1 Timote 5:10 - Nouveau Testament en Ngienboum

¹⁰ Á zɛ́te ngie à gwɔ́ gẅie pʉ̀a ne ńzẅíŋe ngie aa ńgÿo mefà’ mbòŋo, á gẅie aa ńkwɔ́’te penkʉ́ pé mboŋó, á gẅie aa ńkúe megʉ̀ mbʉ̀a yé, á gẅie aa ńnáa nnɛ́ ssé, ńkẅéte pʉ̀a Kristo, ńgwɔ́ gẅie aa ńkẅéte megàŋ ngɔ́’, á gẅie aa ńgÿo pɔ́ nò mbòŋo.

1 Timote 5:10 ပူးပေါင်းရင်းမြစ်များ

Matio 25:17

Nyìŋ gẅie mé la nyé ye pàg nkÿo pʉ́a, gíŋe ńjÿó yé tsɔ̌ pàg nkÿo pʉ́a.

Matio 5:16

Aa yɛ̌ tá á poŋ ngie pi kyɛ’ pʉ̀a mesoŋ tá pɔ́ gyá nò mbòŋo gie pi ne ńgÿo, ńdeen ńké ńgu’te Tá gẅi gẅie aa tÿǒ lepwó.

Lukase 7:38

ńkuu ndá, ńtyé nzèm Yěsô, á ngʉ̀ŋe mekwò mé, ńzye lélʉa, ńdʉa lʉa tà ntse nÿɔ́g mé kẅɛ ńcʉ́mte na mekwò Yěsô. Mé gwɔ gyá manzwě ŋwɛ́ ne ńdɔgɔ menòŋo twó mé ńtsí’i mekwò Yěsô, ńtɔ́ɔn ésiŋte ńdɔgɔ laméndɔ́ɔn yɛ̌ ńzɔ́’ɔ.

Lukase 7:44

MÀbiŋ sele nnɛ́, ńdíe manzwě wá, ńgíŋ ńgɔɔn né Símo ngie: Ɔ̀ ne ńgyá manzwě wɔɔn, mèŋ n ně ńdá’ ńkúu ndá wɔɔn, ɔ̀ kaa náa wɔ̀ɔn ntse lɔg sɔg mekwò wɔ́, tá manzwě wɔɔn lɔ̌g ntse nÿɔ́g mé sɔg mekwò mɔ́ɔn, ḿbiŋ ńdɔg menòŋo twó mé ńtsí’i.

Megàŋ ntúm 10:22

Epʉ̀a ŋwɛ́ gɔɔn lé yé ngie: Kornɛy zɔ tumó weg, ńgwɔ́ tsɔ̌ tándà ncù pà *Roma, ésá’a pʉ̀a nkÿo. Àa nyìŋ, ńgÿó mmó gie Ssé kwoŋ, ḿbɔ́g Ssé. Pà Yuda metsèm kíme yé pɔ́ mbòŋ. Tà’ *cÿɔ́’ Ssé ka tǒ ńgɔɔn mbwo yé ngie: Túmo mé gʉa tóŋo Piɛ, à tóo ndá gù, ɔ̀ zẅí’te nò gie à ge shwóŋó gú.

Megàŋ ntúm 22:12

Ńkúu wó, atsɔ̌ nyìŋ gwɔ́ wó. Mé tóŋo yé lê Ananias. Á gwɔ́ nyìŋ ńgÿo mekù’ Ssé kwà’ pá’ *lepʉ̌ ségè ne ńzɛ́te. Pà Yuda pie pɔ́ tsẅé tÿǒsoŋ Ndamas tà ḿmaga wɔ́b pɔ́ kíme yé pɔ́ mboŋó.

Megàŋ ntúm 6:3

Pú’u lá, mbà mefɛ́ mefɛ̀, pi gʉa tsetsɛ̀ɛ pi, éfa’ pʉ̀a sɔɔn mbʉ́a pá’ pɔ́ ge ně fa’a yɛ̌ fà’. Pi cʉ́’ʉ letsɔ́’, ńdíe pʉ̀a pie tsẅé yɔ́b poŋ. Epʉ̀a pie Zẅìge Ssé léen ńjÿó letʉ́m sɔ́b. Pɔ́ piŋ ńgẅiin zsé nò. Peg cʉ́me fà’a shúm léjÿó mbwo pɔ́b,

Megàŋ ntúm 9:36

Atsɔ̌ mánzwě gwɔ́ Jope, lezíŋ sé gwɔ́ lé Tapita, ńdɔgɔ ńgɔɔn ngie nɔ̀ɔn ngáb. Á gwɔ́, mbà à la zẅíŋe nò Yěsô, ńgwɔ́ fʉ̀’ ntsèm ńgÿo pɔ́ nò mbòŋo, ḿbiŋe ńkẅéte pàte mmó.

Megàŋ ntúm 9:39

Piɛ lêen ńjú’, pâ pɔ̌ cʉ́me mánzsè té láte, ńgʉa tà ńkúu wó, mé lɔgɔ yé ńgʉa tsɛ̀ɛ lûm ndá gẅie aa ná ndêg we tÿǒ. Á kúu tsoló, mepfɔ̌g pànzwě metsèm tó ńcú’te lejʉ́ŋ yé, ńne ńdʉa, ńne ḿma’a mezìŋe ńnyɛɛ yé menzsǒ mie Tapita ka nyé ntentʉ́, ńtém ńná lé pɔ́b.

Roma 12:13

Ammó lɔɔn ńzága mbwo mefɛ́ pi pʉ̀a Kristo, pi kẅéte wɔ́b. Pi ńnéŋe ńkúe pà túm mboŋó.

Efeso 2:10

Pege lɔɔn ńgwɔ́ kɔ́ wɔ́, mbà pege zẅɛ́’ɛ pɔ́ Ssé. E Ssé la cʉa ná Yěsô Kristo ḿbwóon wégè, légwɔ́ gie pege ge fa’ mefà’ mbòŋo mie yé Ssé la lá’ ńcwoŋte ńzáb pá’ pege ge fa’.

Kolosia 1:10

Pú’u, pi ku’u léńnéŋe ná ntí gie Cʉ̀apʉ̀a ne ńkwoŋo, ńne ńgÿo pɔ́ mmó gie á poŋo yé, éfa’ mefà’ mbòŋo mentí mentí, ńkẅi’i ńzsé yé Ssé.

1 Timote 2:10

Á zɛ́te ngie pɔ́ lɔg pɔ́ mà wɔ́b ńnyɛ ngie pɔ́ ée pànzwě pie é sí. Áa pá’ pànzwě pie é gÿo mmó gie á poŋ Ssé gẅiin légÿo.

1 Timote 3:2

Á zɛ́te ngie ndìe cú’tè pʉ̀a Kristo à gwɔ́ nyìŋ gẅie mé té kíme yé té poŋ wɔ́. Á zɛ́te ngie à gẅiin pɔ́ tà’ manzwě wémɔ’ɔ́, tà á gÿo tsɔ́ mmó tà á cʉa. À gwɔ́ nyìŋ gẅie à sáŋa nò tá ńgÿo, ńgwɔ́ nyìŋ gẅie à kúe megʉ̀ mboŋó, ńku’u lézí’i pʉ̀a mmó.

1 Timote 3:7

Á gíŋe ńne ńzɛ́te ngie à gwɔ́ nyìŋ gẅie pʉ̀a pie é té pʉ̀a Kristo wɔ́ é kíme yé pɔ́ mboŋó. Pú’u, etsɔ́ menò mé mie ńgwɔ́ mé kem é le gwɔ́ wó wɔ́, Sátà le ku’u lélʉ’ lekÿo tà ńdɔg ńgwoon yé wɔ́.

1 Timote 5:16

Manzwě lɔɔn ńgwɔ́ nyìŋ Kristo, mepfɔ̌g gwɔ́ nà tsìŋe ndá yɔ́b, mbà á ne ńzɛ́te ngie yé zɔ ne ńkẅéte wɔ́b tà á le náa yɛ̌ pì’ á mbwo cú’tè pʉ̀a Kristo wɔ́, ńzsé ngie cú’tè pʉ̀a Kristo ge kẅéte pɔ́ mepfɔ̌g pie nyìŋ tè nzèm pɔ́b wɔ́.

1 Timote 5:25

Á gíŋe ńgwɔ́ pɔ́ ndʉŋ ndʉŋ ná mefà’ mbòŋo, ée ńzɔɔn ńkẅɛɛ pɔ́ menÿɔ́g, tà mbɔɔ mie mé té lwo ńgyá wɔ́, mé lá’ ńgyá gyá.

1 Timote 6:18

Tsẅi né pɔ́b ngie pɔ́ gÿo nò mbòŋo. Lefa’ mefà’ mbòŋo, à gwɔ́ yɔ́b fù’, ńgie pɔ́ zí’i légaba pwó, ńdɔg shúm sɔ́b ńkẅéte pʉ̀a.

2 Timote 1:5

N daa lege ngie ɔ̀ záb ntʉ́m ná Yěsô Kristo tà shwóŋó nò wɔ́, n te lege ngie má gù we ndÿò Lowas tà mbɔɔ má gù Eunis lɔ̌ɔn ńgÿo pɔ́ pú’u wɔ́. N zsě ngie mbàa gù jú ɔ̀ giŋé ńzáb ntʉ́m ná Yěsô pɔ́ pá’ pɔ́b.

2 Timote 2:21

Nyìŋ lɔɔn ḿbɔ́ɔn meshwóŋè cÿɔ̌ nò mie mé zí’i pʉ̀a lɔɔn, mbà ngàŋ ge gwɔ́ pá’ káŋ gie mé tÿɔ́gɔ ssé pɔ́ nà lyɛ’ɛ́ lÿò. Mbà à ge gwɔ́ nyìŋ Cʉ̀apʉ̀a, mbà à ge kẅéte Ndè we, à lɔgɔ yé ńgÿo kɔ̀ɔkɔ́ɔ wɔ́ gie áa mbòŋ.

2 Timote 3:15

Ɔ̀ la gwaa lu ssé ńne ńzsé mmó gie ŋwà’ne Ssé áa yɛ̌, ńgwɔ́ yɛ̌ zɔ̌ náa gú legyè lélɔg ńzáb ntʉ́m ná Yěsô Kristo, e Ssé gÿo ɔ̀ tsẅɛ́.

2 Timote 3:17

Pú’u ńzsé ngie nyìŋ Ssé ge fóo nà ŋwà’ne Ssé, é zsé nò Ssé mboŋó, tá gwɔ́ fʉ̀’e kɔ́ wɔ́, é ku’u légÿo nò gie áa mbòŋ.

Titus 2:14

Kwà’ yé à la náa twó yé ńtí wégè, lélɔg cu’u wégè mbwo menò tepòŋ mégè ntsèm. À la nyɛ́te wégè, pege cʉ́’ pʉ̀a pé, ńgwɔ́ pà tè *lɔ̌’, ńcʉ́’ ńnéŋe twó ńgÿo pɔ́ shúm sie ée mbòŋ.

Titus 2:7

Kwà’ gù tyé nà kɔ́ wɔ́, ńnyɛ́ pɔ́ fʉ̀’ʉ mmó mbòŋo. Ɔ̀ lɔɔn ne ńzí’i pʉ̀a mmó, ɔ̀ zí’i wɔ́b pɔ́ ndà’ nò gie áa nénʉ́, ḿbiŋ ńzí’i tà ńzsé mmó gie ɔ̀ zí’i yɛ̌.

Titus 3:1

Tè cʉ́’ pʉ̀a Ssé lege ngie pɔ́ gẅiin lé jú’ ncwò pà sá’ ngwòŋ, ńgÿo mmó gie pɔ́ ne ńzɛ́te, ḿbiŋ ńnéŋe ńtyé pɔ́ légÿo pɔ́ menò mie ée mbòŋ.

Titus 3:14

Mefɛ́ pégè nzèm Kristo gẅiin lékag tʉ̀ yɔ́b, ńdɔgɔ kwɔ́gɔ nnɛ́ ńgÿo menò mbòŋo, ńzsé ngie ńgwɔ́ pɔ́ kẅéte pʉ̀a pie nò tyě nà pɔ́b, pɔ́ le gwɔ́ pà té zẅɛ́’ɛ wɔ́b gwɔ́.

Titus 3:8

Menò mɔɔn ée jʉ’ó ńgwɔ́ pú’u. M bíŋ ne ńkwoŋo ngie ɔ̀ cwoŋo shwóŋó wɔ́b mboŋó, ńzsé ngie pʉ̀a pie é zǎb ntʉ́m nà Ssé pɔ́ ge kag tʉ̀ légÿo menò mbòŋo lékwɔgɔ nnɛ́, à gwɔ́ pú’u, ńgwɔ́ mboŋó, ḿbiŋ ńgwɔ́ mmó gie á kẅéte pʉ̀a mesoŋ.

Heber 10:24

Tà nyìŋ wege gwá’a lÿɔ̀g á lélíe fɛ́ we, á gíŋ ńdíe yé yé, ńzsé ngie pege ge lɔg pú’u, kẅiŋte membùm mégè ná legẅiin nkwòŋe mbɔɔ ná lefa’ mefà’ mbòŋo.

Heber 13:2

Tà pi lege lékúe megʉ̀ pie é tǒ mbʉ̀a pi, etsɔ́ pʉ̀a la lá’ ńkúe megʉ̀ kǔe, tà ńdá’a lyɛ̌’ ńkúe *mecÿɔ́’ Ssé té zsé.

Heber 13:21

Á poŋ ngie e Ssé mbʉ́lè ŋwɛ́, à gÿo pi ku’u légÿo nò mbòŋo légwɔ́ gie pi ge gÿo pɔ́ mmó gie à ne ńkwoŋo. Á poŋ ngie yé Ssé fó ná Yěsô Kristo, ńgÿo ammó gie á poŋo yé, à gwɔ́ ná pege. Legú’ à gwɔ́ mbwo Yěsô Kristo á nà ngù’ nkɔ́ɔn nê nkɔ̌ɔn! *Amen.

1 Piɛ 2:12

!Pi gẅiin tsẅé mbòŋo tsetsɛ̀ɛ pà tèzsé nò Ssé, tà ńgwɔ́ gie pɔ́ lɔɔn ne shwóŋte té poŋ ná lezíŋ sí, pɔ́ gyá menò mbòŋo mie pi ne ńgÿo, ńgu’te lezíŋ Ssé fʉ̀’ gie Ssé ge gÿo tó gɔɔn nò né pɔ́b.

1 Piɛ 4:9

Pi kúe mefɛ́ pi tsetsɛ̀ɛ pi á tsɛ̀ɛ mendá mí té ne ńzẅɛ́te.

3 Jâŋ 1:12

ńgʉa ná Ndermetelẅis, mbà wɔ̌wɔ́ɔ kíme yé pɔ́ mbòŋ. Ntí gie à ne ńdɔgɔ ńgiŋe ná mánzsè nò nénʉ́ ne ńda’te ngie mefà’ mé ée mbòŋ. Peg yég ne ńkíme yé pɔ́ mbòŋ, ɔ̀ piŋ ńne ńzsé ngie peg lɔgɔ shwóŋó nò.