1 Timote 6:6 - Nouveau Testament en Ngienboum

⁶ Á ké ńzɔɔn ńgwɔ́ nénʉ́ ngie nyìŋ záb ntʉ́m ná Ssé, mbà aa ngàŋa fù’ pá’ nò lɔɔn ḿboŋo yé nà mmó gie Ssé nǎ mbwo yé.

1 Timote 6:6 ပူးပေါင်းရင်းမြစ်များ

Lukase 12:15

MÀbiŋ ńgɔɔn mbwo mânyìŋ ntsèm ngie: Pi laga twó gí! Tà pi fa’a lécú’te shúm, ńké ńkẅi’i kẅi’i, le gwɔ́ we nyìŋ tè gẅiin tsɔ́ nò ná shúm sie angàŋ gẅiin wɔ́, tà mbɔɔ pá’ à zɔɔn fó ńgẅiin pɔ́ kɔ́ wɔ́!

Lukase 3:14

Pàlÿɔ́’ ncù gíŋe ńzɛ́te yɔ́b ngie: Ńgʉa ná peg, peg ga? Á tsɔ́’ ngie: Tà pi lɔg metʉ̀ kà cÿɔ̌ nò wɔ́ ésẅɛ́ɛ nyìŋ ńkẅé nkáb ye. Pi zẅí’te pɔ́ ndà’ nkába fà’ gi.

Roma 8:28

Pege giŋé ne ńzsé ngie menò mie é gÿo pʉ̀a pie pɔ́ ne ńkwoŋo Ssé, e Ssé gÿo mɛ̌ menò gÿo pɔ́ nò mbòŋo ná pɔ́b, á wɔ́b gẅie à la tsɔ́’ɔ nà ntí gie à la tʉ́ njÿó ńkwaŋ.

2 Korento 4:17

Múɔ méngɔ́’ gẅie peg ée fʉ̀’ɔɔn ne ńgyá, à cʉa cʉa. Mé lɔɔn ńgʉa ḿbí fʉ̀’ á le ku’u tsɔ́ mmó nà legú’ tendège gẅie à tě ńdà’a ḿmaga wɔ́, á gẅie yɛ̌ ngɔ́’ lɔgɔ ńtsɔ́’ɔ mánzsè ńnáa né pege wɔ́.

Filipo 1:21

Kristo zɔɔn ńgwɔ́ yɔ́ɔn nò ntsèm. N dɔɔn ńgwɔ́ wó, mbà mèŋ n gee wó ńtí Kristo, ńké ńkwé, mbà mèŋ n jÿǒ pì nzèm yé.

1 Timote 4:8

Nyìŋ lɔɔn ńkÿo ndʉ̌, mbà é ge kẅéte ndà’ mbùm ye. Tá legÿo mmó gie á poŋ Ssé, á kẅéte nà shúm ntsèm. Pege fó mǒ ńzsé ngie pege ge gwɔ́ wó nà fʉ̀’ɔɔn tà mbɔɔ ná fʉ̀’ gie á ge gÿo tá tó.

1 Timote 6:8

Pú’u la, ńgwɔ́ gie pege lɔɔn ńgẅiin mmó léjÿó mbɔɔ nzsǒ ḿma’, mbà wɛ̌ nzẅìŋ kaa kɔ́gɔ.

Heber 13:5

Tà pi kwoŋ nkáb kwoŋ tà é cʉ́’ʉ sá’a gẅi sá’, pi kág kág nà kɔ́ wɔ́ gie pi gẅiin, á nue e Ssé la gɔɔn né nyìŋ mesoŋ ngie: «N te lá’ gwá’a gú wɔ́, é ké le nyé té ne ńdíe gú wɔ́.»