1 Timote 5:14 - Nouveau Testament en Ngienboum

¹⁴ Áa mmó gie á gÿo tá mèŋ n gyá ngie á poŋ ngie mepfɔ̌g pie é nyé pe mekʉ́ pɔ́ zɔ́’, ńzyé gubé, ńtáŋte mendá mɔ́b, á cʉa pú’u, megàŋ mbù pégè é le gẅiin shÿó légɔɔn nò ná pege wɔ́.

1 Timote 5:14 ပူးပေါင်းရင်းမြစ်များ

Roma 14:13

Pú’u, tà pege gíŋe ńŋag mennɛ́ mégè. Ammó gie pi gẅiin légÿo á gwɔ́ pɔ́ pá’ pi ge pɔ́ɔn légÿo tsɔ́ mmó gie fɛ́ gẅi ge kwɔɔnte mǒ à tsóte yé à gÿo nò tepòŋ.

2 Korento 11:12

Áa mmó gie n ne ńgÿo, n ge gíŋe kẅi’i gÿo pɔ́ pú’u, lɔg gʉa lê mvfò, ńzsé ngie n ge lɔg zá’ mekwò pʉ̀a pie pɔ́ ne fa’a ndilétáŋ lélɔg ńka’te ńgɔɔn ngie pega pɔ́ pǔ fa’a pɔ́ tà’ ntí.

1 Timote 2:8

Á gʉa ná nò létsyɛ’te Ssé mèŋ n ne ńtsɔ́ɔn ngie nzɔ̌ nzɔ̌ wɔ́ gie pʉ̀a Kristo cu’té wó wɔ́, mbàŋa tsyɛ’te Ssé, ńgwɔ tsyɛ’te, ńgwɔ́ pʉ̀a pie é té záb mbwó nà shúm tepòŋ tá ḿbiŋ ńkwé’e ńnáa tÿǒ fʉ̀’e létsyɛ’te Ssé wɔ́. Pɔ́ gíŋe ńgwɔ́ pʉ̀a pie é té ngàŋ lóŋ wɔ́, ńké tè fa’ mentsaŋ wɔ́.

1 Timote 4:3

Pɛ̌ pʉ̀a ne ńzí’i pʉ̀a ngie tà pɔ́ zɔ́’, ńgie tà pɔ́ pfɛ́ tsɔ́ shúm léjÿó, tá mbà Ssé la nyɛte sɛ̌ shúm légwɔ́ gie pʉ̀a pie é záb ntʉ̀m ná yé, ńne ńzsé nò gie áa nénʉ́, ge pi, ésie yé mǒ, é jÿó.

1 Timote 5:11

Tè ké ńŋwe’e mezíŋ mepfɔ̌g pie é nyé ńgwɔ́ pɔ́ pe mekʉ́ tsɛ̀ɛ ŋwà’ne mepfɔ̌g. Ɔ̀ lɔɔn ńgÿo pú’u, mbà pɔ́ ge ńnéŋe tà lézɔ́’ lu ssé twó pɔ́b, pɔ́ gwá’a fà’ gie pɔ́ ké ne fa’a nzèm Kristo, ńgʉa ńzɔ́’,

1 Timote 6:1

Á gʉa ná pʉ̀a pie pɔ́ ée ndá nkwɔɔn, mbà á ne ńzɛ́te ngie pɔ́ zsé ngie pɔ́ gẅiin légÿo mekù’ pʉ̀a pie pɔ́ gẅiin wɔ́b, ńzsé ngie mé té ge kím lezíŋ Ssé té poŋ wɔ́, é ké le gwága nò gie mé zí’i pʉ̀a ná Yěsô Kristo wɔ́.

Titus 2:5

é gwɔ́ manzwě gẅie à sáŋa nò tá ńgÿo, é gwɔ́ manzwě gẅie à zsě pɔ́ ndà’ ndǔm we, éfa’ mefà’ ndá mé mboŋó, é gwɔ́ manzwě gẅie mé kwoŋo nò yé, é gwɔ́ manzwě gẅie à jú’ ncwò ndǔm we. Pɔ́ lɔɔn ńgÿo pú’u, nyìŋ léshwóŋe té poŋ nà nò Ssé wɔ́.

Titus 2:8

Gɔɔn nò à tyé ndʉŋ ndʉŋ, á gie à lɔɔn ńgwɔ́ mé lezoŋ, ńzsé ngie pʉ̀a pie é lʉ’ʉ nò gie ɔ̀ gɔɔn, ge zág sóon gie pɔ́ ge zába nà pege, éshʉ́ kúu wɔ́b.

Heber 13:4

Á poŋ ngie lɔ́ɔndá gwɔ́ mbwo mânyìŋ ntsèm ńgwɔ́ mmó mekù’, mámbàŋa zsé ndà’ nzwě we, manzwě zsé ndà’ ndúm we, e Ssé ge zɔɔn lá’ ŋag pʉ̀a pie pɔ́ pumo wɔ̌wɔ́ɔ pâ pɔ̌ nuŋe, mbɔɔ pàgÿo gÿɛ́.