1 Timote 6:3 - Nouveau Testament en Ngienboum

³ Nyìŋ lɔɔn ńzí’i pʉ̀a nò ndyɛ̀’ɛ ńdɔgɔ ńgwá’a shwóŋè nénʉ́ gie á fóo mbwo Cʉ̀apʉ̀a wege Yěsô Kristo, mbɔɔ mmó gie pege zí’i pʉ̀a, pɔ́ fóo mǒ ńzába ntʉ́m ná yé,

1 Timote 6:3 ပူးပေါင်းရင်းမြစ်များ

Matio 22:21

Pɔ́ tsɔ́’ɔ mbwó yé ngie: Ée we Kása, lezíŋ gíŋ ńgwɔ́ pɔ́ sé. Yěsô leen ńké ńgɔɔn né pɔ́b ngie: Á lɔɔn ńgwɔ́ pú’u, pi náa mmó gie áa yé Kása á mbwó Kása, ńnáa yé Ssé á mbwó Ssé.

Matio 28:20

ńzí’i wɔ́b létÿɔ́gɔ kwò ná menò ntsèm mie mèŋ n da zí’i gẅí. Pi zsé ngie, kwà’ mèŋ n ge lá’a gwɔ́ pɔ́ tsetsɛ̀ɛ pi tà njÿó lá’ ḿmag.

Roma 16:17

Mefɛ́ pɔ́ɔn, mèŋ n ge gɔɔn né pi ngie pi pɔ́ɔn pʉ̀a pie é ma’a fàgte tsetsɛ̀ɛ pi, ńdɔgɔ pá’ pɔ́ lʉ’ʉ mmó gie mé la zí’i gẅi ná Kristo, ńgÿo pʉ̀a fʉa mánzsè. Pi kÿo pɛ̌ pʉ̀a.

1 Tesalonika 4:8

Pú’u la, nyìŋ gẅie à ju’ú yɔɔn nò ńdʉ’, à tě ńdʉ’ʉ pɔ́ nyìŋ mesoŋ wɔ́, à lʉ’ʉ pɔ́ Ssé gẅie à la náa zẅìge ndʉalʉ̌a yé mbwo pi.

1 Timote 1:10

Mé la tÿɔ́g *lepʉ̌ ńtí pʉ̀a pie pɔ́ pumo wɔ̌wɔ́ɔ pâ pɔ̌ nuŋe nuŋe, ńtí mbàŋa gie é nuŋe petsɔ́, ńtí pàtáŋa pu’. Mé la tÿɔ́g *lepʉ̌ ńtí ngàŋa cÿɔ̌ nò, ńtí pàjÿò ńgyá pie é gwɔ́ pɔ́ mengàŋa cÿɔ̌ nò. À la tÿɔ́g *lepʉ̌ ńtí pʉ̀a pie é fa’ shÿó ńgÿo mmó gie á té pumte nà nò nénʉ́ gie mé zí’i wégè wɔ́.

1 Timote 1:3

Mèŋ n ne ńkwoŋo ngie ɔ̀ ńnéŋe Efeso, pá’ mèŋ n ka gwɔ́ gʉa lê Makedonia ńtsẅii mbwo gù la, ńnéŋe wó, ńzsé ngie ɔ̀ ge lʉ’ʉ mbwo tsɔ́ pʉ̀a pie ée wó ngie tà pɔ́ gíŋe ńzí’i pʉ̀a menò mie ée ná nò Yěsô Kristo é té ná mánzsè wɔ́.

1 Timote 1:6

Etsɔ́ pʉ̀a kéen ńnyé mɔɔn menò, ńkúu pyé, ńcʉ́’ʉ ńzɔ́gɔ ńzoŋo pɔ́ menò mie é té tyé.

2 Timote 1:13

Timoté, ne ńkímte shwóŋè nénʉ́ gie ɔ̀ la jú’u ncwò mèŋ, ńne ḿbíi fʉ̀’ mǒ, ńzí’i pʉ̀a pú’u. Záb ntʉ́m gú pɔ́ nà Ssé, ńne ńkwoŋo yé pá’ peg pie peg la la nnɛ́ ná Yěsô Kristo peg gÿo pú’u.

2 Timote 4:3

Á nue atsɔ́ fʉ́’ ge gÿo gwɔ́, epʉ̀a le gíŋe ńkwoŋo lézẅí’te nò nénʉ́ gie mé zí’i pʉ̀a ná Yěsô Kristo wɔ́, é lɔg pá’ pɔ́ kwoŋo lézẅí’te pɔ́ nò gie ntʉ́m wɔ́b ne ńtsɔ́ɔn, éfa’ pɔ́b pàzí’i wɔ́b mmó tà e gyɔ́ɔn gyɔ́ɔn. Pɔ́ zí’i wɔ́b nò gie pɔ́ kwoŋo lé jú’.

Titus 1:1

Yɔɔn ŋwà’ne áa ńŋwe’e mèŋ Pɔl, mèŋ fa’a fà’ Ssé, ńgíŋ ńgwɔ́ ngàŋ ntúm Yěsô Kristo. E Ssé la zába wɔ̀ɔn lékẅíŋte pʉ̀a pie yé Ssé la tsɔ́’ ńdɔg ńgÿo pʉ̀a pé. Á lékẅíŋte wɔ́b pɔ́ ké ńzáb ntʉ́m ná yé záb, ḿbiŋ ńgÿo pɔ́ zsé nò nénʉ́ gie mé cʉa mǒ ńzsé legìŋ gẅie à póŋ Ssé.

Titus 1:9

Á zɛ́te ngie à nyɛ́te ńkú’te nkʉ̀ gẅie ée gẅie ńgwɔ́ mé záb ntʉ́m mǒ, é gwɔ́ gẅie peg zí’i pʉ̀a. À cʉa pú’u, à ku’u lelɔgɔ shwóŋè gie áa nénʉ́, ńkẅíŋte petsɔ́ pʉ̀a, ńku’u le shʉa shʉa ńdá’te *melɔ̌’ mie ée nà nò yé pʉ̀a pie pɔ́ lʉ’ʉ nò gie à gɔɔn.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.