1 Timote 5:18 - Nouveau Testament en Ngienboum

¹⁸ Ashwóŋè Ssé zɔɔn ńgɔɔn ngie: Tà nyìŋ kwɛ́ ncwò fòŋ gẅie à gÿǒ, á ne ńnẅɛ’ɛ ngesáŋ ntsíŋ pá’ mé ge cʉ́’ fÿɔ́g fÿɔ́g. Á gíŋe ńgɔɔn ngie mé ná ntsɔ’ɔ́ fà’ mbwo nyìŋ gẅie à fa’á fà’.

1 Timote 5:18 ပူးပေါင်းရင်းမြစ်များ

Matio 10:10

Tà pi gwɔ́ cʉ́me mánzsè ńdyɛbe pɔ̀ɔn, tà pi píi kúbe nzsǒ, tà pi píi kúbe melɔ̌ɔn, tà pi tẅi’i tÿǒ. N gɔɔn pá’ɔɔn nue nyìŋ lɔɔn ne fa’a nzɔ̌ wɔ́, mbà mmó léjÿó yé ge fó jʉ’ó

Lukase 10:7

Pi vɔg tà ńkúu tsɛ̀ɛ yɛ̌ ndá wɔ́, pi ńnéŋe pɔ́ tsɛ̀ɛ ndá ayɛ̌, pi pɔ́ɔn légíŋe ńgʉa tsɔ́ jʉ’e ndyɛ̀’ɛ, mé náa kɔ́ wɔ́ pi pfɛ́, ńná melù’ pi nú, té kú shʉ́, mélà’mie nyìŋ fa’a fà’, mbà à ge jÿó pìi fà’.

Roma 10:11

Á lɔgɔ ńzɔɔn ńcʉ́me nà pá’ ŋwà’ne Ssé la gɔɔn ngie: «Nyìŋ lɔɔn ńzáb ntʉ́m ná yé, mbà shʉ́ té gÿo kúu ngàŋ wɔ́»

Roma 11:2

E Ssé kaa gwá’ pʉ̀a pé pie à la tʉ́ njÿó ńtsɔ́’ɔ wɔ́b gwɔ́. Á ge gǎ wɔ́ pi ne ńzsé jʉ’ʉ ŋwà’ne Ssé gie áa mǒ *Elîɛ ne shwóŋó Ssé mmó gie pà Israel gÿǒ,

Roma 4:3

Ŋwà’ne Ssé zɔɔn ńgɔɔn ngie kɔ́? Á gɔɔn ngie: «Ábalam la záb ntʉ́m wé nà Ssé, e Ssé fó mǒ ńcʉ́’ ńdíe yé, á gwɔ́ mvfò yé ńgwɔ́ pɔ́ ndʉŋ ndʉŋ».

Roma 9:17

Áa tsɛ̀ɛ ŋwà’ne Ssé, mbà mé la zɔɔn ńŋwe’e ngie: E Ssé gɔ̌ɔn né fùɔ Faraon ngie: Mèŋ n da lɔgɔ gú ńgÿo fùɔ légwɔ́ gie n ge nyɛɛ gú mmó, epʉ̀a fó mǒ ńgyá pá’ n tʉ pú’u, tá mé lêen ńké ńzsé lezíŋ sɔ́ɔn ájʉ’ ntsèm ndùmo ssé tsetsá’.

1 Korento 9:14

Áa ndʉŋ ndʉŋ pá’ Cʉ̀apʉ̀a la záb ngie pʉ̀a pie pɔ́ ne ńtsẅii nkʉ̀ mboŋo, pɔ́ ge ne jÿó shúm sie é fóo ná fa’a létsẅi nkʉ̀ mbòŋo.

Galatia 3:8

Aŋwà’ne Ssé la zɔɔn ńtʉ́ njÿó ńnyɛ ngie: E Ssé ge lá’ fó ná pá’ pʉ̀a pie é té pà Yuda wɔ́, ge lá’ záb ntʉ́m ná yé à zẅíŋe wɔ́b pá’ pʉ̀a pie ée mvfò yé ńgwɔ́ ndʉŋ ndʉŋ. Áa yɛ̌ tá ŋwà’ne Ssé la tʉ́ njÿó ńtsẅi wɔɔn nkʉ̀ mbòŋo mbwo Ábalam ngie: E Ssé ge lá’ cʉa ná gù é néŋ mbʉ́lè nà melá’ ntsèm mie ée ndùmo ssé tsetsá’.

Ŋwà’ne Jâg 4:5

Pi kwǎŋ ngie ŋwà’ne Ssé gɔɔn ngie: E Ssé pǔ tè zẅíŋ ngie pege nyé tsɔ̌ nyìŋ á jÿó jʉ’ Zẅìge gie à la ńnéŋe ná pege wɔ pé’e, ḿmeen, meen ńgɔɔn keen?