1 Timote 4:7 - Nouveau Testament en Ngienboum

⁷ Ké ḿbɔ́ɔn menò pú’kwɔb mie é té kẅéte, tà ńcʉ́’ pú’u, é tɔ’ pʉ̀a lézáb ntʉ́m ná Yěsô. Ké ńne ńzí’i pɔ́ légÿo mmó gie á poŋ Ssé.

1 Timote 4:7 ပူးပေါင်းရင်းမြစ်များ

Megàŋ ntúm 24:16

Áa mmó gie á gÿo tá mèŋ n ne ńkaga tʉ̀ légiŋ ndʉŋ ndʉŋ á mvfò Ssé, mbɔɔ mvfò pʉ̀a mesoŋ.

1 Timote 1:4

Gɔɔn né pɔ́b ngie pɔ́ nyé menò pú’nkwɔb, lâ menò pà mangʉa njʉ’ pɔ́b pie pɔ́ tʉ́ é té mag. Yɛ̌ ntí menò gÿo mé zoŋo nò pɔ́ sẅɛ̀ɛ sẅɛ̀ɛ, é té kẅéte lézsé mmó gie Ssé la kwaŋa légÿo nyìŋ mesoŋ tsẅɛ́ wɔ́. Mé lɔg pɔ́ lézáb ntʉ́m nà Ssé tá ńzsé yɛ̌ mmó.

1 Timote 1:9

Pege giŋé ńne ńzsé ngie e Ssé lɔ̌ɔn těen ńtÿɔ́gɔ *lepʉ̌ ńtí pʉ̀a pie pɔ́ gÿo nò gie á tyé wɔ́, à lɔ̌ɔn ńtÿɔ́gɔ *lepʉ̌ ńtí pàfʉ̀’ menò, lâ pàtʉʉ twó, ńtí pàgwág Ssé, lâ pàgÿo menò tepòŋ, ńgíŋe ńtí mbɔɔ pʉ̀a pie pɔ́ té jú’ ncwò Ssé wɔ́, ńké tè lɔgɔ tsɔ́ mmó gie á fóo mbwo yé ńtóŋo tsɔ́ mmó wɔ́. E Ssé lɔ̌ɔn ńgíŋe ńtÿɔ́gɔ *lepʉ̌ ńtí pʉ̀a pie pɔ́ zẅéte metá pɔ́b lâ memá pɔ́b, ńtí mefÿɛ́.

1 Timote 2:10

Á zɛ́te ngie pɔ́ lɔg pɔ́ mà wɔ́b ńnyɛ ngie pɔ́ ée pànzwě pie é sí. Áa pá’ pànzwě pie é gÿo mmó gie á poŋ Ssé gẅiin légÿo.

1 Timote 3:16

Áa nò ngie nò nénʉ́ gie Ssé la gÿo pege zsé, á piŋ ńnyɛɛ wégè pá’ ńgwɔ́ pege giŋe ná mánzsè Ssé, á gú’ tɛ’. Áa ngie: Yé gẅie à la sele ńcʉ́’ʉ nyìŋ mesoŋ, A Zẅìge Ndʉalʉ̌a la nyɛ ngie aa tè *lɔ̌’. *Mecÿɔ́’ Ssé la gyá yé. Pʉ̀a la sá’a nò yé mengwòŋo mengwòŋ, mé záb ntʉ́m ná yé jʉ’ ntsèm tsɛ̀ɛ njÿó. E Ssé la sa’a yé, ńdɔg ńgʉa né tÿǒ lepwó, á jʉ’ʉ legú’.

1 Timote 4:8

Nyìŋ lɔɔn ńkÿo ndʉ̌, mbà é ge kẅéte ndà’ mbùm ye. Tá legÿo mmó gie á poŋ Ssé, á kẅéte nà shúm ntsèm. Pege fó mǒ ńzsé ngie pege ge gwɔ́ wó nà fʉ̀’ɔɔn tà mbɔɔ ná fʉ̀’ gie á ge gÿo tá tó.

1 Timote 6:11

Á ké ńgʉa ná gù gẅie ɔ́ɔ ngàŋa fà’ Ssé, ɔ̀ ne ńkÿo mɛ̌ menò tepòŋ, ńne ńkaga tʉ̀ ńgÿo pɔ́ menò mie é tyé ndʉŋ ndʉŋ, ḿbiŋ ne ńjú’u pɔ́ ndà’ ncwò Ssé, ńne ńzába ntʉ́m gú ná yé, ńne ńkwoŋo nyìŋ mesoŋ, ńne ńtʉte tʉte nzèm Ssé, ńtyé nà yɛ̌ nò wɔ́, ńgẅiin pɔ́ kwɔ́gɔ nnɛ́.

1 Timote 6:20

Timoté, pɔ́ɔn lélɔgɔ mmó gie e Ssé ka cʉ́me mbwo gù, ńdɔg ḿma’a kwàŋ. Pɔ́ɔn shwóŋè gie á té kẅéte, tà ńcʉ́’ pú’u, á tɔ’ pʉ̀a tɔ’ lézáb ntʉ́m nà Ssé, á shwóŋè gie á gÿo mé zoŋo nò tà ńkwaŋ ngie mé lɔgɔ ńzsé nò.

1 Timote 6:3

Nyìŋ lɔɔn ńzí’i pʉ̀a nò ndyɛ̀’ɛ ńdɔgɔ ńgwá’a shwóŋè nénʉ́ gie á fóo mbwo Cʉ̀apʉ̀a wege Yěsô Kristo, mbɔɔ mmó gie pege zí’i pʉ̀a, pɔ́ fóo mǒ ńzába ntʉ́m ná yé,

1 Timote 6:5

ńgwɔ́ fʉ̀’ ntsèm ne ńzoŋo nò tsetsɛ̀ɛ pɔ́b zoŋ, á nue pɔ́ cʉ́’ʉ ńzsé nò nénʉ́ wɔ́, ńkwaŋa yɔ́b pɔ́ ngie nyìŋ lɔɔn ńzáb ntʉ́m nà Ssé, mbà àa mánzsè gẅie à ge fó mǒ gẅiin nkáb.

2 Timote 2:16

Pɔ́ɔn le záb gú ncwò ná we pàzoŋ meshwóŋè mie é gwɔ́ pɔ́ sẅɛ̀ɛ sẅɛ̀ɛ, é meshwóŋè mie é táte nyìŋ taté lézáb ntʉ́m nà Ssé. Pʉ̀a pie é zoŋo mɛ̌ meshwóŋè ké fó lejʉ́ŋ Ssé ńkẅi’i ńkÿo kÿo.

2 Timote 2:23

Kÿo menò mie mé gwá ńzoŋo é gwɔ́ pɔ́ megʉ̀gʉ̀ menò mie é té kẅéte. Ɔ̀ zsě ngie mé zoŋ mɛ̌ menò tà ńcʉ́’ʉ lémag, ńtág pɔ́ melà’.

2 Timote 3:12

ńgwɔ́ nyìŋ zɔɔn le la nnɛ́ ná Yěso Kristo tà ńne ńkwoŋo légÿo mmó gie Ssé ne ńkwoŋo, mé nyé té kʉ́e yé kʉ́e wɔ́.

2 Timote 3:5

é gwɔ́ pʉ̀a Ssé pɔ́ nzème pǐ, é moŋe metʉ̀ Ssé mie é kɔ’ɔ́ lɔgɔ wɔ́b gÿo pʉ̀a Ssé. Timoté lÿɔ́’te ntí pʉ̀a ápɛ̌.

2 Timote 4:4

Pɔ́ té gÿo ńgíŋe ńzẅí’te nò gie áa nénʉ́ wɔ́, é cʉ́’ zẅí’te pɔ́ menò pú’kwɔb.

Titus 1:14

pɔ́ legíŋ ńjú’ menò pú’kwɔb pà Yuda, ńcʉŋe mǒ wɔ́, tà mbɔɔ mbʉ̌ pʉ̀a pie é teme nzèm nò gie áa nénʉ́ wɔ́.

Titus 2:12

Yɛ̌ ntí nkwòŋe ne ńzí’i wege légwá’a mà gẅie à tè Ssé poŋ mbɔɔ pá’ pege tè gíŋe ńgÿo shúm sie ntʉ́m wege tsóte wege ngie pege gÿo wɔ́. Pege cʉ́’ ńgwɔ́ tsɛ̀ɛ yɔɔn njÿó, ńgwɔ́ pʉ̀a pie é sáŋa nò tá ńgÿo, ńgÿo pɔ́ menò mie é tyé ndʉŋ ndʉŋ, ḿbiŋe ńjú’u pɔ́ ndà’ ncwò Ssé.

Titus 3:9

Tá’ pɔ́ɔn légɔɔn nò nà menò mie é té tyé, pá’ menò mie mé zoŋo nà mezíŋ pàmangʉa njʉ̀’ peg, pá’ menò mie mé zoŋo nà mbʉ̌ Mǒsê, é té menò mie é kẅéte nà tsɔ́ nò wɔ́, tà tsǒon méjʉ’.

Heber 5:14

Tá ńgʉa ná pʉ̀a pie pɔ́ cÿɔgtě, mbà pɔ́ pfɛ́ pɔ́ mmó léjÿó gie á tʉte. Pɔ́ ée pʉ̀a pie pɔ́ kéen ńzí’i tà ńgẅiin mà we lesaŋá nò, ńzsé yé mbòŋo, ńzsé yé tepòŋ.