1 Timote 6:2 - Nouveau Testament en Ngienboum

² Á gʉa nà menkwɔɔn pie pʉ̀a pie é gẅiin wɔ́b ée pʉ̀a Kristo pɔ́ pɔ́ɔn lézẅɛ́’ pá’ pâ pɔ̌ ée mefɛ́ mefɛ́ ńgwága wɔ́b. Tà ńcʉ́’ pú’u, pɔ́ fa’a fà’a yɔ́b á poŋ ńcʉa pá’ pɔ́ ka zɔɔn ńne fa’a, mélà’mie pʉ̀a pie pɔ́ fa’a mbwo pɔ́b kéen ńzáb ntʉ́m ná Kristo tà pɔ́b menkwɔɔn cʉ́’ʉ ńkwoŋo wɔ́b kwoŋ. Ammó gie ɔ̀ ge ne zí’i pʉ̀a, é piŋ ne ńkẅiŋte wɔ́b légÿo pú’u, à yɔɔn:

1 Timote 6:2 ပူးပေါင်းရင်းမြစ်များ

Matio 23:8

Tá ńgʉa ná pi, tà pi gÿo ngie mé tóŋo gẅi ngie tsítsà, á nue pi gwɔ́ pɔ́ mefɛ́ mefɛ́, ḿbiŋ ńgẅiin pɔ́ tà’ tsítsà wémɔ’ɔ́.

Matio 25:40

Àfùɔ tsɔ́’ɔ mbwó pɔ́b ngie: Mèŋ shwóŋó gẅí, kwà’ nénʉ́, mbàa yɛ̌ fʉ̀’ wɔ́ gie pi la gÿo mɔɔn menò, ná wɛ̌ mûɔ ményìŋ gẅie aa fɛ́ wɔ̀ɔn mɔ́, mbà pi lɔ̌ɔn ńgÿo pɔ́ ná mèŋ.

Matio 6:24

À lɔɔn ńgwɔ́ tsɔ̌ nkwɔɔn lé jú’ ncwò pʉ̀a mépʉ́a tà’ legʉ̀a wɔ́. À ge jú’ ncwò tá we, e lʉ’ʉ lé jú’ ncwò nyìŋ ndyɛ̀’ɛ. À ge kwoŋo tà’ nyìŋ, é pʉa wetsɔ̌. À lɔɔn ńgwɔ́ pi le ne ńzába ntʉ́m nà Ssé, ńgíŋe ne ńzába nà nkáb wɔ́.

Megàŋ ntúm 1:15

Á gÿo ńgwɔ́ tsɔ̌ lyɛ̌’, mefɛ́ mefɛ́ cú’te ssé, (tà ńgwɔ́ mmó pʉ̀a nkÿo lemóm mbʉ́a). Piɛ lu ssé, ńtyé tsetsɛ̀ɛ pɔ́b ńgɔɔn ngie:

Roma 11:17

Alá’a pà Israel áa pá’ tÿǒ mèvɛ olive nyìŋ, mbà ngàŋ ka kɔ́’ tsɔ́ mbwó mǒ ńgwá’. Gù gẅie ɔ̀ tè nyìŋ Yuda wɔ́, ɔ̀ gwɔ́ pá’ pwó tÿǒ mèvɛ olive gie á gwɔ́ pɔ́ mbím, mbà mé ka lɔgɔ gú ńtó ńdaa nùɔ mbwó mie é ka nyě ńgwɔ́ nà tÿǒ ŋwɛ́. Ɔ̀ɔ nà fʉ̀’ɔɔn ńne ńzẅɛ́’ɛ metse tÿǒ mie é ne fóo ná menŋàŋ ńkúu ná pia pɔ̌ métsèm.

Roma 8:29

Á nue pʉ̀a pie e Ssé la tʉ́ njÿó ńtsɔ́’ɔ wɔ́b, à la gíŋe ntʉ́ njÿó ńzáb ngie mémmó ge lá’ ne kúbe ná pɔ́b kubé, tà pɔ́ sẅé Míŋ we. À cʉa pú’u, Míŋ we gwɔ́ mûɔ ndÿò á nùɔ mefɛ́ pé pie é gyɔ́ɔn.

Galatia 5:6

Á nue nyìŋ lɔɔn ńda nnɛ́ ná Kristo, mbà mé lépú’u yé kà lényé té pú’u yé wɔ́, á té tsɔ́ nò wɔ́. Lezǎb ntʉ́m ná Kristo ḿbiŋ ńkwoŋ pʉ̀a mesoŋ zɔɔ nò.

Efeso 1:1

Yɔɔn ŋwà’ne fóo mbwo mèŋ pɔl, e Ssé la kwoŋ ngie n gwɔ́ ngàŋ ntúm Yěsô Kristo. Mèŋ n náa mbwo pi pʉ̀a Ssé pie pi ńnéŋe Efeso, mbà pi la záb ntʉ́m ná Yěso Kristo, ńké ńzsé pɔ́ ndà’ nò yé.

Efeso 1:15

Pá’ mèŋ n ka jú’ ngie pi ne ńkẅi’i ńzába ntʉ́m gẅi ná Cʉ̀apʉ̀a Yěsô, ńgíŋe ńjú’ ngie pi ne ńkwoŋo pʉ̀a Ssé métsèm lá,

Efeso 3:6

Ntsèm ŋwɛ́ e yɔɔn, á fó ná nkʉ̀ mbòŋo, epʉ̀a pie é té pà Yuda wɔ́, gẅiin yɔ́b mmó nà shúm sie e Ssé la ka’a mbwo pʉ̀a pé pà Yuda. Pɔ́ ée mekèm tà’ mbùm nnɛ́, ńgíŋe ńgẅiin yɔ́b nò ná mmó gie e Ssé la fó ná Yěso Kristo ńka’a mbwo pʉ̀a mesoŋ.

Kolosia 1:2

mbwo pi pʉ̀a Ssé pie pi ńnéŋe Kolos. Pi pǔ ńgwɔ́ mefɛ́ mefɛ́ á nà nò Kristo, pi ké ńzsé pɔ́ ndà’ yɛ̌. Tá wege Ssé ne ńgwɔ́ né pi, ńne ńnéŋe sẅétè ntʉ́m pi.

Kolosia 1:4

á nue mé ka shwóŋó wég ntí gie pi ne ńdɔgɔ ńzába ntʉ́m ná Yěsô Kristo mbɔɔ ntí gie pi ne ńdɔgɔ ńkwoŋo pʉ̀a Ssé métsèm.

Kolosia 4:1

Pi metá pu’, pi gwɔ́ ndʉŋ ndʉŋ mvfò menkwɔɔn pí, ḿbiŋ ńgÿo pɔ́ mmó gie á zɛ́te ngie mé gÿo, ńne ńkímte ngie pi gí gẅiin gẅi Tá fà’ tÿǒ lepwó.

2 Tesalonika 1:3

Mefɛ́ mefɛ́, peg gẅiin léná ndǎg mbwo Ssé nà twó sí ngwòŋ fʉ̀’ ntsèm. Áa mbòŋ ngie mé gÿo pú’u, mélà’mie pi tè ne ńkʉ́a lézáb ntʉ̀m ná yé wɔ́, ńgíŋe ne ńgẅiin nkwòŋe tsetsɛ̀ɛ pi ńdɔgɔ ńgee pɔ́ lê mvfò.

1 Timote 4:11

Mɔɔn ée menò mie ɔ̀ ge tsẅii mbwo pʉ̀a, é piŋ ne zí’i wɔ́b.

1 Timote 5:1

Ɔ̀ lɔɔn ńne shwóŋó nzẅìŋe ndÿò nò, tè cÿɔ́gɔ yé cÿɔ́g. Gɔɔn nò mbwo yé pá’ ɔ̀ gɔɔn mbwo tá gù. Líe ngwàshùm pá’ mefɛ́ pú pe mbàŋa,

Titus 2:1

Tá ńgʉa ná gù, ké ne ńzí’i pʉ̀a mmó à pumo pɔ́ nà nò nénʉ́ gie mé zí’i pʉ̀a ná Yěsô Kristo.

Titus 2:15

Mɔɔn ée menò mie ɔ̀ gẅiin léke ńgɔɔn mbwo pʉ̀a gɔɔn, ńgẅiin lékẅiŋte wɔ́b, ńnyɛɛ nyìŋ mmó gie à fʉ̌a. Gÿo mɔɔn menò tà ńzsé ngie ɔ̀ lɔgɔ pɔ́ metʉ̀ Ssé ńgÿo. Tè cʉ́’ nyìŋ gwága gú.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.

Heber 3:1

Pú’u la, mbà mefɛ́ pɔ́ɔn pʉ̀a kristo, e Ssé yé máŋwɛ́ zɔ ka tóŋo gẅi nà nò yé, àwɔ̌ɔwɔɔ tóo ná yé mmó. Pi sáŋa nò ná nyìŋ gẅie Yěsô aa wɛ̌, aa yé gẅie e Ssé la túmo yé ngie à gwɔ́ wege *nùŋe pwɔ́’ we lÿò ná nò Ssé gie pege tyé mǒ.

Heber 3:14

Pega Kristo zɔɔn ńcʉ́’ ḿbú ńgwɔ́ pɔ́ ná tà’a nò, tá’ á ne ńzɛ́te tà’a mmó wémɔ’ɔ́, á gwɔ́ lékú’te mmó gie mé la shwóŋó wégè tá pege záb ntʉ́m nà Ssé, ńkú’te kú’te tà ńdá’ ńkúu nà lyɛ’ɛ́ nzsoté.

1 Piɛ 5:1

Mèŋ n gɔɔn yɔɔn nò fʉ̀’ɔɔn lélɔg ńtÿɔ́gte pàkẅé mvfò pie ée tsɛ̀ɛ cú’tè gí, ńgwɔ́ yɔ́ɔn kẅè mvfò pá’ pɔ́b, mbà Kristo la gwɔ ne gyá ngɔ́’, mèŋ n tyé jʉ’ó. Mèŋ n ge gÿo gẅiin yɔ́ɔn jʉ’ tsɛ̀ɛ legú’ gẅie e Ssé ge gÿo gÿo à kẅɛ́.

2 Piɛ 2:10

À gwɔ́ lyɛ’ó, à tʉʉ lelÿò ńzáb ngɔ́’ twó pʉ̀a pie pɔ́ ńnéŋe ńgÿo mmó gie mbùm yɔ́b tsóte wɔ́b légÿo, ńnéŋe ńtsɔ́ɔn menò ncÿǒ. E Ssé gɔɔn nò pɔ́ gwág gwág. Pà zí’i pʉ̀a cÿɔ̌ nò, pɔ́ tsẅiŋe kʉ́kʉ́b wɔ́b tɛ’, ńzẅíŋe móm tà pɔ́ té pɔ́gɔ lézoonte mezẅìge mie é gẅíin legú’ wɔ́.

Jẅide 1:8

Epʉ̀a pie pɔ́ ka shǔ ńkúu tsetsɛ̀ɛ pi ŋwɛ́ gÿo pɔ́ pá’ pʉ̀a pie é laa tsɛ̀ɛ mɛ̌ metÿǒsoŋ. Pɔ́ kwaŋte menò mie é té tyé, á cʉa pú’u pɔ́ lɔg mbùm yɔb ńgÿo menò shʉ́. E Ssé gɔɔn nò pɔ́ gwág gwǎg. Pɔ́ zoonte mezẅìge mie é gẅiin legú’.