1 Timote 6:5 - Nouveau Testament en Ngienboum

⁵ ńgwɔ́ fʉ̀’ ntsèm ne ńzoŋo nò tsetsɛ̀ɛ pɔ́b zoŋ, á nue pɔ́ cʉ́’ʉ ńzsé nò nénʉ́ wɔ́, ńkwaŋa yɔ́b pɔ́ ngie nyìŋ lɔɔn ńzáb ntʉ́m nà Ssé, mbà àa mánzsè gẅie à ge fó mǒ gẅiin nkáb.

1 Timote 6:5 ပူးပေါင်းရင်းမြစ်များ

Matio 12:33

Yěsô gíŋe ngie: Àtÿǒ lɔɔn ńgwɔ́ tÿǒ mbòŋo, mbà á ge zém pɔ́ ntɔ̌ɔn mbòŋo. Àtÿǒ ké ńgwɔ́ yé tepòŋ, mbà á ge zém pɔ́ ntɔ̌ɔn tepòŋ. Mé zɔ́ɔn ńzsé yɛ̌ tÿǒ wɔ́ pɔ́ nà mentɔ̌ɔn mé.

Matio 21:13

ńdeen ńgɔɔn né pɔ́b ngie: Áa tsɛ̀ɛ ŋwà’ne Ssé, e Ssé gɔɔn ngie: «Mé ge lá’a tóŋo ndá yɔ̀ɔn ngie: Ndá sẅíŋtè Tá pi ne ńdɔgɔ ńgÿo nkʉ̀a metsǒŋ»

Matio 23:13

Pi ee pàshÿó tepòŋ, pi *pàkyagte lepʉ̌ Mǒsê lâ pi pà *farisay. Pi ee pànkwòŋ menÿɔ́g, pi ne ńkíle ncwò ndá gẅie pʉ̀a mesoŋ pfó mǒ tá ńkúu tsɛ̀ɛ nò *lefùɔ Ssé, pú’u, pi tè tsɛ̀ɛ wó kú, ńké tè nyé pʉ̀a pie é ne ńkwoŋo lékúu tsɛ̀ɛ wó kúu wó wɔ́.

1 Korento 11:16

Nyìŋ lɔɔn ńké ńgyá ngie à ge zoŋo nò náa ná yɔɔn nò, mbà peg tè gẅiin mà we ndyɛ̀’ɛ wɔ́. Mecú’tè pʉ̀a Ssé ké tè gẅiin mà we ndyɛ̀’ɛ wɔ́.

2 Tesalonika 3:6

Mefɛ́ mefɛ́, peg lɔ̌g lezíŋ Cʉ̀apʉ̀a Yěsô Kristo, ńtsẅii mbwo pi ngie pi lÿɔ́’ mbɔɔ wɛ̌ fɛ́ gẅi wɔ́ gẅie à pɔ́gɔ fà’ pɔ́g, ḿbiŋ ńké tè ne ńgiŋe ná ntí gie peg la zí’i gẅi laa pɔ̌ wɔ́.

1 Timote 1:6

Etsɔ́ pʉ̀a kéen ńnyé mɔɔn menò, ńkúu pyé, ńcʉ́’ʉ ńzɔ́gɔ ńzoŋo pɔ́ menò mie é té tyé.

1 Timote 3:3

Á té zɛ́te ngie à gwɔ́ nyìŋ gẅie à ma’ mbùm yé ná melù’ wɔ́, ńgie à sá’ mbʉ̀’ wɔ́. Á zɛ́te ngie à gwɔ́ nyìŋ gẅie à pʉlé, á nyìŋ gẅie à tè ntsaŋ fa’. Tà á gwɔ́ nyìŋ gẅie à záb ntʉ́m wé nà nkáb.

1 Timote 3:8

Á gíŋe ńzɛ́te ngie pàfa’ mefà’ tsɛ̀ɛ cú’tè pʉ̀a Kristo gwɔ́ yɔ́b pʉ̀a pie é gẅiin mekù’, ńgwɔ́ pàshwóŋó nò nénʉ́, ńgwɔ́ pʉ̀a pie é té ma’ mbùm yɔb ná melù’ wɔ́, ńké le gwɔ́ pʉ̀a pie é kwoŋ nkáb ńgáte gaté wɔ́.

1 Timote 4:7

Ké ḿbɔ́ɔn menò pú’kwɔb mie é té kẅéte, tà ńcʉ́’ pú’u, é tɔ’ pʉ̀a lézáb ntʉ́m ná Yěsô. Ké ńne ńzí’i pɔ́ légÿo mmó gie á poŋ Ssé.

1 Timote 4:8

Nyìŋ lɔɔn ńkÿo ndʉ̌, mbà é ge kẅéte ndà’ mbùm ye. Tá legÿo mmó gie á poŋ Ssé, á kẅéte nà shúm ntsèm. Pege fó mǒ ńzsé ngie pege ge gwɔ́ wó nà fʉ̀’ɔɔn tà mbɔɔ ná fʉ̀’ gie á ge gÿo tá tó.

1 Timote 6:6

Á ké ńzɔɔn ńgwɔ́ nénʉ́ ngie nyìŋ záb ntʉ́m ná Ssé, mbà aa ngàŋa fù’ pá’ nò lɔɔn ḿboŋo yé nà mmó gie Ssé nǎ mbwo yé.

2 Timote 3:5

é gwɔ́ pʉ̀a Ssé pɔ́ nzème pǐ, é moŋe metʉ̀ Ssé mie é kɔ’ɔ́ lɔgɔ wɔ́b gÿo pʉ̀a Ssé. Timoté lÿɔ́’te ntí pʉ̀a ápɛ̌.

2 Timote 3:8

Pʉ̀a pie é zí’i wɔ́b zɔɔn ne ńdʉ’ʉ nò gie áa nénʉ́. Ndʉŋ ndʉŋ pá’ á laa tsɔ́ fʉ̀’, Jannès pɔ́ Jambrès lʉ’ʉ nò gie Mǒsê gɔɔn la, pɛ̌ pʉ̀a gíŋe ne ńdʉ’ʉ nò gie áa nénʉ́, ée pʉ̀a pie legyè sɔ́b té tyé, pɔ́ piŋ ńké tè záb ntʉ́m nà Ssé tà shwóŋó nò wɔ́.

Titus 1:11

Á zɛ́te ngie ɔ̀ jÿɔ́’ ncwò wɔ́b, mélà’mie pɔ́ ne ńdɔgɔ mmó gie pɔ́ zí’i pʉ̀a ńtébe metsìŋe ndá ńtÿɔ́gɔ. Á gwɔ́ mmó gie aa tè lɔg ńtÿɔ́gɔ múɔ, pɔ́ lɔgɔ fʉte wɔ́b, ḿpfɛ́ɛ nkáb yɔ́b.

2 Piɛ 2:15

Pɔ́ lěen ńgwá’a mánzsè gẅie à tyé ndʉŋ ndʉŋ, ḿbyé, ńcʉ́’ ńgiŋe pɔ́ ná we Mbalam, míŋ Bozor. Mbà mé la ná nkáb mbwo yé, ńdɔg ńjúu yé pá’ à ge gÿo nò tepòŋ. Á líe nkáb é póŋo yé, á zẅíŋ.

2 Piɛ 2:3

Pá’ pɔ́b kwoŋ nkáb tɛ’ la, pɔ́ ge lɔgɔ shwóŋè gie pɔ́ lʉ’té lʉ’te, é lɔg lÿɔgte gẅí, é kẅé shúm sí, ńke ńgÿo pú’u pɛ́’ɛ̀, mbà Ssé la lá’ ńzá’ ntsaŋ yɔb, tà á cʉ́’ pɔ́ méjʉ’ ngɔ́’ gwé ná pɔ́b.

Jẅide 1:11

Ndòon ee twó pɔ́b nue pɔ́ cʉmé nà mánzsè we Kain, ńne fʉate menò ńdɔgɔ ńdaba nkáb pá’ Mbalam. Pɔ́ ée pú’u, mbà pɔ́ kéen ńkwé, á nue pɔ́ kéen ńtʉʉ twó mbwo Ssé pá’ Koré.

Ŋwà’ne Ngyà jʉ’ 18:13

Ammó pá’ tsɔ̌ ntí shúm nná’ pá’ gie mé tóŋo lé kanɛl mbɔɔ laméndɔɔn ntí ntí, lê lìi lâ tsɔ́ shúm sie mé tuɔ, lê melù’, lê mèvɛ, lê faline ntí ntí, lê mefòŋ, lê *menjʉ̀njÿò, lê melÿóon lâ mekélêg, lâ pu’ ye ńjú jǔ mbɔɔ ye ncù.

Ŋwà’ne Ngyà jʉ’ 18:3

ńgwe ssé pú’u, á nue, mengwòŋ ntsèm kéen ńnú melù’ mpfwɔ́’ mé tɛ’, á nue pâ mefùɔ ndùmo ssé tsetsá’ kéen ńgÿo mpfwɔ́’, mbɔɔ pá’ pàtáŋa metʉ̌a pie ée ndùmo ssé tsetsá’ kéen ńcʉ́’ megàŋ nkáb, ńzẅɛ́’ɛ pá’ à ka gẅiin shúm kẅìŋ é gyɔ́ɔn tɛ’.