1 Timote 5:5 - Nouveau Testament en Ngienboum

⁵ Ampfɔ̌g gẅie nyìŋ tè nzèm yé wɔ́, á gwɔ́ pɔ́ gílé yé, à ńnéŋe yé ńdíe mánzsè ńzẅí’te pɔ́ Ssé, ńne sẅíŋte yé zsó pɔ́ tsẅɛ́’ té kʉ́a, ngie à kẅéte yé.

1 Timote 5:5 ပူးပေါင်းရင်းမြစ်များ

Lukase 18:1

Yěsô saga tsɔ́ nò, ńdɔg ńda’te mbwo *ngàŋa kwò yé pà’ á poŋo lésẅíŋte Ssé fʉ̀’ ntsèm té kʉ́a.

Lukase 18:7

Tà ngʉ̀a shÿɔ́’ɔ nà Ssé? Á ge gǎ tá á le lwo ńtó ńkẅéte pʉ̀a pie à la tsɔ́’ɔ wɔ́b ńdɔg ńgÿo pé wɔ́? Tá pɔ́ ne ńdʉa ńtóŋo yé fʉ̀’e zsǒ pɔ́ tsẅɛ́’?

Lukase 2:37

A la cʉ́’ʉ mpfɔ̌g pú’u, ńké těen ńtsó *jʉ’ʉ Ssé wɔ́, ńnéŋe *ńkwoŋo kwoŋ ńnéŋe nzyè, ésẅíŋte Ssé, ńtsẅé ńgu’te yé fʉ̀’e zsǒ pɔ́ lêtsẅɛ́’, ńdá’ ńgẅiin ngù’ ntsɔ̀b lekùa lê móm lefɔ̌ɔn,

Megàŋ ntúm 26:7

Mengẅɛ̀ ndá mégè ntsɔ̀b pʉ́a nê legém pú ne ńzẅí’te yɔ́b pɔ́ lyɛ̌’ gie Ssé ge gÿo yɛ̌ nò pumte. Tà ńgwɔ́ fʉ̀’e zsǒ mbɔɔ letsẅɛ́’, ńne sẅíŋte Ssé, ńké ńzẅí’te pɔ́ yɛ̌. Ankwɔbɔ́, pà Yuda sẅiŋe wɔ̀ɔn pá’ɔɔn ńtí pɔ́ nue mèŋ n ne ńzẅí’te yɛ̌ mmó.

Megàŋ ntúm 6:1

Á láa nà yɛ̌ fʉ̀’, anùɔ pʉ̀a Kristo ně ńkẅi’i tɛ’. Atsɔ́ gwǒŋ gwɔ́ pà Yuda pie pɔ́ shwóŋó Gelekia, yetsɔ́ gwɔ́ yé pà shwóŋó kwà’ shwóŋè lá’. Pàshwóŋe Gelekia zyé lézẅɛ́te nà pàshwóŋe kwà’ shwóŋè lá’ ngie: Pɔ́ ne ńgaba shúm lyɛ̌’ ntsèm, pɔ́ téen náa sé mepfɔ̌g pɔ́b wɔ́.

Megàŋ ntúm 9:39

Piɛ lêen ńjú’, pâ pɔ̌ cʉ́me mánzsè té láte, ńgʉa tà ńkúu wó, mé lɔgɔ yé ńgʉa tsɛ̀ɛ lûm ndá gẅie aa ná ndêg we tÿǒ. Á kúu tsoló, mepfɔ̌g pànzwě metsèm tó ńcú’te lejʉ́ŋ yé, ńne ńdʉa, ńne ḿma’a mezìŋe ńnyɛɛ yé menzsǒ mie Tapita ka nyé ntentʉ́, ńtém ńná lé pɔ́b.

Megàŋ ntúm 9:41

Piɛ kíbe pwó yé, ńgÿo á lu ssé. Á leen ńké ńtóŋ pʉ̀a Kristo lâ mepfɔ̌g, ńnyɛɛ Tapita mbwo pɔ́b, á gwɔ́ ntentʉ́.

Roma 1:12

Ndyɛ̌’ n kɔ’ɔ́ gɔɔn pɔ́ ngie n dɔɔn tó ńgwɔ́ tsetsɛ̀ɛ pi, egi ntí lézáb ntʉ́m nà Ssé é kẅiŋte wɔ̀ɔn, eyɔ́ɔn ntí kẅiŋte gẅí.

Roma 1:5

E Ssé la cʉa pɔ́ nà yé Kristo ńcÿó gem yɔ́ɔn, ńdɔgɔ wɔɔn ńgÿo ngàŋ ntúm Yěsô Kristo légwɔ́ gie mèŋ n ge gʉa shwóŋó nò Ssé, tsɛ̀ɛ mengwòŋ ntsèm. Epʉ̀a záb ntʉ́m nà yé, ńjú’ ncwò wé, à cʉa pú’u, pɔ́ ná mekù’ mbwo Yěsô Kristo.

1 Korento 7:32

M biŋ ne ńkwoŋo ngie tà tsɔ́ menò, gwaa ńgege gẅi ntʉ́m pi. Nyìŋ gẅie à kaa zɔ́’ɔ à kwǎŋte pɔ́ menò Cʉ̀apʉ̀a. À fa’ pɔ́ légÿo mmó gie á ge poŋo Cʉ̀apʉ̀a.

1 Korento 7:34

Á cʉa pú’u, legyè sé té tyé ná tà’a nò wɔ́. Manzwě gẅie à kaa zɔ́’ɔ kà pɔ́ múɔ manzwě wɔ́, à ké ńkwaŋte yé pɔ́ menò Cʉ̀apʉ̀a, ńzsé ngie à ge gwɔ́ pɔ́ nyìŋ Cʉ̀apʉ̀a á nà kɔ̀ɔkɔ́ɔ wɔ́ gie à ne ńgÿo, mbɔɔ gie à ne ńkwaŋa kwaŋ. Tá ńgʉa ná manzwě gẅie à zɔ̌’, à kwaŋte pɔ́ menò me ndùmo ssé tsetsá’, à fà’ pɔ́ légÿo mmó gie á ge poŋo ndúm we.

Efeso 6:18

Pi gwɔ́ fʉ̀’ ntsèm ńne ńtsyɛ’te Ssé, ńgíŋe ne sẅíŋte yé nà mentí ntsèm, pá’ Zẅìge ge ne nyɛɛ gẅi ngie pi gÿo pú’u. Tà pi gwá’a lÿɔ̀g, pi sẅíŋte Ssé nà twó pʉ̀a Ssé métsèm.

Filipo 4:6

Tà pi pú’ mbùm gí nà tsɔ́ nò. Tá’, akɔ́ nò zɔ̌ lɔɔn ńtyé ssé wɔ́, pi pú’ mbwó mbwo Ssé, éshwóŋó yé mmó gie pi ne ńtsɔ́ɔn, ésẅíŋte yé, ḿbiŋ ńná ndǎg mbwo yé.

1 Timote 2:1

Pú’u la, mèŋ n ge gwɔ gíŋ gɔɔn nò, é vɔg gɔɔn ngie á ne ńzɛ́te ngie pʉ̀a Ssé ne tsyɛ’te yé nà twó mânyìŋ ntsèm, ńne ńdúɔ mbwo yé ngie à kẅéte wɔ̌wɔ́ɔ, ńne sẅíŋte yé, ńne síe yé nà twó wɔ̌wɔ́ɔ.

1 Timote 5:16

Manzwě lɔɔn ńgwɔ́ nyìŋ Kristo, mepfɔ̌g gwɔ́ nà tsìŋe ndá yɔ́b, mbà á ne ńzɛ́te ngie yé zɔ ne ńkẅéte wɔ́b tà á le náa yɛ̌ pì’ á mbwo cú’tè pʉ̀a Kristo wɔ́, ńzsé ngie cú’tè pʉ̀a Kristo ge kẅéte pɔ́ mepfɔ̌g pie nyìŋ tè nzèm pɔ́b wɔ́.

1 Timote 5:3

Lɔg mekù’ ńkẅéte mepfɔ̌g pie nyìŋ tè nzèm pɔ́b wɔ́.

2 Timote 1:3

Mèŋ n ne ńnáa ndǎg mbwo Ssé nà twó jú, e Ssé gie mèŋ n gu’te lê ntʉ́m mbòŋo pá’ pà mangʉa njʉ’ peg la gu’te yɔ́b. Áa fʉ̀’e zsó kà lêtsẅɛ́’ wɔ́, mèŋ n gwɔ́ sẅíŋte Ssé, n te nyé té kím lezíŋ shú wɔ́.

1 Piɛ 3:5

Yɛ̌ zɔɔ ńtí gie pánzwě pe fʉ̀’é mvfò pie pɔ́ lɔ́ɔn ḿbɔ́gɔ Ssé, ńnéŋe ne ńzẅí’te mmó gie Ssé la ka’, lɔ́ɔn ńkẅiŋe mbùm yɔ́b pú’u, ńne sẅí’i mbùm yɔ́b ńnáa ssé á mvfò melúm pɔ́b,