1 Timote 5:22 - Nouveau Testament en Ngienboum

²² Tè sẅɛte ńzáb mbwo ná nyìŋ ńcʉ́me fà’a cú’tè pʉ̀a Kristo mbwo yé. Zɔɔn ḿvɔg ńtsa’a yé mboŋó, ḿbɔ́gɔ ngàŋ légÿo nò tepòŋ, á cʉ́’ʉ jú. Pɔ́ɔn kɔ̀ɔkɔ́ɔ gie ńgwɔ́ á cʉŋte gú.

1 Timote 5:22 ပူးပေါင်းရင်းမြစ်များ

Megàŋ ntúm 13:3

Pɔ́ jú’ pá’ɔɔn, ńnéŋe nzyè, ésẅíŋte Ssé tà ńtsẅé jʉ’, ńdeen ńké ńzáb mbwó twó pɔ́b, ńnyé wɔ́b pɔ́ gʉa.

Megàŋ ntúm 18:6

Tá pà Yuda tiŋ pɔ́ ndʉ̀’, ńzoonte Pɔl. Á lêen ńcʉ́’ ḿbú’ pɔ́ pfepfɔ́b nà menzsǒ mé, ńgɔɔn né pɔ́b ngie metse mí lɔɔn ḿpfɛte twó pi, mbà yɔ́ɔn nò té mǒ wɔ́. Mèŋ n gee fó fʉ̀’ɔɔn, é cʉ́’ʉ shwóŋó nò Ssé pɔ́ mbwo pʉ̀a pie pɔ́ té pà Yuda wɔ́.

Megàŋ ntúm 20:26

Áa pú’u, tá mèŋ n ne ńnyɛte shwóŋó gẅi ngie mèŋ n kéen ńgÿo kɔ̀ɔkɔ́ɔ wɔ́ gie mèŋ n ka ku’u légÿo ńdɔg ńkẅéte gẅí. Nyìŋ gẅi lɔɔn ḿbyé, mbà yɔ́ɔn pwó té mǒ wɔ́.

Megàŋ ntúm 6:6

Pɔ́ la tsɔ́’ pʉ̀a pɔɔn, ńdɔgɔ wɔ́b ńtó, ńnyɛɛ mbwo megàŋ ntúm. Megàŋ ntúm sẅíŋte Ssé, ńzáb mbwo twó pɔ́b.

Efeso 5:11

Tà pi kúu nùɔ pʉ̀a pie pɔ́ fa’a mefà’ mie é té kẅéte, é mefà’ nzěm. Pi shʉ̀ashʉ̀a ńkyag nzèm yɔb kyag.

1 Timote 3:10

Á zɛ́te ngie mé zɔɔn ḿvɔg ńtsa’a wɔ́b mboŋó, ńgwɔ́ gie mé lɔɔn tè *lɔ̌’ɔ yɔ́b gyá, mé lêen ńké ńdɔgɔ wɔ́b ńgÿo pàfa’a tsɛ̀ɛ cú’tè pʉ̀a Kristo.

1 Timote 3:2

Á zɛ́te ngie ndìe cú’tè pʉ̀a Kristo à gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, tà á gÿo tsɔ́ mmó tà á cʉa. À gwɔ́ nyìŋ gẅie à sáŋa nò tá ńgÿo, ńgwɔ́ nyìŋ gẅie à kúe megʉ̀ mboŋó, ńku’u lézí’i pʉ̀a mmó.

1 Timote 3:6

Á té ne ńzɛ́te ngie nyìŋ gẅie à líe cú’tè à gwɔ́ nyìŋ gẅie à ka nyě ńgwɔ́ nyìŋ Kristo wɔ́, mbà ńgwɔ́ á tóo ńŋá’te nnɛ́, éfʉa nò, ńgwe ntsaŋ pá’ Sátà.

1 Timote 4:12

Pɔ́ɔn légÿo mé gwága gú ngie ɔ́ɔ múɔ. Kag tʉ̀ tà pʉ̀a Kristo pí fʉ̀’ ná gù. À cʉa nà shwóŋè jú, á nà megiŋe mú, á nà jù ntí lekwoŋo nyìŋ mesoŋ, á nà jù ntí lézáb ntʉ́m nà Ssé, á ná gù lépɔ́ɔn nkwaŋá gẅie à lɔɔn ńgwɔ́ é cʉŋte gú.

1 Timote 4:14

Tè lɔgɔ mmó gie e Ssé la lɔg ńcÿó gʉm jú, ḿma’a kwaŋ. Néŋe ne ńkímte pá’ pàkẅé mvfò tsɛ̀ɛ cú’tè pʉ̀a Kristo la cú’te, ńgwɔ záb mbwó mɔ́b twó gù, ńtsẅi nkʉ̀ gẅie é fóo mbwo Ssé.

2 Timote 1:6

Áa mmó gie á gÿo mèŋ n ge kẅiŋte gú ngie, ammó gie n ka záb mbwó mɔ́ɔn twó gù, e Ssé cÿó gʉm jú, ɔ̀ ku’u légÿo, tè lɔg ḿma’a kwàŋ.

2 Timote 2:2

Kímte nò gie ɔ̀ lɔ̌ɔn ńjú’u mèŋ n zí’i pʉ̀a, é laa pʉ̀a tà ńgyɔ́ɔn. Pɔ́ ée pàjÿò ńgyá. Ké cʉ́me pɔ́ yɛ̌ mbwo pʉ̀a pie pɔ́ ku’u légʉa ńzí’i yɔ́b petsɔ́ pʉ̀a, tè gʉa mǒ ńkúbe mmó.

Heber 6:2

pá’ lezi’í nò nà mekẅé ntse, pá’ lezi’í nò ná lezǎb mbwó twó pʉ̀a, pá’ lezi’í nò ná *lezimé nà legwé mbɔɔ ná pá’ e Ssé ge lá’ tsɔ́’te mentsaŋ é lɔg zsote.

2 Jâŋ 1:11

Nyìŋ lɔɔn ńtsyɛ’te yé, mbà pɔ́ ngàŋ lɔgɔ ńgwɔ́ tà’ ncwò ná mefà’ tepòŋ mie à ne fa’a.

Ŋwà’ne Ngyà jʉ’ 18:4

N jú’ yetsɔ̌ ngyè fó tÿǒ lepwó ńne ńgɔɔn ngie: Epʉ̀a pɔ́ɔn, pi fó tsɛ̀ɛ yɔɔn tÿǒsoŋo ńkẅɛ, ḿbɔ́gɔ gẅi légÿo menò tepòŋ pá’ yé, ńzsé ngie ngʉ̀ngʉ̀ ntí ntí gie e ge kúu ná yé e tè kúu gẅi wɔ́.