pi ne ńzsé. Pi giŋé ńne ńzsé ngie, etsɔ́ cÿɔ nò lɔɔn ńgwɔ́ é le tsɛ̀ɛ nò nénʉ́ kẅɛ.

1 Jâŋ 3:18

Penkʉ́ pɔ́ɔn, tà pege lɔg pɔ́ ndà’ ncwò ńgɔɔn né nyìŋ ngie pege kwoŋo yé. Tà é ké ńgwɔ́ pɔ́ nkwòŋe mekùb ncwò. Pege lɔg pɔ́ mmó gie pege gÿǒ, tá à gwɔ́ nò ngie pege ne ńkwoŋo yé.

2 Jâŋ 1:13

Egubé fɛ́ gù we manzwě gẅie Ssé la tsɔ́’ɔ yé, gɔ̌ɔn ngie mèŋ n tsyɛ’te gú ńná né pɔ́b.

2 Jâŋ 1:5

Tʉ̀ nzẅìŋ Má penkʉ́, ammó gie mèŋ n ne ńzɛ́te mbwo gù fʉ̀’ɔɔn á gwɔ́ ngie pege gẅiin nkwòŋe tsetsɛ̀ɛ pege, sɔɔn ke tè gwɔ́ pɔ́ tsɔ́ *lepʉ̌ se sẅé sie mèŋ n ŋwe’e ńnáa mbwo gù wɔ́, ée *lepʉ̌ sie pege gẅiin tà fó nzyeté.

3 Jâŋ 1:1

Mèŋ nkẅè mvfò tsɛ̀ɛ cú’tè pʉ̀a Kristo, n náa yɔɔn ŋwà’ne mbwo gù Gaẅis, á shǔ wɔ̀ɔn we tʉ̀ nzẅìŋ. Mèŋ n kwoŋo gú nue pɔgɔ pǔ ńtyé nà nénʉ́.