1 Timote 5:8 - Nouveau Testament en Ngienboum

⁸ Á gʉa nà gubé mepfɔ̌g, mbà nyìŋ wɔb lɔɔn ńgwá’ pʉ̀a tsìŋe ndá yɔ́b, mé gɔɔn pʉ̀a pie pâ pɔ̌ tsẅé, mbà à lɔgɔ pú’u, ńdʉ’ʉ nò Yěsô gie pege zẅíŋe. Angàŋ lɔgɔ pú’u, ḿbú ḿbÿɔ́gɔ ńcʉa nyìŋ gẅie à kaa záb ntʉ́m wé ná Yěsô wɔ́.

1 Timote 5:8 ပူးပေါင်းရင်းမြစ်များ

Matio 18:17

Tá’ á ké ńdʉ’ʉ lé jú’u nò gie pɔ́ gɔ̌ɔn, ɔ̀ lɔgɔ yɔɔn nò ńgʉa *ndá cú’tè pʉ̀a Ssé. Á piŋ ńdʉ’ʉ lé jú’u nò gie cú’tè á gɔ̌ɔn, ɔ̀ cʉ́’ ńdíe yé pɔ́ pá’ nyìŋ gẅie à tè Ssé zsé, ka pɔ́ pá’ mé líe nkẅè ncùb pà *Roma wɔ́.

Matio 7:11

Pi pie pi fʉ̀’ nò tɛ’ zsé léna shúm mbòŋo á mbwó gubé gí, tà ngʉ̀a shÿɔ́’ɔ ná Tá gẅi gẅie aa tÿǒ lepwó? À ge ná shúm mbòŋo mbwó pʉ̀a pie pɔ́ lǔɔ mbwó yé.

Ŋwà’ne Jâŋ 15:22

Mèŋ n daa pé’e, n tè tó, n daa pé’e pega pɔ̌ té shwóŋe, mbà tsɔ́ menò tepòŋ té ná pɔ́b wɔ́. Tá’ á ké ńgwɔ́ fʉ̀’ɔɔn pá’ɔɔn atsɔ́ nò gie aa ńgwɔ́ pɔ́ gɔɔn ńtí menò tepòŋ mɔ́b té wó wɔ́.

1 Korento 6:6

Tá áa tsetsɛ̀ɛ pi, nyìŋ Kristo lɔgɔ wetsɔ́ ńgʉa jʉ’ gie mé ŋaga mentsaŋ wó, tà á fó ńgwɔ́ pɔ́ mvfò pʉ̀a pie pɔ́ té záb ntʉ́m ná kristo wɔ́.

2 Korento 12:14

À yɔɔn gie mèŋ n ne ńkwaŋa létóo lá’ pi ná mbɔ́ɔntè yétá lɔɔn. Tá mèŋ n ge tó, pi ké le tsɔ̌ pyé twó mèŋ táŋ, á nue mèŋ n tě ńtóo fa’ shúm sí wɔ́, mèŋ n tóo pɔ́ fǎ’ pi. Á zɔɔn ńgwɔ́ pá’a, gígyé penkʉ́ zɔ tè gẅiin lélab nkáb ńná né metá pɔ́b wɔ́, metá zɔ̌ gẅiin lélab nkáb ńná né penkʉ́ pɔ́b.

2 Korento 6:15

Tà à lɔɔn ńgwɔ́ Kristo pɔ́ Bétial gwɔ́ tà’ ncwò? Tà à lɔɔn ńgwɔ́ nyìŋ gẅie à záb ntʉ́m ná Kristo pɔ́ nyìŋ gẅie à kaa záb ntʉ́m ná yé wɔ́ pú ńgẅiin tà’ nkwaŋá?

Galatia 6:10

Pú’u la, pege lɔɔn ńnyé ńgẅiin shÿó, pege gÿo nò mbòŋo mbwo pʉ̀a metsèm, ńtʉʉ lelÿò ńgÿo mbwo mefɛ́ mefɛ́ pie pega pɔ́ pǔ ńzába ntʉ́m ná Kristo.

2 Timote 2:12

Pege lɔɔn ńké ńne shÿɔgɔ tsɛ̀ɛ ngɔ́’ shÿɔg, mbà pege lâ pɔ̌ ge gÿo púte sá’a lá’ Tá pege ké ńgwá’a yé, mbà à ge gÿo gwá’a wégè yé.

2 Timote 3:5

é gwɔ́ pʉ̀a Ssé pɔ́ nzème pǐ, é moŋe metʉ̀ Ssé mie é kɔ’ɔ́ lɔgɔ wɔ́b gÿo pʉ̀a Ssé. Timoté lÿɔ́’te ntí pʉ̀a ápɛ̌.

Titus 1:16

Pɔ́ tyé ńgɔɔn ngie pɔ́ ne ńzsé Ssé, tá menò mie pɔ́ gÿo nyɛɛ ngie pɔ́ té Ssé zsé. Pɔ́ tʉʉ twó tɛ’, ńgÿo mmó gie á sẅile sẅile, ńgwɔ́ pɔ́ zɔɔn legÿo nò mbòŋo wɔ́.

2 Piɛ 2:1

Pà *ntsẅì nkʉ̀ Ssé pe cÿɔ̌ nò laa tsɔ́ fʉ̀’ ńgwɔ́ tsetsɛ̀ɛ pʉ̀a Israel, áa ndʉŋ ndʉŋ pá’ pà zí’i pʉ̀a nò Ssé pe cÿɔ̌ nò ge gÿo kẅɛte tsetsɛ̀ɛ pi. Pɔ́ ge gÿo lɔg pɔ́ ndɔ́ɔn ndɔ́ɔn é zí’i pʉ̀a cÿɔ̌ nò, é gwɔ́ gẅie ńgwɔ́ é cʉ́ŋte letʉ́m pʉ̀a, é gwɔ́ gwɔ́ tà moŋe Ndè gẅie à la gÿo pɔ́ tsẅɛ́, é gÿo pú’u, lɔg shwoŋ ngʉ̀ngʉ̀ gie e ge pyága wɔ́b, e ké le líi létó wɔ́.

Jẅide 1:4

Mèŋ n gɔɔn pá’ɔɔn nue tsɔ́ pʉ̀a kéen ńzɔɔn shú ńkúu tsetsɛ̀ɛ pi, pɔ́ ne sele shÿó nò mbòŋo gie e Ssé yege la lɔg ńcÿó gʉm yégè, pú’u lépʉ́le ńgÿo menò shʉ́ mɔ́b. Pɔ́ lɔgɔ pú’u, ḿmoŋe Yěsô Kristo, á gwɔ́ ndà’ Ndè wege, yé gíle yé zɔ gẅiin wégè. Pɔ́ ée pʉ̀a tepòŋ, ńgwɔ́ pʉ̀a pie ntyě sǎg pá’ ŋwà’ne Ssé la lá’ ńgɔɔn ntí ngʉ̀ngʉ̀ gie e ku’u ná pɔ́b.

Ŋwà’ne Ngyà jʉ’ 2:13

Mèŋ n ne ńzsé jʉ’ gie pi ńnéŋe wó. Alʉ̀ŋe lefùɔ Sátà tyé jʉ’ó tá’, n ké ńne ńzsé ngie pi cwoŋó ńcʉŋe pɔ́ ná mèŋ. Pi laa nyé lézáb ntʉ́m ná mèŋ wɔ́, tà mbɔɔ ná melyɛ̌’ mie mé la zẅé Antipas á mbʉ̀a pi, á nà jʉ’ gie Sátà ńnéŋe wó. Antipas laa nyìŋ ńgɔɔn yé pɔ́ ndà’ nò gie à zsě ná mèŋ.

Ŋwà’ne Ngyà jʉ’ 3:8

Mèŋ n ne ńzsé mefà’ mí, ńne ńzsé ngie pi tè mbòŋ metʉ̀ gẅiin tá mbà pi ka kě ńkú’te shwóŋè yɔ́ɔn tà pi tè wɔ̀ɔn moŋe. À yɛ, mbà mèŋ n tsɔ̌’ ncwò ndá ńná né pi. Atsɔ̌ nyìŋ gẅie à piŋ ńku’u léjÿɔ́’ à tè wó wɔ́.