1 Timote 5:20 - Nouveau Testament en Ngienboum

²⁰ Á gʉa nà pʉ̀a pie é kwǎ’ ńgÿo nò tepòŋ, ɔ̀ tyé pɔ́ tsɛ̀ɛ cú’tè ńkága wɔ́b, petsɔ́ pʉ̀a gyá pú’u, ḿbɔ́gɔ légÿo nò tepòŋ.

1 Timote 5:20 ပူးပေါင်းရင်းမြစ်များ

Megàŋ ntúm 19:17

Pʉ̀a pie ée tÿǒsoŋ Efeso, pà Yuda laa pʉ̀a pie é té pà Yuda wɔ́, jú’u yɔɔn nò, ḿbú ḿbɔ́g, ńgɔɔn ngie: Cʉ̀apʉ̀a Yěsô aa wó tɛ’.

Megàŋ ntúm 5:11

Acú’tè pʉ̀a Kristo mbɔɔ tsɔ́ pʉ̀a pie pɔ́ la jú’u yɔɔn nò pú ḿbɔ́g tɛ’.

Megàŋ ntúm 5:5

Ananias jú’u yɔɔn shwóŋè, ńgwóon ńgwe ńkwé. Pʉ̀a metsèm pie é la jú’u yɔɔn nò pú ḿbɔ́g.

2 Korento 7:11

Pi líe pɔ́ mmó gie yɛ̌ ntí lemÿɔg, á nà ntí gie e Ssé ne ńkwoŋo, e ka gÿo ná pi tá ńgyá. Gyá gẅi lésẅɛte á fʉ̀’ gie nò áa ssé, gyá gẅi lélúɔ ngie mé lege mefʉa mí ńná né pi. Gyá gẅi lemÿɔgɔ nò yɔ́ɔn, gyá gẅi lépɔ́gɔ nò, gyá gẅi létsɔ́ɔn légyá wɔ̀ɔn, gyá gẅi lézeŋe nnɛ́, gyá gẅi lézáb ngɔ́’ twó nyìŋ gẅie à fʉ̌a nò. Pi ka lɔg meshÿó ntsèm ńda’te ngie pi ka tè gíŋe ńne ńzsé tsɔ́ nò ná yɔ̀ɔn nò wɔ́.

Efeso 5:11

Tà pi kúu nùɔ pʉ̀a pie pɔ́ fa’a mefà’ mie é té kẅéte, é mefà’ nzěm. Pi shʉ̀ashʉ̀a ńkyag nzèm yɔb kyag.

1 Timote 1:20

Áa tsetsɛ̀ɛ pɛ̌, Himené pɔ́ Alekzáŋdele gwɔ́ wó. N da néŋ pɔɔn pʉ̀a mépʉ́a nà mbwó Sátà. Légwɔ́ gie pɔ́ ge kúu mbwo yé, é zí’i pá’ pɔ́ té gíŋe gwá kʉ́’ʉ cʉŋte lezíŋ Ssé wɔ́.

2 Timote 4:2

Ɔ̀ tsẅi nkʉ̀ mbòŋo nò Ssé, ńtyé pɔ́ nzɔ̌ wɔ́ ńcwoŋo ńgɔɔn gɔɔn, kà á gwɔ́ pɔ́ jʉ’ gie mé ee wó ńne ḿbyɛ́bɛ ngie mé gɔɔn wɔ́, kà pɔ́ jʉ’ gie mé té wó ńne ḿbyɛ́bɛ wɔ́ wɔ́, ɔ̀ gɔɔn gɔɔn. Nyìŋ fʉa nò ɔ̀ kaga yé nà ntí gie à ge jú’, ńkẅiŋte yé légÿo nò mbòŋo. Gwáa gÿo pú’u, ńdɔg pɔ́ kwɔ́gɔ nnɛ́ ḿbiŋ ne ńzí’i pʉ̀a mmó.

Titus 1:13

Anò gie à la gɔɔn lɔɔn, áa nò nénʉ́. Áa yɛ̌ tá á ne ńzɛ́te ngie ɔ̀ gɔɔn nò ne pɔ́b té kú shʉ́, ńzsé ngie pɔ́ ge jú’ pɔ́ nò Ssé gie mé zí’i,

Titus 2:15

Mɔɔn ée menò mie ɔ̀ gẅiin léke ńgɔɔn mbwo pʉ̀a gɔɔn, ńgẅiin lékẅiŋte wɔ́b, ńnyɛɛ nyìŋ mmó gie à fʉ̌a. Gÿo mɔɔn menò tà ńzsé ngie ɔ̀ lɔgɔ pɔ́ metʉ̀ Ssé ńgÿo. Tè cʉ́’ nyìŋ gwága gú.